圍爐取暖 原來呢個世界真係有性格不合的分手

連登仔連老麥都要AA呀
佢地對拜金嘅標準好低

唔一定

佢唔想結婚係唔想同你結婚，換轉係超蓮你覺得佢仲會唔會唔肯結婚呢樣個樣？

樓主，作為一個過來人，有啲野想分享。

我同前度一齊左9年，男人由不婚到成日掛喺口邊話想結婚同生仔，但從來冇行動（冇認真儲錢，亦冇承諾幾時）

其實我同你個case好似，但我冇你咁誇張，我係勁忍佢，分過幾次但最後都一齊番，每次覺得佢都變好左，但其實我內心知道佢對我唔夠好，但我下意識會自我催眠，我同佢一齊開心就夠。（但其實係咪真係開心？自己心裡清楚得很）

首先樓主你要分清楚一樣野，你想結婚嘅原因，係一種男人對你愛的證明，有人願意為你負責任,想同行一世（先唔講有冇可能一世，但結得果一刻都唔會想離）

我以前係因為咁所以想同前度結婚，但其實心底裡我根本唔care 結唔結，我需要嘅係個男人對我嘅愛的證明。 坦白講，表面上可能係價值觀不合，但事實上，你男友對你冇一種要霸住你，要exclusive 左你嘅意欲。因為你好stable, 你比到強烈安全感佢。
佢根本覺得你一定唔會走。所以佢唔會想霸住你嘅欲望。

樓主，比一個advice 你，愛情路上，人係犯賤的，當你鐘意佢多過佢愛你，佢就會唔緊你，會覺得感情好淡。佢唔走係因為可能冇得揀，或者佢好懶，或者只係未有誘因要走，因為男人一齊左幾年冇咩風浪都唔會打算分手，但亦都唔打算埋單。

另一個重點係，其實女仔乜都就晒對方，以對方為先，潛意識係因為恐懼。你會覺得如果你唔就佢，佢就會唔鐘意你。 你所有嘅決左都係base on 佢鐘唔鐘意， 咁你會冇左自己嘅性格，冇左自己嘅生活，你嘅自信心、self esteem 會勁低， 自身變得好冇吸引力，（就算你幾靚都好幾有身材，都會變得唔charming）
因為你地當初一齊好吸引佢嘅自己已不復存在。同埋你係會以恐懼、害怕失去嘅心態同男友相處，佢係會feel到你唔會走，只係吊住吊住。

樓主仲後生，仲有樣，認真考慮清楚。，因為你已經開衰左個頭。可能因為你本身個人冇乜安全感，所以會走偏左。

其實從來都唔關「佢唔想結婚，但我想結婚」既差別問題， 而係你心底係知道男友其實唔係好愛你。（我唔會話佢唔愛你，但佢係唔夠愛你）

你去睇下一啲愛情advice GE書，個個都會講女仔冇左自己，將個生活軸心擺喺人地度，就等於將自己當成地「煎」一樣，男人唔會珍惜你。

如果你以呢種態度拍拖，就算係一個本身幾好嘅男人都會比你縱容到成為一個自私精。 相信我，我個ex同你個好似，佢會口話好愛我，我好重要，但係行動係另一回事，你會覺得自己標準已經好低，但對方都唔肯付出（或者間唔中會掉下骨頭比你，你就搖晒尾咁感激涕零，仲同自己講，佢都對我幾好，都仲愛我丫）

你首先要做番好自己，唔再以恐懼心態咁去同男友相處，其他野都係後話

飲水唔AA=拜金
同居食人地雪櫃隻蛋唔擺低一蚊=貪錢臭雞
男人買名牌=型
女人用自己辛苦賺返黎既錢買名牌=雞

結論 話人拜金個個先係自己睇錢最重個個

絲打 唔好介意 我想問，你有冇自己興趣或個人特質，因為睇返你所講既野，好似上面巴絲所講，真係冇左自己，一個女人冇左自己係最大獲，曾經有朋友鐘意條仔鐘意到冇左自己，成日痴住男朋友，但男朋友冇自己圈子，到之後我朋友醒覺，搵返自己興趣、朋友圈子，依家條仔痴返佢轉頭。

可能會比巴打屌，但綜合過去朋友同自己經驗，我覺得對男人太好，太遷就，男人係唔識珍惜，因為男人天性係狩獵動物，愈有挑戰性，愈覺得捉唔住，佢先會愈珍惜你，絲打你比你男友感覺係你唔會離開佢，佢覺得食硬你你諗下你願意問父母拎首期錢貼樓同佢結婚，何必要令到自己咁卑微呢

