圍爐取暖 原來呢個世界真係有性格不合的分手

依句喺依個post入面絕對係一言驚醒夢中人
樓主就係抱著點解我付出咁多，點點點好，就以為會有好結果

男人責任係要多诏女人
女人投入情感成本係高男人好多


建議樓主有返自己生活
分唔分手都好

降低自己需求

佢男友根本唔想結婚
又唔想做醜人講真心話出黎

講得好

你諗下一世都要咁辛苦就會覺得唔值得結婚去留住一個人

女人最青春個5年比哂依個男人，雙方價值觀唔適合拖到而加至分手，可惜

介唔介意講下你男朋友有咩特質令你咁冧佢

唔係性格不合
是係唔夠愛

分啦
咁撚愛你驚咩結
又話不婚又話唔想大龍鳳，佢都戇撚柒鳩，簽個名有幾煩呀
婆婆媽媽咁
根本佢就驚結左返唔到轉頭，因為佢仲想試其他女仔
你話佢好專一？不如你搵個偵探跟跟佢好話。
不論男女，有心偷食唔俾人發現係好撚容易嘅事。

儀式好迂腐

呢啲人諗撚壞腦，叫佢食屎啦

認真覆:
1. 你愛結婚多過愛你男朋友。
2. 你男朋友愛唔結婚多過愛你。
如果以上成立，答案就係你地唔夾。

我唔捨得分，所以就算心痛都忍住
永遠覺得自己可以再做好啲同多啲，唔想自己一時衝動造成後悔
咁就一直努力到而家

唔會講感建分，有啲野係要自己經歷過先學識點做決定，去斷捨離，去揀對自己（同大家）最好嘅選擇。

去到某個年紀，就會覺得自己嘅時間好寶貴。一齊唔開心，分左手反而輕鬆啲。 雖然前度好快同第二個一齊，極速同居，仲好開心，相信佢地好快會結婚。但我冇後悔過。反而好彩以前無勉強走進婚姻，因為一定唔會想像中嘅幸福。只不過係因為投資左好多時間同心機，唔甘心讓比其他人。但係學識止蝕都係好緊要。

後來試同其他男人一齊，就發現個世界好大，同埋知道真正錫自己嘅男人係點，就會覺得自己以前一直唔放手好傻，一早應該要面對現實，有咩唔妥就一定要傾，冇得傾/解決唔到就next ，跌跌撞撞多幾次就會知道自己想要一段點嘅感情。

最緊要唔好委屈自己，一世人冇咩幾多個5年10年，開心最緊要。加油啊💪

建議放手 唔係盞繼續痛苦
佢都講到明不婚
就算你日日喊 佢都唔會因為咁而改變

但佢話我情緒化，訓醒再講。

訓醒再講擺明食住你知你唔會走，佢都由鳩得你費事氹你

我相信其實無人會唔想結，只係唔夠愛，未遇到自己好鍾意嘅人

我都係咁諗
不過唔同既係我都做過傷害佢既事（唔係有第個）
加上幾年前都發生過d事搞到好有陰影
幾年都唔係過得咁好 調整唔到心態做左好多奇怪野
忽冷忽熱
搞到佢佢依家感覺都已經唔多愛我
好似吊住條命咁
同埋拍太耐唔知係大家唔捨得定點

但會唔會分完先發現原來佢都算錫自己
我自己係無論做咩決定都會極速後悔既人

我同佢一齊四年一直都以為所有野都以為遷就下個結果就會慢慢變好，覺得拍拖點都要磨合所以一齊四年好多野都會迎合佢，佢想做啲咩唔想做啲咩都睇佢頭，佢低潮既時候我想盡辦法開解佢安慰佢，但時間耐左就開始覺得愈來愈多不滿亦覺得唔夠安全感，自己既菱角亦都因為四年間既遷就愈磨愈無左自己，經常都寧願委屈自己去滿足佢。
曾經我都有問過佢結婚依個問題，佢比唔到答案我令我更加無安全感，因為我結婚唔係貪啲咩為啲咩，只不過係想佢比個肯定我令我感受到佢會同我行到最尾，然後我比左半年時間自己諗清楚自己仲應唔應該繼續同佢行落去。
直到最近我決定同佢分手，佢話會為我改變會同我結婚，我當時真係好開心相信自己可以同佢繼續行落去，但復合之後先發覺自己咁多年黎個心已經磨滅到重燃唔到，即使點樣努力去搵返個種感覺都係搵唔返，一直拖拖拉拉只不過係覺得付出左咁多唔想就咁無唒。
我想講既係拍拖有不滿既時候一定要提出黎唔好委曲求全，唔好為左迎合人地而無左自己，如果我一早就講出我既不滿可能個結果唔同唒。

樓主情況同我女朋友一樣 你擺晒佢起第一 佢會有壓力

寧願你做翻你自己 有翻自己既圈子 對大家都好 唔會咁chur