樓主係用緊連燈角度諗姐,事實上:
1) 賭侵侵好似以前D總統,拿少少著數就得.
唔會打貿易戰,於是將之前傾好推倒重來.
結果:侵失勢,歐美比疫症打擊 要再傾既話枱面籌碼比之前更少
2)以為美中貿易戰打兩打就唔打,美國會投降接受之前利益.
中共會win.
結果:同上 只可話武肺嚟得啱啱好時候不遲不早
3)又賭以為美中第一階段貿易協議簽左, 就可以成日講USA virus.
唔會追究武肺帶來問題.
結果:事實上已經無人出聲追究
4)再賭中共以為可乘各國忙於武肺,不會理中共去白色恐怖同高壓統治香港.
於是快速立國安法,不理中英聯合聲明,同基本法.
結果:中共已經咬實香港集資呢舊肥豬肉,差一步就係全面接管金融地產換走舊港英時代既利益集團架構,外國紛紛表示遺憾。
5)中美進入初步冷戰.又賭用傾國之力令拜登上位.
賭拜登當選後,無晒問題.
結果:拜登依舊係玩奧巴馬果套,政府暫時太弱勢 國內問題都無能力解決,仲要比武肺拖後腳,經濟數據靠死印銀錢填數。呢4年再靠同一套貨幣政策行落去 下一屆政府條數愈拖愈大。加密貨幣市場上完全無領導地位,衰啲講日本都走得前過美國。美國需要一個好強勁既 productivity improvement 去找印銀紙呢條數,或者祈求未來幾年會天降一個經濟體有如中國禁大既黑洞去消化呢股通漲壓力。
當然美國差唔一定代表中國會好,
我認為重點在於中央集權 舉國體制呢一套曾經被註定失敗既制度,
會唔會係 AI 同大數據全面監控之下重生
中國就係一個10幾億人口既實驗場。
如果成功既話,我唔太期待美國左傾既新一代走歐洲式社會主義 會有能力對抗到。