圍爐取暖 原來呢個世界真係有性格不合的分手

我初頭覺得佢另外一日明明係屋企上連登YouTube 咁不如拍下拖，認真同佢講佢話一個人hea的時間對佢黎講好重要，咁我後來都理解，後來4年幾都無嘈過。無見面日子會wts回得都好快，除左番工時候，接近秒回，但無講電話。佢無自己房，講電話會尷尬，試過講電話佢會係屋企樓下坐，咁我就無再講電話。有睇last seen,唯一一次轟炸係因為知佢去以夢，見到個wts單剔好擔心佢。

大家都廿尾，我都覺得係經濟壓力問題，所以我盡量努力工作升職，想幫輕下。兩個人夾埋依家搵70k左右。佢覺得好少唔想搬出嚟住，但我覺得又唔生小朋友，其實都比上不足 比下有餘吖，同埋我同佢都仲有得升既

有結婚嘅承諾又點？
yoyo都同王浩信都結咗婚㗎， 後者咪又係出去滾

我諗最主要係你接受唔到佢個生活模式 世界得佢

有無試過一星期見幾次呀 定一開始到最後都一星期一次 有冇試過同佢屋企hea 你接受唔到定佢接受唔到

用me time 做籍口 好極有限
價值觀隨時間會改變
社會 身邊既事變化得太快 不過睇你等唔等到姐

你好愛佢，同埋係好好既女朋友。
建議你同佢講清楚，可能佢唔知你就左佢，可能佢唔知你諗法，又可能係佢自私所以食住你。樓主要正面去面對你哋之間嘅分歧。

你有冇詳細少少計劃未來，大家分配工作如何達到目標？
我知你好想幫佢分擔，但就咁睇你好似lead住晒成個計劃，
總之你要好好同你另一半溝通，自己詳細諗吓自己有咩地方令到佢有咁嘅反應，呢度啲人都係按照你嘅片面描述去作出片面嘅分析，只有你地兩個先知道大家嘅深入矛盾問題。

聽完你講呢d,佢似一個比較懶鍾意hea既人，所以先唔想結婚負咁多責任，你唔好expect佢會為你而改變，就咁睇佢真係未必會出軌，但你要諗下自己會唔會接受到個咁hea既人先，你要諗定日後夠錢同居佢會唔會懶係屋企乜都唔做你要做晒呢個可能，你要有呢種心理準備多d

P.s.我都係一個鍾意hea係屋企單機既人，所以好明你男友感受，結婚要煩既野多咁多不如唔變，仲隨時要應酬埋你屋企人

我覺得個男仔係未成熟 唔太鍾意負責任同埋比承諾
佢應該係慢麻煩同埋淨係為自己諗 唔係好肯付出
我相信佢係專一嘅 因為佢連偷食都怕麻煩
我覺得結唔結婚都係儀式 結左婚唔代表唔離婚
大家朋友早婚最後一係離一係日日屌

想問下你男朋友返咩工？係咪一份工做好耐嘅人？

利申: 男 20尾 唔係無婚主義但認為結婚只係投資或扣稅工具

其實無咩大事記得，因為佢唔識搞浪漫
但佢去旅行會plan好哂，我唔使帶腦去玩
但因為佢鐘意的野我都鐘意，佢唔鍾意嘅，例如shopping ，佢會搵個地方自己打發時間
我有試過因為身體健康問題情緒崩潰，佢陪住我鼓勵我度過唔開心嘅曰子

除咗結婚價值觀嗰段 我同你遭遇幾乎一樣
試過一個月先見一次 見個面好似要預約咁
關係仲要唔公開
我最後都捱咗三年幾先頂唔順慢慢淡出

佢未必係唔愛你，只係佢比較愛自己，或者係多年嚟習慣左諗左自己先，少喺人哋角度諗
你觀察下佢平時待人處事上就知佢唔係比較自我嘅人，好多時都係以自己為岀發點去做

我唔知你哋返咩工作啦，
有啲朋友係做醫護工作，返工都好辛苦啦，日夜輪班，
好想唞吓，對於呢啲工作疲勞嘅朋友，更加注重自己嘅私人時間，覺得有時拍拖就係翻另一份工：氹女朋友，消遣娛樂，早出晚歸，精神進一步消耗。

一個星期見得一日
樓主你肯定自己唔係第三者？

淨係紅日連假都只係見一日已經分得
見都唔想見 佢有冇諗過你感受

唔結婚唔代表唔愛你
但佢呢種 睇唔出有幾愛你
覺得係你太就佢 佢想有個對自己好嘅人

我可能會有偏見。因為我朋友個case 同你好似
你講開旅行我問吓你先。旅行目的地係佢揀定你揀？如果你唔鍾意有冇試過佢就返你？例如：佢唔鍾意shopping 但佢有時都會陪下你？佢唔鍾意行博物館但你鍾意佢會一齊？

如果係一齊鍾意既一齊做，佢鍾意既你就陪佢做，佢唔鍾意既你就自己一個做。咁你要問自己咁樣係咪真係ok？

我都同意
我有試過同佢講，你覺得結婚只係一紙公文的話，點解你又咁抗拒先？
根本心底裡係覺得有好大的分別，先態度咁堅決
佢有話俾d時間佢，佢會努力試吓克服，但依兩又話一諗起就好不安

其實你地岩岩開始果一年，佢無講過自己唔會結婚既人咩？

女人想要名分好正常既

就咁睇係你條仔唔多成熟

諗野有d自私

如果雙方都堅持己見

咁真係不如分手

一齊圍爐取暖會容易啲過
呢度巴絲好有愛
一路睇一路喊

簡單啲講， 你廿尾要人埋單， 條仔就唔想埋單， 大把人都因為呢啲原因分手， 不過呢啲嘢話唔埋佢識咗第二個會極速閃緍

肯定唔係

感建分
小事夾唔到可以遷就
但結婚係大事
勉強冇幸福