圍爐取暖 原來呢個世界真係有性格不合的分手

好多謝你咁認真覆我
我一直覺得佢講唔出一個具體點解唔想的原因
我有話過係咪唔想分身家(我身家應該多過佢), 佢話唔係，佢連協議書分手分身家都可以簽。
我側面了解覺得佢唔鐘意應酬長輩，同佢好憎小朋友，不過我其實都無諗住生

做人做到咩都就晒佢 邊會持久，總有日爆煲

首先唔好諗迫唔迫呢樣先
迫係講緊啲強硬手段去令佢做一啲嘢
但係而家你冇
結婚亦唔係一種執着
只係因為你遇果個 價值觀唔算主流你先會咁諗

不如咁諗 如果你要打爛一樣嘢
五年嘅佢易啲吖
定自己想結婚個意念易啲
Btw唔好喊喇早啲瞓 瞓完再講

唔洗睇到結唔結婚都強烈感覺到你男友唔愛你

佢似係唔想負咁多責任係身，真係好鍾意另一半既話，只會想比個名份 同佢結婚

我覺得佢好叻，佢對佢鐘意的興趣會用心鑽研唔易放棄好charming, 同埋佢好專一，唔會周圍識女仔

我同你經歷差不多，不過我係想結婚但唔想大攪
但女家果邊要，結果拖到分手

我都有諗過，如果我放棄提結婚，我哋應該會相安無事兩三年，但我唔覺得我可以真心放棄，到時我三十頭，再同佢傾情況可能更差

聽落似係佢怕結咗婚之後俾長輩逼做呢樣嗰樣
就算你而家唔想生，難保10年後一人一句逼到你想
你希望結婚係佢對你一個人負責
而佢怕結婚後要對成個家族負責
大家認知有落差

你屋企長輩性格會唔會好萌塞？如果會的話，我覺得你男朋友因為唔想受嗰個無理壓力唔想結都唔奇，但如果唔萌塞的話，我覺得你可以再引導吓你男朋友講多啲佢嘅擔心？感覺上佢似嗰啲人生上迷惘緊嘅人，有機會係佢覺得自己都顧唔掂，唔敢孭一個家庭住

感情野一個願打一個願捱。如果淨係單方面付出咁就而佢又唔肯某方面就番你（如結婚even 唔擺酒），
咁最後就睇你忍唔忍到佢一世。

結婚，小朋友大家agree 唔到真係無得搞。

定其實你䑁得青春時間付出左，唔想total loss?

唔係性格不合喎，係佢根本唔愛你愛你嘅話，就唔會由得你自己一個不斷付出啦

其實我屋企人都係想大搞，我啲親戚朋友都對我好好，真心想飲我個餐，但佢唔想我都同佢講唔擺

認真
我作為一個三十幾歲既男士同你講，
主因係因為你唔夠靚或太肥。請問你外表點？幾高幾重？

因為你男朋友條件都唔太好，所以搵唔到第2個，但又唔想無拖拍，所以繼續同你一齊但無諗住結婚，因為你既外貌條件唔合佢過人世既標準。男人睇女人外表真係佔左9成重要，認真

好認真同樓主講句，係連登覆感情post嘅人九成都係現實情場失意、自己又唔抵得人好嗰啲人嚟

你喺度問嘢預咗會見到好多仇女言論（e.g. 吊西）、衝動毒撚言論（e.g. 係好男人一定唔會xxxx所以分手啦）

唔好理啲柒人，寧願搵個成熟啲嘅朋友傾好過

利申：極少喺連登覆嘢，係今次見到成篇長文一個膠位都冇（而且我睇到嘅時候係零回）我先開始打字

我覺得佢都有付出，佢努力去改我介意嘅野，例如長假會見我多啲，會努力俾驚喜我
記得我講過的野(even 小事到我自己都唔記得咗)之後實踐出嚟
我覺得佢係有用心經營我哋段關係，維繫感情架

同性格不合無關喎
假設你通嘅野完全正確
咁你同佢4年之間有冇真正溝通過一啲問題
而結論係佢為你改變？
退一步當佢好愛你
但一定係愛自己多過愛你
有咩理由會講死一星期見得一日？

有個留言講得岩
你依加唔見左1/3你自己
結完婚唔見左2/3自己

咁最後 你得返2/3自己
如果佢為你老公
佢點解要同你係埋一齊
你都唔係你了

何況 仲要冇結婚

總結 唔理分唔分手
搵返自己先

個男人真係愛你既 就算本身幾唔想結都會同你結
除非大家一開始拍拖就有共識唔結既先可以咁任性姐

你又搵首期咁貼住嫁出去佢都唔肯結
衰d講只能話佢唔夠愛你 又或者佢好撚唔成熟 只係諗自己無諗過你 無諗過女人30後同男人30後差幾遠哩個問題

認真建議 除左感建分
直接同佢開波講同逼佢啦 再拖落去無意思

好多謝你，因為我喊到訓唔著，呢個時候又搵唔到朋友傾所以開po
同埋朋友一定錫我企我果邊，想睇吓會唔會係我真係有問題自己唔知

樓主我問你最核心既野，你又唔答
咁你開post托柒

我Post多次呢段，怕夾喺其他回覆度見唔到：

聽落似係佢怕結咗婚之後俾長輩逼做呢樣嗰樣
就算你而家唔想生，難保10年後一人一句逼到你想
你希望結婚係佢對你一個人負責
而佢怕結婚後要對成個家族負責
大家認知有落差

你屋企長輩性格會唔會好萌塞？如果會的話，我覺得你男朋友因為唔想受嗰個無理壓力唔想結都唔奇，但如果唔萌塞的話，我覺得你可以再引導吓你男朋友講多啲佢嘅擔心？感覺上佢似嗰啲人生上迷惘緊嘅人，有機會係佢覺得自己都顧唔掂，唔敢孭一個家庭住

That’s the point,
一係佢覺得仲可以搵到另一個更靚
一係佢唔想負責任

結論: 佢只顧自己，冇顧過你

佢成日話自己係毒L
我覺得自己個樣唔差，朋友會讚我靚，中學就有男仔追，出街試過幾次男仔主動問攞contact
識化妝打扮，不過唔係好瘦160cm 50kg

換人係最佳選擇
而家好明顯係你鐘意佢多過佢鐘意你

你試下搵過個好鐘意你嘅仔，
你就會享受到比人服侍嘅好處，
同埋以後都唔會想做下靶
人生得一次，咁委屈做乜

你最好搵個勁鐘意你嘅對象