絲入 點睇自己另一半成日ig dm啲唔識嘅人
https://lih.kg/1881876
- 分享自 LIHKG 討論區
幾個月前我開過一個咁嘅post
講我男朋友背住我係ig識(or食)女
個陣好多連登嘅巴絲都勸我早啲分手
話出軌只有零次同無限次
但我仲傻豬豬咁比佢氹 然後心軟又一齊返
老實講我宜家好後悔冇聽你哋講
今日我終於親眼見到佢有玩交友app
通知到仲顯示配對成功 係咩app我估大家都知
我冇即場爆 我仲扮無嘢陪佢行多陣
當係比心理準備自己 到臨返到去個陣
我鼓起咗勇氣當面問佢 佢都認咗佢有玩
老實講就算做咗心理準備 我聽到當下都係好崩潰
但我只係好冷靜咁轉身就走 之後whatsapp講咗分手
搭車個陣我喊咗出嚟
就算之後佢話佢只係傾 冇約過都好 我都已經唔想知了
我覺得嚟個人好假
可能大家會話嚟個年代玩下交友app好正常啫
有咩大不了
但當個個係你嘅男/女朋友嘅時候
你又係咪真係接受到呢？我就真係接受唔到了
我諗到我努力讀書做asm好攰個陣
佢同第二條女傾得好開心 可能仲扑埋
我就覺得好嘔心好恐怖
我接受唔到一個由中學同我一齊到宜家
仲成日鬧人哋出軌 話接受唔到嘅人
原來佢自己都係啲咁嘅人 我宜家覺得佢好嘔心
我以前仲好自豪咁話 個個一中學畢業就分手
我哋仲一齊緊 真係好慶幸
原來一切都係假 咩好愛我好掛住全部都係假
今次我真係唔比機會了 我講咗分手
你話我講分手個下有冇猶豫過
老實講我可以答你 我有
我仲諗過 同佢過埋生日先分
因為我準備咗禮物同驚喜比佢
但睇嚟都送唔出了
我最後都係狠下心講咗
今次真係分手了
我知你會睇到
我想同你講嘅係
嚟個post我會當係一個紀錄
等我遲下再嚟笑自己以前有幾咁on9
真係要對自己好啲 唔好再人善被人欺
