圍爐取暖 原來呢個世界真係有性格不合的分手

[長文慎入]
我同男朋友拍咗拖4年零十一個月
當中經歷過好多好多的磨合
我本身係一個好痴身(一個星期要見兩日以上) 的女仔
佢話唔得，佢好需要me time，我接受。最後一星期見一日。
我排開哂所有的朋友約會同佢拍拖(因為佢俾得一日我，就算有長假期紅日都係)
我會aa，我會記得佢鐘意咩，買禮物俾佢，唔會要佢買貴禮物，寫張卡俾我就好開心。
為左佢，佢嘅興趣我都會鑽研，變成我嘅興趣
4年來對佢無祕密，勁專一。有人係街approach 我問攞電話，第一時間拒絕仲會同佢講。
佢有事忙緊我唔會煩佢，佢其實係一個好固執的性格，佢每日嘅行程好固定，亦都唔會(無興趣)出軌搵第二個，所以我都好安心。
我唔會情緒化，鬧交冷戰會理性討論，主動認錯。
我非常努力工作，見佢無父幹，努力工作儲錢，諗好咗叫我爸媽幫手首期，同佢一齊供。

4年幾來每日都好甜蜜，佢話佢好愛我，會記得我講過想食嘅嘢，想去的地方同我一齊去。佢講過搵唔到一個好似我咁好的女朋友。
以為大家都一齊努力搬出去，努力為將來打算的時候，佢同我講佢係不婚主義。佢說服左自己好多次，但都係唔可以同我結婚。(因為我都已經廿尾)
話愛都唔一定要結婚，除咗結婚，乜都會盡量聽哂我話。
我知道佢驚結婚，驚佢大壓力要搞大龍鳳，我都同我屋企人，d親戚講到明唔會擺酒，話我唔想亦唔鐘意擺酒，鬧左好多次交。
我其實好想結婚，係咪我有問題？我知結婚唔代表一世幸福，結左都可以離婚，但我都真係好想同我愛的人有個儀式，宣誓愛對方，有個名份。我係咪係時候放棄佢？定我應該放棄結婚？
Sorry for 1999, 喊左3個幾鐘，但佢話我情緒化，訓醒再講。

總結 感建分 你太好 佢就覺得你除手可得 冇價值

我都成日諗，點解身邊或者連登上有咁多港女拜金女佢地男朋友都對佢地咁好，自己做足女朋友的標準但得唔到幸福

唔重視你 結左都唔會幸福 next吧

感覺你就佢就到冇咗自己
我當你而家冇咗三分一自己
結完之後你隨時冇埋三分二

因為到時個名份會鎖得你仲辛苦
你試想像下佢個me time同一間屋時去實行
你仲寂寞

佢係覺得自己可以簡個更好 一係你悶或者唔夠靚 咩都就曬佢

加油呀🥲🥲🥲 唔好唔開心太耐

除咗結婚，你同男朋友仲有無其他問題。
不過價值觀不同，又無人肯讓步，都好難搞

真係好愛嘅嗰一方
自己願意為對方改變

放手啦，如果真心愛你點會連一個咁神聖既承諾都比唔到你。仲有下一個問題就係生小朋友，就咁睇應該都會有好大分歧lor，所以早啲解脫，你性格咁好唔驚搵唔到

真係好辛苦，眼淚係咁係度流
不停咁諗係咪自己應該放下結婚嘅執著
係咪自己迫緊佢改變

啱聽 搵個後生啲嘅屌好過

有爭執的時候冷戰唔哄我係咪一個問題？
價值觀黎講佢比較憤世d，但大家都係黃嘅

咩原因不婚主義先
佢屋企人離過婚所以希陰影？定係純粹唔鍾意搞大龍鳳

多謝你，依家真係好難捱先出po圍爐

認真覆

人係儀式性嘅動物，對啲無實體但又重視嘅嘢會諗好多辦法用儀式表達
例如節日送禮物，新年講祝賀詞
所以如果你平時好孝順呀媽，但唯獨農曆新年一定唔參與
你點孝順，你媽都會覺得唔舒服，因為儀式係正常需求
所以你冇問題

要解決呢個問題就需要知道你男朋友唔鍾意結婚咩部份
到底係實質上唔鍾意（例如離婚要分身家，佢唔鍾意經常應酬長輩，唔想有小朋友）或者係儀式上唔鍾意（例如佢覺得個儀式好迂腐，佢唔想自己好似係體制入面咁）

如果雙方都愛對方的話，我覺得需要有系統地理性討論吓你哋分別點睇婚姻

如果感情冇問題，而家你地就唔算性格唔夾，有機會只係溝通不良

另外樓上感建分嗰兩條友，樓主唔係假膠就咪咁咀賤啦

其實我都唔知，佢屋企唔係離婚
我知佢唔鐘意大龍鳳我都同我屋企人講唔擺酒，我驚佢哋覺得佢唔好，仲講係我唔想擺

一星期見兩日或以上唔算黐身啦
你好好 認真 deserve so much better

睇下你接唔接受到，會唔會成日拎出黎嘈。好似結婚呢個好明顯一個解唔到既結

不過我都覺得結婚好合理既事。你幾時先知佢唔想結婚咖？

可以試下同居先
真係夾到生活細節先再算
冇同住過係唔了解對方有咩缺點
可能到時已經頂唔順要分手

大家既目的都唔同

妳就想要穩定既婚姻生活

佢就想要有個穩定既閪來插

最後各行各路

你愛佢啲咩？長文我只見到你各方面就佢好多，佢有咩就番你？

我覺得要了解到點解先可能有方法解決
冷靜完之後傾傾佢啦