《住咗間有入無出嘅酒店》

急不及待要睇了

「佢話，係人類嘅近親，佢個陣大學係讀生物，所以幾有說服力。」王姨笑一笑。

「近親......即係類似猿人、猩猩、馬騮咁？」

我諗到人類嘅近親，有呢幾樣。

「係，但我即刻就反駁佢，就算係近親演化出嚟，都最少要經過幾十代嘅遺傳基因慢慢咁轉變，無可能一夜之間，或者幾十年時間，就會生出呢啲外表唔貼近現代人嘅生物。」王姨說。

「講真，我一直覺得佢哋個樣幾似海豚，哈哈哈。」陳哥大笑。

我突然醒起一個怪異嘅現象：「啊，啱先我入酒店嘅房個陣，有收音機開著、連電視都開埋，電力好似突然間回復咁。」

陳哥同王姨對望咗一眼：「睇嚟你撞中「幸運時間」，有時係會咁。」

「幸運時間？」

「呢間酒店有時會突然間回復電力，所有嘢都操作正常，但通常過一陣就會停番電。」陳哥繼續說明落去。

「喂、呃、如果係咁......」我有啲口窒窒：「咁升降機嘅電力會唔會......」

「你想試嘅，我呢十六年點會無諗過，但係有個難題。」陳哥沉重咁講。

「係咩難題？」

只有一絲逃出嘅機會，都唔應該放過。

Live....會唔會出得太少

又無左。。。。

真...

「逃出有幾個關鍵，第一要撞正「幸運時間」，但嗰個時間好隨機，而且時間十分之短。」陳哥數出第一點。

「第二，要滿足電梯遊戲嘅條件，呢個係傳送出去嘅方法。」

「第三......」

陳哥講到一半，無講落去。

「第三係咩？」我問。

「滿足頭兩個條件先再講～」陳哥說。

「吓，第一個條件已經好難觸發......」

「你要識玩電梯遊戲先。」

「你教我？」

「可以。」之後，陳哥就將電梯遊戲嘅玩法講一次我聽。

大概就係，未到達之前唔好出電梯。

然後重複交替咁撳唔同層數，直至到達現實世界。

又無左

lm

more

玩玩下冇電咁點

係咁先

「唔洗話撳特定樓層？」

「傻仔，呢啲繁複嘅儀式，只不過係令你安心啲，實際上達成一個條件就可以......」

「係、係咩？」

「就係喺現實世界，有人幾乎同你一樣嘅時間撳相同嘅樓層，就會意外咁入咗嚟。」

「陳哥你係點知道......？」

「你唔好理～」

王姨講起就心酸：「阿曼佢就係每日每夜咁，不停撳電梯掣......」

「等陣......你哋講嗰個阿曼......係唔係披頭散髮，黑眼圈好深，著白色衫？」

「係啊，你喺其他層見過佢？」

「唔係......我初初入嚟個陣......就見到佢，佢仲同我講咗句多謝......」我好錯愕。

陳哥同王姨都沉默咗一陣。

「佢......睇嚟......走咗......」陳哥吞吞吐吐咁講。

「咁代表我哋有救......！？」我諗只要嗰個阿曼出到去同人講嘅話，肯定有專家諗方法救我哋。

「佢精神有啲問題......人哋信唔信佢講都唔知......」王姨又說。

一F5就有文

正呀撞正有文！！

樓主 係咪有Bug
喺阿曼的角度 要𨋢入面不斷禁不同樓層的制
但喺男主角的角度 佢果陣係喺𨋢入面 然之後開門阿曼先入𨋢