你應該都唔係結婚既人
結婚唔係得上床,食,玩咁簡單
仲有日日對住,再靚女都會厭

對於alpha型既男性係無錯
佢地鐘意挑戰同贏

絲打真係分析得好好
但奈何越鍾意一個人嘅時候
就會越怕失去佢

最後係邊一個提出分手？
咁你地一齊拍拖嘅時候
一開始已經有曖昧 激情？
定係好平淡咁開始？

你直接啲話我哋倆個淨係去簽紙，咩都唔搞，佢都唔肯嘅話就算啦

認真，講死一個禮拜只可以見一日
明知你想結婚都堅決呢世唔結而唔係話會考慮
其實即係重視自己遠遠多過你
講咁大段嘢入面，段關係唯一雙方面嘅優點竟然得一齊去食嘢同一齊去街
仲要一個星期得一次
個現實就係你為佢乜都肯嘅同時，佢願意為咗你做嘅嘢係得咁多
唔係話一定要分，接受到以後都係咁咪得

唔係咁 結婚係講溝通 唔止係外表 但係唔代表外表唔重要
你話幾靚女始終會厭 但有外表至少可以減慢個厭惡程度
對住一個普通樣 我只會更快厭 最好一定係樣靚又性格好

我哋頭先有再傾最後一次，本身諗住我講分手
但我哋都好唔捨得對方
佢好搖擺，一陣話好，一陣又猶豫😔
最後都係分手收場
我好似有希望一次又再絕望一次咁
依個自己療緊傷

一係就根本唔愛你，一係就個格係咁，就算愛你都唔會為你付出
兩樣都冇得改
未溝通過就話當佢毒撚真係唔識
溝通過都係咁就唔洗諗有得救

我以前都做過幾年你呢啲角色
當時係信佢愛自己架，而家諗返轉頭，人哋唔著緊已經做得好明顯
淨係死淨把口話唔捨得但完全冇行動到出嚟，其實咪即係唔緊囉

樓主加油
唔係你問題
你值得更好
學上面話齋，搵返自己，做啲自己鍾意既野啦

你想結婚，佢不婚，咁咪分囉
一係你都不婚，咁咪維持現狀
你想磨多幾年磨到佢肯咩

為咗一個結婚儀式 放棄一個人 ？你諗清楚未啊？

我同你情況好相似。
男友都係話不婚主義，就算拍拖多年都冇直接講有咩進一步發展。
每次同佢講完我想法，就算我提出分開，
佢都係話唔想分開，想挽留。
男人就係咁，就係因為一開始太容易得到，
對佢地太好，
所以我地既好一直以黎都不被珍惜。
我同你既想法都一樣，你冇錯。
我覺得你地要既係deep talk，
就當你男友係唔喜歡傳統儀式，
但若果佢真係愛你為你好，
簽個紙有幾難？
大家傾左都係冇共識，就放手啦。
你都係廿尾仲有機會。
祝福你早日搵到你既答案。

絲打講得好好 中晒point
但點樣先可以唔再恐懼或者係點樣先可以搵返「自己」
明呢個道理 但又好快再次變到抑壓自己 以佢為先

我提出分手。一開始都好激情，但對方係一個alpha,我同佢一齊成日覺得冇安全感。說到尾，其實大家唔係平等時，有個明顯嘅上把下把之分，係好難行落去。 雖然自己不斷提醒要搵番自己軸心，但係因為段關係唔開心，會好容易跌入感性陷阱。 同埋都係果句，一開始開衰左個頭（勁遷就對方，驚對方會走），所以會不斷輪迴。最後我好感恩自己係有勇氣離開佢，先真正知道自己想搵一個咩嘅人，想要一段點嘅感情

會呀，但我個人比較懶，我都唔想搞婚禮，亦無諗過生仔，大家相處幾好，已經好似家人咁。但係你唔好參考我呀，每個人覺得重要嘅嘢都唔同。諗吓除咗唔想結婚之外，你同佢相處ok嗎？你對佢有無其他解決唔到嘅不滿？ 四年都係一個好好嘅時間認真諗吓呢段關係。我識人卅幾歲散咗，喊到死，但係幾年後搵到個更好嘅，而家生咗個女lu. 所以唔好因為覺得擺咗四年喺入面所以要堅持。越拖，擺落去嘅時間就越長。加油！

明白啊，唔易。只可以儘快搵番多啲自己鐘意做嘅野，自我增值，學下野，要有自己嘅生活同社交圈子，有咩唔feel good都會同對方溝通而唔係委屈。委屈得多就會卑微同冇自信。講真話對方可能會走，但亦證明左佢唔係岩你嘅人。當然係局中係好難做出決定，只能講，拍多幾次拖，多啲經驗，就會知自己想要咩 ，趁仲有青春，要儘快辨識到咩對象係值得投資時間。

見微知著，千祈唔好覺得對方將來會為你改變。
其實一齊左兩三個月都知係咩料，只不過好多戈都驚搵唔到個更好嘅先會想再試，繼續投資
感情好難做到好理性，但唯有盡做啦
大家加油💪