［長文再連載］分享一年交友App經歷（3）- 估吓分手未？

對有啲男仔嚟講
主動約岀嚟已經係溝緊
（咁多次次佢主動我都主觀覺得係）

不如你都試吓主動約佢？
等佢覺得唔係得佢一個主動。
岀嚟可以試吓拉近物理距離
最簡單係並肩行個陣可以貼得埋啲
有時會撞到手臂嘅程度
男仔一般都會好心動
咁睇吓佢又會點樣反應
俾唔俾到一樣嘅感覺你

估唔到樓主仲會開番交友app po

唔知樓主仲記唔記得我

利申仲同男朋友一齊緊

好有機啦！
加油啊～

開心！
有之前一齊傾交友app嘅同伴入返嚟！
。
。
。
。
不過唔記得你邊個
你有冇改過名啊？

我覺得 佢地唔主動又hea 都幾難可以啱傾

但現實被動 玩app都被動 咁玩黎做咩

咁可能真係對你冇興趣所以hea呢
有興趣應該又唔會太hea覆喎

爬咗少少你啲文 都真係幾有趣 同埋覺得你嘅價值觀好好

斷斷續續玩左幾次app 最近又玩返 覺得係狀態最好嘅一次 啲人都好似質素好啲咁
但最近有一個覺得幾啱傾嘅令我好糾結
都傾咗兩個禮拜 佢一時會秒回 講好多嘢 一時就失蹤好耐先再覆 搞到我十五十六

都幾想睇吓佢個樣啱唔啱 再決定好唔好再繼續咁上心
佢張相唔係好睇清楚佢個樣 就咁睇好似都係我嗰type
雖然我都做過Stalker想起佢底 但係得個大路名乜都搵唔到

可能俾人hurt過有陰影 好冇安全感

想問下香港地有邊款交友apps係真係可以拍拖
利申用緊tender但係全部都係sales ...

多謝你！

失蹤好耐係幾耐先？
當年我同男朋友一開始傾個陣
佢都試過隔好耐先覆，
最耐係成個禮拜
個時個心就係到諗，
實係溝緊第二條女啦。
後尾先知原來佢公司真係有野趕，
冇得成日開App。

與其諗咁多不如試下問下佢啦～
順便再試下約出嚟見下面，
唔見過點知啱唔啱呢？

我當年都係Tinder的，
但已經係4年幾前，
所以而家有邊啲App好用可能要問下其他人lu

今日追晒樓主呢個系列嘅post，覺得樓主啲觀念幾好
唔知係我跟唔上時代嘅變遷定係而家啲女仔觀念有問題遇親啲女仔都好似奇奇怪怪咁

嘩 多謝你啊！
咁長又咁耐年前都追返晒
好感動！

可唔可以講下啲女有乜奇怪？

樓主你寫啲嘢夠寫實好吸引到我睇

約炮嗰啲唔講啦，我玩緊hmd 又會有拍緊拖嘅、講講吓嘢又突然消失嘅、但最令我驚訝嘅係1X歲但已經A8

其實我自己太保守呢

有時好好奇 真係會識咗一個人兩星期 就知啱唔啱key?

想問佢主動搵自己但已讀不回係咪即係冇興趣
見佢都幾忙 但又覺得真係有興嘅話應該會覆
又覺得識咗唔係好耐冇興都好正常

其實唔係好耐 幾個鐘 因為有秒回做對比

咁我輕鬆啲睇 隨緣

其實 對我嚟講 傾幾句就知

樓主 追哂你所有po
我想講係app撞到岩傾又岩價值觀既真係好難
我7月撞到一個，經過一d波折大家真係一齊左 仲好開心
但因為我自己戇鳩 破壞哂一切
打完又想喊

我都喺tinder識咗個女仔 覺得好好傾
傾過好多個 佢係唯一可以咁好傾
但我怕自己只係佢好多個嘅之一

有時啲嘢要自己爭取嘅

係啵 我改左名
上個po叫心一死都要有心跳/臭豆腐布丁
其實都無點傾
我純分享自己故仔