居屋 2020 (9)

好似之前有講過唔會調整價錢，只會調整折扣率，如果樓價跌，應該會提升到7折？

我試咗個140佢個數就咁將個數乘2，唔係白表應該會前過280？

7折個折扣率咪低咗？

以WE140為例 實排246
咪前過280囉

唔明你個point

其實個表都唔係太準，求其睇下未算

老實說就算100%準都冇用 因為要等埋DQ結果先知道自己實際排名 用個excel只係知道左係冇DQ嘅情況之下大家既實際排名 再用2-3成DQ率打下飛機


但你話個表唔準我願意願聞其詳 做到咁都有得唔准？

你自己未講左

各人有唔同睇法 我自己就覺得呢個表可以提供worst case 揀樓次序已經好有用 特別係對於排得前簡樓既人（例如頭三日）基本上我地已經要開始排priority

任何DQ對我來講都係驚喜

揀樓前會公報幾多dq?

WM 隊除左dq 率，仲要睇長者果邊
所以咩數據都係參考

yes, 所以同一價錢下，你俾錢買嗰部分業權大咗（7成），反映返樓價

e.g. 你俾480萬買樓，6折下，即係你層樓市值800萬

樓價下跌，調整到7折，同樣480萬，代表你層樓市值685萬

呢個就係佢地所講唔會調整價錢，而調整折扣率去反映市況

應該係咁....有錯請指正

雖然咁講有d衰，我係白表第一粒珠，但都好似都揀唔落手，除左鑽石山其他地方去翻工都最少一個鐘，鑽石山有既話又覺得貴，到時候比家有長者揀完大單位都無哂，唔怪之得香港依家愈黎愈小人結婚，結左都唔生b。

鑽石山真係唔扺，佢六折完9365，原價一呎萬六左右咁，咁對比翻個地區其他樓價又唔係好扺。未揀就已經夠煩

現崇山: 17,200元
星河名居: 17,600元
采頤花園: 12,500元

六折完點會唔抵？
講緊呢個地區唔會再有樓係咁近地鐵站喎
同埋盡拎住呢舊錢你可以同區買到啲咩

地鐵站上蓋9千都話貴咁你呢世都唔使係香港買樓

咁買完唔係住一世，但到以後要補地價，其實佢係萬六蚊呎，咁相比起星河名居萬七呎私樓，另私樓咩裝備，公屋清水樓裝修又要幾多錢，私樓同居屋既投資回報又唔同，而且居屋2020係要十年先可以自由定價，仲有一點隔離係會起三橦公居，再前面幾年後又要起多幾橦公屋，住公屋既人多多少少都有一d係有問題，佢樓下係公園又點，你有小朋友你敢唔敢比佢落去玩？

如果淨係睇表面9000蚊呎係平，咁鑽石山最平200萬左右，係咪真係值呢個價？個升值潛力十年後係呢幾個居屋到係咪最高，但以上都係個人意思，大家睇法唔同都好正常

唔夠錢就要將貨就價嫁啦
鬼唔知住康樂園凱旋門好咩 有會所有高級保安 遊樂設施d 小朋友個個非富則貴

居屋政府送錢比你使重包保升價 回報都重覺得低過私樓自己搵新聞邊單唔係大賺既

又要蔗渣既價錢又要燒鵝既味道 既然咁多擔憂又覺得唔值咁真心建議你順應自己內心 唔好買

唔好嘈，留返俾我買

我其實都係覺得佢講得好有道理 支持佢決定姐

但你要諗同區邊度可以做到9成/9成半喎
新居屋30年擔保期，起碼有批綠表/白居二會有興趣
再者佢個location 係咁多新居屋其中一個最市中心嘅位置，有返咁上下吸引力

再講個區環境
先唔講附近係咩房屋種類
單係佢係工業區隔離同公路旁已經唔係首選喇
呢啲真係睇你要啲咩，個個都想住市中心又交通方便喇
買得居屋就將貨就價架喇

唔鐘意可以唔好要
留畀我自住

居屋黎講係正黨鐵站上蓋唔係年年有
仲要唔係山旯旮站上蓋
係沙中線同觀塘綫上蓋
你唔要 大把人爭住要

我同你都係白表一白尾，不過鑽石山到我個時都應該唔會有，講真我自己就諗緊馬鞍山，但如果唔係翻工唔方便真係覺得粉嶺火炭個升值潛力係高好多，以粉嶺為例入手係五千蚊呎，到時候補完地價賣萬五我諗都ok.但鑽石山補完就已萬六，唔通二萬一呎，但星河明居到個時都可以係差唔多價，咁買樓會買邊間，話鑽石山唔值係佢比起2019長沙灣凱徳苑五分鐘地鐵貴成千蚊呎，佢未拆個價平星河明居又係一千蚊呎。依家係買樓，梗係要諗多一層