《住咗間有入無出嘅酒店》

下星期book左cordis

多謝支持

lm

Elisa點知主角係房食緊野？

Lm

幾好睇 留名！

留名
熄晒燈一個人睇都驚驚地

真

利申book左
依家有d驚

same
樓主真心勇敢開真名
以後2408點住人

利申未去過唔知道有無2408

幾好睇~LM

Lm

宜個時候我好需要徹徹底底咁冷靜一下，於是我去咗沖個涼。

沖個陣我唔敢洗頭，因為洗頭意味住要合埋對眼。

人係好犯賤嘅生物，你越係回避唔想去諗，就越係會諗到嗰個畫面。

沖完涼後，我又再撳下手機，發現都係無所用之，就再一次去門邊搵Elisa。

「Elisa，喺唔喺到啊？」

「喺到啊。」

「其實我琴日帶升降機上嚟嗰陣，有遇到啲奇怪事。」

「係咩？」

「我遇到個女人，佢披頭散髮有少少似癲咗，佢跟住我搭到最高嘅樓層，然後講咗句多謝我......就不斷咁撳閂門掣，你同男朋友上嚟嗰陣有冇遇到類似情況？」

「無，只係一打開門就見到走廊黑哂，我仲以為只係暫時停電。」

「你男朋友有冇話去咗邊？」

「佢嗰陣話落去問下咩事......」

「咁不如我哋都落去睇下？再坐喺到都無補於事。」我主動咁提出。

喺到越耐，就越想快啲出去。

「就咁話，如果有個人陪嘅話，應該會安全好多。」Elisa答。

「而且到目前為止，我哋都未俾人實際攻擊過，最多都只係自己嚇自己。」

既然出得去，點都要有啲嘢防身，咁啱口渴嘅我就索性飲酒店房提供嘅紅酒，叫做壯壯膽咁，然後對住廁所個洗手盤，一下打爆咗個玻璃樽。

至少，個樽嘅破裂位叫做有啲尖刺咁。

如果唔係我真係唔知可以搵咩做武器。

「杜明，咩事啊？」Elisa可能聽我喺到爆樽。

「無事，整緊武器，你有冇啲尖嘅利器自己傍下身？」

「......有。」Elisa隔咗陣回答。

「你想幾時出發？」

「就宜家。」估唔到Elisa大膽過我。

「咁數三聲，一齊開門，記住帶埋手機照路，出面仲係好黑。」

我又再倒數三聲，就同Elisa慢慢咁打開道門。

實話實說，我個心跳得好快。

但驚係無用，人入到窮巷點都要搏一搏。

就好似你入到鬼屋咁，入到去就無退路，點都要行埋落去。

「咔」

開門之後房間同我估嘅一樣，即刻陷入一片漆黑。

我哋兩個即時打開手機嘅電筒，互相照住大家。

手機嘅光喺昏暗地方顯得又白又刺眼，為咗唔好刺激到Elisa隻眼，我特登照落佢道門隔離，點不知我就發現咗啲古怪嘢。

有個紅色嘅交叉，標記咗喺Elisa道門隔離。

「杜明？」Elisa用手機電筒照住我，我諗係確認下我。

「係。」我將電筒都照照佢，確保佢唔係怪物。

但一照落佢身上嗰下，我真係有少少起咗雞皮。

原因係Elisa佢拎住咗把小刀。

唔係餐刀、唔係生果刀，係真係有少少鋒利，用嚟殺人嗰種小刀。

邊個會帶把咁嘅小刀上房......

