其實坊間有好多比political compass更加好嘅政治測試

其實坊間有好多比political compass更加好嘅政治測試

TLDR，做呢個，叫Politiscales，好過傳統political compass，好過8values：https://dbhq.github.io/
==================================
問：Political compass有咩問題？
答：將政治取態二元咁左右分壘，就算再加個authoritarian vs libertarian嘅Y軸，都係太過簡化，甚至過時。

例一：試比較A君及B君。
A：我認爲我嘅國家嘅國民應該「我爲人人」，尤其係收入高嘅應該徵收高嘅稅，去幫助弱勢嘅國民，因爲我想我嘅國家可以邁向人人平等嘅理想境界。
B：我認爲我嘅國家嘅國民應該「我爲人人」，尤其係收入高嘅應該徵收高嘅稅，去幫助弱勢嘅國民，因爲我想我嘅國家可以邁向人人平等嘅理想境界，而且只有屬於我個民族嘅人先可以做我國嘅國民。
結果：A會喺political compass到係左翼，而B就會彈咗去極右到，但係你問問佢哋兩位其它方面嘅政治取態，又會有好多位都係一樣。

例二，試比較C君及D君：
C：移民應該減少，咁先可以保護我國嘅自然生態唔會被過度嘅勞工及外來文化破壞。
D：移民應該放任，咁先可以廉價增加我國工業嘅生產。
結果：C君嘅反移民係右翼，但係保護大自然係左翼；D君嘅支持移民係左翼，但係廉價勞工破壞大自然換取經濟增長係右翼；結果就係兩個都會喺political compass到show到「中間派」，但係佢哋其實幾乎冇嘢係agree。

結論：political compass根本唔夠準確，我哋需要一個唔係淨係「左右上下」嘅政治光譜測試。

================

推薦：用PolitiScales https://dbhq.github.io

PolitiScales係based on 8values再改良嘅政治測試，佢會將你嘅政治取態用8把呎嚟量度。
（原文：https://dbhq.github.io/help/ ）

Constructivism vs. Essentialism：人性嘅好壞究竟係後天培養出嚟定係天生？

Rehabilitative Justice vs. Punitive Justice：同一個人被判坐監，佢應該被引導變成好國民，抑或係被懲罰？

Progressive vs. Conservative：社會應該向前望，存心求變，抑或係尊重傳統，盡量唔變？

Internationalism vs. Nationalism：世界應該冇國界，人人都係世界公民，抑或係有國界，有強烈而獨特嘅民族意識？

Communism vs. Capitalism：資產以及生產應該係國有，甚至成個國家share，抑或係每人自己獨有？

Regulation vs. Laissez-faire：經濟，財團等等應該有政府監管，避免獨裁或黑心工業，抑或係應該放任畀資本家，由市場經濟自行調整？

Ecology vs. Production：若果有衝突，你會選擇犧牲經濟而保護個大自然，抑或係犧牲大自然而振興經濟？

Revolution vs. Reform：社會嘅改變應該由下而上，推翻現有系統，抑或係由上而下，走入制度改革？

=======================
傳統Political compass太過簡化其實已經唔係新鮮事（點解咁多meme圖都係用個compass就係因為佢簡化到可以寫一啲匪夷所思嘅定位入去但係又work），大家諗野亦都唔好咁二元分立，因為政治並非一件好工整嘅事。

（當然，如果你選擇走向任何一個極端，都會無可避免某程度嘅二元分立，例如我會選擇推崇香港民族主義，所以「支那人vs香港人」呢個二元分立係無可避免。）

網址：https://dbhq.github.io

我自己個結果（比起兩年前由懲罰式justice走咗去更生式justice）：

唔係標籤，係分析
結果都會隨著時間改變，我自己對justice嘅取態呢兩年都變咗

其實你淨係識笑人，係唔會改變到佢哋。

留名待test

其實使乜跟呢啲意識形態
我反支共侵略自由
但亦同意侵不擇手段去滅共
咁算乜立場
根本唔需要去為自己加個標籤

唔係跟
做呢啲test唔係用嚟俾你gen個結果出嚟跟住永世唔變
而係俾你一個更加清楚明白而家自己諗法嘅方法

佢哋做唔做其實關你做唔做咩事？

算吧啦，連登仔覺得
左：親中
右：反中

你講到咁深佢地點會明， john rawls robert nozick 佢地全部都會話係左膠

呢句其實已經係一個政治取態

我諗你淨係識笑佢哋，佢哋永世都唔會明。

反舞弊唔關左右事
係關你接唔接受到「破壞規則達致勝利」呢樣嘢

唔好將自己嘅言行膠化

我又唔係佢地父母，冇責任教精佢地，由得佢地圍爐取暖算，最多幫你推下 post

其實做呢啲標籤自己有咩用
咁測到傾左係咪我要支持拜登

如果一個人淨係有責任嘅嘢先去做
都幾無聊
你唔會自己有自己嘅諗法嘅咩？

都話唔係標籤
係一個幫你了解而家你自己諗法嘅工具

幾個月前做落嘅