Case 6.
好耐之前嘅上回講到⋯
我同一個男仔係暑假岀咗好多次街,但硬係撻唔著,佢又無啦啦同我講咩未ready,點知有次佢柒咗,將我同另一個女仔開咗個三人grp
,於是我就狠心fade out lu~
我仲同自己講,
玩App玩到悶,搵極都唔啱!
我要quit Tinder!
。
。
。
聰明如大家就梗係知我冇quit到啦。我quit唔夠兩三日就又開返個App match人⋯
唔知大家有冇經歷過,玩咗一段時間交友App之後,竟然開始對個App產生倚賴。
從前明明係一個好接受到得自己一個,連同朋友私chat都唔多嘅人,但而家一冇人同自己噓寒問暖,就覺得好似爭啲嘢咁⋯⋯
終於明點解有啲人真係會玩App攝時間,原來一個人感受過唔係單純友情嘅關心 / 又或者係可以隨時離開嘅關係之後,真係唔係咁容易擺脫個種感覺,如果我行錯一步,唔再認真對待認識到嘅人,我都會變成大家最憎遇到嘅Bitch。
帶住反省嘅心,我都迎來Case 6嘅呢個細我一年嘅男仔,佢叫阿南⋯
但好可惜,阿南呢個case我冇乜特別嘢同大家講⋯⋯
我哋興趣近嘅,佢返份工同我讀緊嘅嘢都息息相關,又有common frd,生到高,份人其實okay傾到吓計,岀咗幾次街,以為自己可以繼續試吓,點知我又係佢想skinship我,搭咗我一吓膊頭個陣,我又毛管戙⋯⋯
毛管戙過就返唔到轉頭嫁喇
Why!?!?真係feel嚟嫁咋!
佢冇問題!佢冇嘢唔好!
係阿南呢個case,
我都係未搵到戀愛嘅感覺⋯
但經歷咗幾個約會對象之後,
我都搵到一啲同Tinder對象約會嘅心得,
下次同大家分享下~