[Part 1: 新手廚房最基本八樣嘢；Part 2：新手廚房up the game的小廚具]
今次Part 3會講電器，哩個Post無一樣嘢係"新 手 必 要"
電器主要稔3個問題
：A）無可取替：係咪有佢先做到某啲菜式？
B）有幾常用：係單一用途，定係可以用來做好多唔同菜式？你有幾常會做個啲菜式？
C）有無位：係咪要長期放係worktop？擺咗佢會否無位做嘢？
我會逐樣講下A+B，C你就自己衡量喇，我覺得工作空間 (無雜物、不計sink/爐頭/電器) 最好最少最少深40cm、有長90cm (大概一個砧板、一個兜、一堆食材各30cm)，有土地問題另計
老規矩，我會講我用咩牌子，但唔洗跟我買 （英國買，香港未必抵/搵到）我比低分個啲電器，不服來辯
，可能我未發掘到佢既好啫1. 電子壓力煲
我用：Instant Pot 6Qt Duo (美國牌子，算係最出名，極度鐘意，但之前有人講話係中國代工
，留名睇其他牌子介紹）推介度：
/5
- 你無佢生存到，但有咗佢你就可以煮要煮勁爆耐既嘢
- 講緊係3個鐘變1個鐘，1個鐘變半個鐘，唔洗睇火！
你可以輕易煮一啲稔起都煩既嘢，例如燉牛 (台式牛肉麵、紅酒燉牛腩、清湯腩）、螺頭湯（or 任何老火湯）、Ragu bolognese、紅豆蓉/沙...
- 之前洋蔥湯個post (https://lihkg.com/thread/2413333) 有人問個雞湯/牛骨湯點煲
我就係掟哂啲骨入去（啲骨係平時食雞腿肉起骨雪起，唔洗買添），加水，1.5小時就搞點，我屋企長期都有1-2盒自製雞湯
- 可以輕易搞點要企係度撩好耐既嘢，例如Risotto真係好出色好出色...
- 仲有其他偏門啲既用處：麵包第一次發酵、整yogurt、用來做sous vide個容器
- Instant pot唔驚爆炸，因為未放好壓根本開唔到。話驚芝芝聲個啲，屌.. 唔好驚喇...
2. Sous Vide 慢煮棒
我用：Anova
推介度：
/5 （某啲菜式係game changer，唔阻掟）- 以前聽C朗日日食雞胸覺得佢好慘
，但有咗sous vide，我發覺雞胸原來可以咁好味，再點啲薑葱
健身L食雞胸多數係買Sous vide棒既初心
- 其他有用既地方：厚切既牛扒 （起碼1.5"-2"，薄肉sous vide來無乜意思）、平d既牛部位(e.g. hanger steak, flank, flat iron)、Duck confit （唔洗用一大兜鴨油）、消毒雞蛋（可以生咁食）
- 蝦係驚喜既，sous vide 130F係從未食過既口感，加埋shallot + garlic + olive oil，好正（但絕對唔會為咗佢而買支棒）
- 唔洗為咗sous vide買個抽真空機（鐘意買幾k肉來儲存就另計），Sous vide想真空既原因係廢事佢浮起。你可以用heavy duty BPA-free保鮮袋，個袋浸入去用啲水壓會迫啲空氣出來
- 唔洗特登買個膠兜來裝水，擺到支棒就得（我擺係Instant pot到sous vide，仲隔埋熱添）
3. Immersion blender
我用：Breville
推介度：
/5 （整西湯某程度係無可取替，但你唔煮西湯其實都可以唔買既。又或者跟我整法式洋蔥湯）
哩類套裝有兩個用法：Immersion blender、mini food processor
- Immersion blender：80％用途係西湯（e.g. 南瓜湯、磨菇湯），20%係整Pizza個grated tomato sauce、沙律醬。整湯佢比攪拌機好個位係：你個攪拌機未必頂到高溫，或者攪拌機根本無咁大容量
- Mini food processor：想整nut butter會好易打柴/打得唔smooth，唔好玩，哩個最多幫手切下巨量蒜頭個啲好喇。我主要用來打Pesto醬，其他嘢一係就用Mortar & pestle (e.g. 花生碎) / 用刀快手切咗佢算
4. 電動打蛋器
推介度：會整甜品 -
/5 ；唔整甜品- /5我用：Bosch
佢99%既用處係打Meringue (蛋白霜）/忌廉，用手打無話唔得，藍帶一開始就要你用whisk手打添，希望你停電/部機壞咗都整到甜品（究竟法國人整甜品有幾癲
），但會打到手斷囉5. Food processor & 攪拌機
推介度：
/5 (少用，極阻位）我用：Kenwood (鄰居賤賣10磅比我，假設我用得多應該會買Bamix / Cuisineart)
- Food processor: 有少數嘢真係會方便好多，e.g., 牛丸、一年一度既蘿蔔糕，或者你唔想手既溫暖整溶啲嘢（例如Scone要搓啲牛油入啲麵粉到），其他嘢真係用手都唔係煩好多... 例如 整麵團、整碎消化餅做no-bake餅底
- Blender：有少數嘢係immersion blender做唔到，例如整蝦湯打碎啲蝦殼，整nut butter（不過要高級機先會打得smoot而唔打柴
)6. Stand mixer "廚師機"
推介度：
/5 （某啲功能係少少無可取替，但真係幾阻掟，因為太重一定要擺係枱頭）我用：Kenwood Kmix (本來想買KitchenAid Lift Pro，因為個頸fing下fing下個種較易壞，但英國買KA實在係貴到high high，同埋經常無貨)
- 整麵包有用：將啲乾同濕既嘢撈埋，唔洗整到成手都係麵團（尤其好濕既麵團 >65% hydration個種: e.g., neapolitan pizza / shokupan)，撈牛油入去唔洗隻手油淋淋。不過我都唔想太操勞佢，成日打到共共聲，驚佢打柴
，所以多數我用水合法（用機撈埋一齊，就由佢hea係度自己產生麵筋)- 低濕度既麵團 (e.g., 餃子、手造麵）就無乜需要用佢
- 整蛋糕反易好少用佢： 蛋白霜鐘意用手動打蛋器 （#4），一來可以一路打一路Feel唔會打過龍，二來有時太少蛋佢會打唔好
攪勻蛋糕材料更加唔會用Stand mixer，因為要小心overmix / 蛋白霜消泡- 整曲奇餅：Cream butter個步會易好多
- 另一個用途係裝飾... 個kmix襯埋手柄隻色
我無，見過人有，但我唔會買既嘢
：- 氣炸鍋： 除咗炸嘢，其他感覺上都係我個焗爐做到。咁炸嘢又有幾可食呢，唔值得我咁阻位
- 蒸爐： 用鑊 / Dutch oven，唔想睇火就用Instant pot，仲大部過部Instant pot極阻掟
- 乾果機、麵包機： 用途單一、阻掟
下意識無當佢電器