我就唔信酒店一開始就有提供。

原本笑容帶住淡淡善意嘅Elisa，可能見到我驚愣嘅表情，自己都慢慢收起咗笑容。

「行得？」

「嗯......」關於刀嘅事，我暫時唔問佢住。

因為諗諗下，佢要殺我嘅話，宜家衝過嚟就可以。

行之前，我又照下自己房門，同樣地發現被標記咗個紅色嘅交叉。

雖然唔知咩意思，但睇落有少少唔吉利。

我諗應該係後嚟俾人加上去？

因為我第一次入嚟嗰陣，唔見有呢個標記。

空蕩蕩嘅走廊上，就好似置身於深淵咁，隨時都有不明嘅畏懼襲近。

「你覺得呢個交叉咩意思？」我問一問Elisa。

「呢個......似係啲殺人標記。」

「殺人標記？」

「類似......會喺獵物所在嘅位置打個記號，方便自己再嚟嘅意思。」Elisa瞇眼，顯出不安：「總言之，我哋好似俾某啲嘢盯上咗。」

就係分析嘅同時，我不斷咁向左右兩邊嘅走廊照住，防止突然有啲咩快速跑過嚟。

「如果對方係鬼怪或者神明嘅話，無必要做多餘嘢......」Elisa又講。

「咁即話，你覺得唔怪鬼怪嘢嘅事？」

「嗯，因為太有規律，就好似呢開門閂門會影響盞燈，仲有呢個交叉標記，成個感覺都好人為......」Elisa所言甚是。

但如果係人為，

又會係咩人之為？

我同Elisa細步細步咁向前，每行一步都挑戰緊自己嘅勇氣咁。

昏暗嘅走廊靜到只有我哋嘅呼吸聲同腳步聲。

行出房間以外嘅我哋，又再經過掛喺牆上嗰堆詭異嘅畫作。

經過其他房嗰陣，我有特登照一照道門，睇下其他房有冇交叉標記......答案係無嘅。

我同Elisa好唔容易咁，行到去電梯大堂。

暫時嚟講，都未有咩奇怪事發生。

我撳一撳升降機嘅掣，可惜係無反應。

「無電源......？」我撳多幾下，都係一樣。

Elisa伸手摸一摸電梯大堂隔離嘅玻璃，本應該居高臨下嘅酒店窗景，變咗漆黑一片，同我哋房間嘅情況一樣。

「出面都係咩都見唔到。」Elisa說。

突然間，我聽到走廊嘅另一端出現咗不明嘅聲音。

酒店一層嘅格局大概係咁，主要係一條直直嘅走廊，電梯大堂就凹向咗其中一邊：

後樓梯││2401││2403│2405││2407││2409││電梯大堂││2411│││2413

後樓梯││2402││2404│2406││2408││2410│││││││││││2412││2414

綠色嘅位置，係我同Elisa分別嘅房間，而聲音嘅位置就喺紅色間房到。

「聽唔聽到？」我成個人即刻停低咗。

「咩......？」Elisa留神咁細聽，都聽到少少嘢：「喺某間房到......？」

我同Elisa小心咁由24樓電梯大堂，行到去長長嘅走廊到，照住聲音位置嘅來源。

「格格......格格格......格格格......」

隔我哋位置幾米遠嘅2414號房，正被人好刻意咁細力扭開個門柄，就好似想掩飾自己即將偷偷行出嚟咁。

人係犯賤，有時為咗好奇都不惜作死。

就算聽到令人不安嘅開門聲，我同Elisa都依然拎住手機電筒，等光線照過去2414號房到。

「格格......格格格格格......」開門者似乎感覺到有光照射，而縮手停低咗開門嘅動作。

唔知有心定無意，佢留咗條小小嘅門隙，彷彿想等好奇嘅我哋慢慢靠近。

意識到危險嘅我，立即捉住Elisa隻手，因為我見佢越行越前。

Elisa回頭望住我，我搖一搖頭示意唔好再接近。

就喺呢個時刻，恐怖嘅一幕發生咗。

一張蒼白嘅臉孔，露出半隻眼喺2414號房嘅門隙瞪住我哋......

佢無眼皮、眼睛極為空洞，如果你有上網睇過「Jeff the Killer」嘅圖，咁本上係80%似。

「咩事？」Elisa見到我漸漸驚恐嘅樣子。

喺我完全被畏懼支配嗰下，2414號房門後嘅人，佢咧嘴綻放出詭異又鮮紅嘅笑容，我不安嘅情緒已經到達頂點。

Elisa都想望後面，但好像佢知道自己一望就會崩潰，而只係注視住我反應。

「杜明......點啊......？」Elisa聲音帶點顫慄。

「跑啊！」我拖住Elisa隻手，就不斷向後跑。

我一跑嗰下，後面嗰個好恐怖嘅人，佢聲帶就好似唔正常咁，發出咗一段好模糊嘅聲音，而且入面好似混合住恐怖嘅笑聲。

「嗚唔嗚唔嗚唔唔......」

我感覺到後面嘅腳步聲越嚟越快，於是我做咗呢世人最勇敢嘅決定，將個碎咗嘅玻璃樽擲向後面。

後面隨即發出玻璃碎裂嘅聲音，點不知佢好似俾我刺激到咁，喉嚨發出咗更為高分貝嘅「嗚唔」聲，刺耳到寒意直入脊椎。

Elisa比我早一步去到自己房門前，然後拍卡入去，呢種危急情況下我，我都無時間開自己道門，於是索性跟埋入Elisa房。

但喺入門一剎那，Elisa竟然正打算閂門，佢見我半隻腳已經踏咗入去，先重新打開返俾我，再將道門完全閂好！

「呯──」

留名

早左入黎

LM

好好睇By the way, 你每日大摡會upload幾多篇?我諗住等幾日先一次過睇