拉打光太朗炎上
https://www.facebook.com/MarcoIp0428/photos/a.261141444397244/1041066603071387
【倉田哲夫炎上事件(一)】
登場人物
超鍾意RX但係啱啱新婚的事主
某演員兼肉店的店主
事發喺2018,當年係事主最愛的《幪面超人RX》30周年,推出咗好多紀念商品,可以話係大破財的一年。而且仲得知主演RX的演員,喺印尼舉辦RX30周年活動,不過參加費要30萬日圓(當中包含住宿等旅費)。當時新婚的事主,最初真係好想去,但係理性咁諗無咁多錢去,所以覺得好可惜!所以只好心底裡支持,點知有人突然pm咗佢。
「你去唔去印尼呀?」
竟然係演員本人聯絡事主!
「RX30周年呀!去喇!」
事主非常之想去,但係今時唔同往日,已經由單身狗畢業成有婦之夫,所以唔可以再亂咁洗錢,覺得用咁大舊錢去玩,好對唔住另一半。
事主收到咁嘅pm
「今次活動,比我想像中少人參加,有可能搞唔成呀!明明RX係日本的作品,結果咁少日本人參加!個面具呢!可以用信用卡畀錢架!我間舖10周年個陣你無嚟到,我係咪都無講啲乜先!呢啲時候出手幫忙先係真粉架嘛!參加喇!呢個係我最初同最後的請求!就當係為咗RX!」
當時事主見到偶像盛意拳拳,感到好兩難。作為粉絲好想答應,但係要維繫結婚後生活,而家只係啱啱好,點諗都無可能去到。結果,事主並無即時答應,經過一晚考慮後都係拒絕參加。結果原本加咗做fd的facebook ac,就被人block咗。
當時感到好傷心,傷心到將房入面展示的RX公仔全部收入箱度。明明曾經好鍾意RX,而家無法直視RX。勢估唔到會咁唔開心,後來就決定鍾意第二個英雄。
1年後,心情終於平復,終於可以將RX公仔重見天日!望一望Twitter見到個位演員將會喺大阪搞粉絲見面會。當時的事主心中,依然對佢有一絲希望,決定參加去見面,試下同偶像和解!
粉絲見面會的過程就唔多講,結果被偶像block咗的facebook ac,經過今次活動終於解除變返做好友。事主覺得好開心,認為一年前應該係一場誤會,於是好開心咁參加埋下次的岡山見面活動。但係活動前幾日,要出差工作無法參加,結果就無去到。所以決定參加再下一次的大阪見面會喇!不過天意弄人,上次係出差,今次就老豆意外入院,所以都無可能去,唯有聯絡主辦方,通知返要取消出席。
結果今次無block事主,而係無言直接解除好友。已經唔係第一次,不過依然感到傷心。後來聽返其他人講,只要唔參加粉絲活動的人,都會被解除好友或block ac,而且人數認真唔少!
就算而家諗返起,都不禁眼淚流,要將憧憬的英雄放棄係好傷心。
時至今日,依然見到佢以RX的名義賣好多商品,例如有簽名的鐵啞鈴、非官方佢自家製的非公式black口罩、直播催促粉絲課金等等。
待續。