［長文再連載］分享一年交友App經歷（3）- 估吓分手未？

我覺得玩App最有趣嘅地方
就係可以遇到一啲自己聽過下
但同自己身邊圈子好唔同嘅人
其實都可以當係見識下
原來呢個世界上有人同自己咁唔同
然後再俾啲耐性，
點都會遇到同自己價值相近嘅人嘅！

我自己嚟講呢，
講幾句計已經可以決定到我可唔可以同佢傾落去，
但啱唔啱Key就真係要見面先知lu。

而其實所謂嘅「啱Key」，
係愛情我覺得真係好難一概而論，
你見到個個人就會知佢係咪你想搵嘅人，
有時明明唔啱Key，
但你都會好想同佢一齊，
好彩嘅大家就多咗個新世界
但都有人會因為咁而苦戀

點解啊？好驚佢再玩返App？
唔知佢身邊有咩人？

你追返晒Po嘅人
咁我相信你實估到我會支持你認真玩
如果自己都唔認真，
又點會搵到一個都係認真嘅人呢？

最緊要自己識調整心態
唔好因為遇到唔認真嘅人而令到自己傷心

傾咗幾耐喇？
姐係成日主動搵完你，
但傾傾下會已讀不回
然後又會再主動搵你咁樣？

如果係上面呢個情況，
我估佢可能係屬於
覺得唔洗24小時Keep住傾計個類

唔洗咁快下定論嘅，
如果你有興趣都可以試下主動Send野俾佢
撩下佢講野

hahahahaha
幾個鐘咋！！
放鬆啲啦！

你做乜嚟啊？

唔好怕，
如果真係好傾對方都會Feel到
約出黎見面先再講

不能同意更多
女玩app難度＝dse數學拎5條2
男玩app難度＝中國隊贏世界盃

咁又唔好咁講
如果現實中都識唔到，
都係叫多個渠道姐

我對臭豆腐布丁有印象！
Any肥，仲係一齊緊先係重點
要繼續幸福哦～

咁快過咗個熱戀期可能都真係有少少危⋯⋯



未必關個女仔事嘅
但可能佢未夠鐘意⋯⋯

我見過3個
一個唔岩,見完仲有搵我
一個岩,有交換相同已經講定見多幾次會一齊
見完被FADE OUT真係好HURT
死得不明不白

第3個未知,見完仲有同我傾但傾少左

你做女係好易用app
cmb有99＋like係基本
你試吓搵個同你一樣路人樣嘅男仔用cmb
睇佢有冇5個like

自己手多 冇將另外識既人fade out
佢覺得我得一想二

咁我真係見識咗好多野

玩app真係識到好多奇怪既人

岩岩開左cmb 睇下其他女會點自介用咩相
點知個個都中上 靚樣點玩啊

其實我個時玩app個陣係學生
都鍾意秒回人 人地過成粒鐘唔覆就覺得等好耐
依家入左社會大學 發現連想覆男朋友都要粒幾兩粒鐘先覆一次 有時仲要lunch/收工先覆到
所以都明白點解d人要隔咁耐先覆到 唔係有無心既問題

傾計 傾到落去既話 傾幾耐都無用
最緊要覺得ok就約出黎見下
由見到 行去食飯 食餐飯講野下 然後散band
已經會feel大家一唔一齊到～

我同樓主差唔多睇法
我個陣玩app係諗
既然我都認真玩
實會有人同我一樣認真玩既～
d人唔認真咪唔好理佢地 fade out～

但認真得黎 都唔好太在意搵mr.right。有時可以當朋友咁認真傾住先 出到黎見先再決定點發展～

點解第二個未見過面就講定會一齊
希望越大失望越大啊
無論係你定對方都一樣
玩App最緊要係一日未見面一日都唔好咁老定