《住咗間有入無出嘅酒店》

又。live左

起碼24層樓咁多間房零食
又可能揾到廚房
可能都捱到？
等睇下集

推

樓主

推！

好好睇

我覺得文中嘅酒店好似形容緊宜家非常黑喑嘅香港⋯

配合氣氛 夜少少出

等你

多謝 好快就知

救命 F5都爛
樓主快啲岀

「你認真？」我明白Elisa好想搵個人依靠。

「係......我覺得自己行唔到落去......」Elisa望住下層越嚟越暗，近乎伸手不見五指嘅樓梯轉角：「抖唔到氣咁......」

「我哋可以！差少少就得。」我捉實佢隻手，俾啲鼓勵佢。

Elisa見我去意已決，就點點頭跟我行埋落去。

點不知，就喺我要轉身行落去之際，樓梯下嘅轉角出現咗聳動。

我唔知係咩，但又要確認下，於是就打開手機電筒諗住睇下。

點知呢一睇，我隻腳即刻軟咗。

喺下層樓梯嘅轉角到，有個全身皮包骨、皮膚既禿又皺嘅人形生物望住我哋。

呢到嘅樓底大概有三米高，但佢就足足有三米半高，所以佢微微彎低個頭、瞪大隻眼咁望住我同Elisa，然後成條後樓梯狹窄嘅通道，可以話係俾佢霸佔住。

「咯......咯咯......咯咯咯......咯咯......」佢把口發出意義不明嘅聲音，牙齒又枯黃又有乾血。

嚇到一時反應唔到，只可以用手捉住扶手欄杆爬返上去嘅我，完全俾一陣濃烈嘅畏懼覆蓋住。

「啊啊啊呀！！！！」我終於第一次叫咗出聲。

「啊啊！！！」Elisa即刻狼瘡咁跑返上去。

我好想雙腳有返力氣，但就係唔聽使。

佢力氣好大，足足拉咗我上三層高距離先放低我。

而我驚慌亦都得到釋放，情緒先開始慢慢冷靜落嚟。

抖好氣之後，我先開始講嘢：「安全未......我哋安全未......」

「唔......」阿叔佢望一望周圍：「理論上就未。」

「快啲走，請你快啲帶我走，我唔想留喺呢條樓梯到......」宜家我只要一望住樓梯個轉角位，就總係覺得有隻嘢會同我迎面遇見。

「起身，跑上去。」阿叔扶完我起身，就快步跑上去。

我跟住喺佢背後跑，忽然先諗起一樣嘢......

「Elisa呢！？」我慌張到，就好似唔見銀包咁。

「咩Elisa啊？」阿叔問。

「啱啱嗰個女仔......」

「我鬼知，我都係聽到你慘叫先落嚟，落返嚟個陣都唔見佢。」

「你喺邊啊......」我停低，望一望後面嘅深淵：「Elisa！？」

一、

二、

三。

過咗三秒都無回應。

「咯咯咯咯咯咯咯咯！！！！！！！」忽然間，下面嗰隻怪物發出極高頻率嘅叫聲。

「你做咩又引佢啊！跑啦！」個阿叔對我大罵。

Live左 好撚正

加速

如是者，我只可以被迫暫時拋棄Elisa。

只可以祈求佢無事，因為連我宜家情況都未點。

我跟住個大叔由好下層，跑到好上層。

由見唔到樓層標誌，去到見到樓層標誌，佢最後帶咗跑到32層嗰陣先停低喘口氣。

「到咗？嗄嗄......」我未試過係咁跑樓梯。

「未啊，吊頸都要抖下氣啊。」阿叔靠喺牆到抖氣。

我跑到有少少想作嘔嘅感覺：「噫，我叫杜明......」

「杜明？叫我阿陳。」

「陳哥......」我捉住條梯杆，望多次下面：「啱先嗰隻嘢、會唔會追上嚟？」

「理論上就唔會。」陳哥盯住我，望咗好幾十秒：「點嚟。」

「吓？你係指......」

「點入到嚟宜個世界。」

「我、我喺朗豪坊酒店住，搭完升降機一出走廊就係咁......」

「唔......」陳哥聽完之後，默默咁點頭。

「你知道啲咩？」

好好睇推俾啲frd先

睇到好心寒好緊張
成個腦都係啲怪物

btw 皮已正

好緊張。加油呀！樓主

正

「同你講都無用，如果係咁易出去......」陳哥抖夠氣，繼續向上行：「你就唔會喺到見到我。」

我若有所思咁，繼續跟住上去。

終於，嚟到咗最高嘅樓層──42樓。

呢到最上層，唔再係普通一條走廊同客房咁俾人住，而係成層一戶人家獨佔，個名好似叫做星願亭，本來應該係宴會廳之類，俾人搞結婚，但宜家淪為咗陳哥嘅屋企。

「最上係最安全？」

「如果住上啲嘅話，佢哋至少唔會太特登咁上嚟搞你。」陳哥望下我，又繼續講：「但如果你住喺二十層以下嘅地方嘅話，就同自殺無分別。」

我途經呢層嘅時候，順便望下個環境，見到擺放咗唔少物資，仲有一啲日常用品，似乎陳哥喺到住咗一段時間。

佢應該係比我同Elisa都更早入嚟嘅人。

「陳哥......你入咗嚟幾耐？」

「吓？」陳哥只係諗咗諗，就笑住答：「已經唔記得咗。」

「唔記得咗......？」

行到宴會廳，我拎手機電筒無意照到牆壁嗰陣，俾眼前嘅畫面震驚到。

因為宴會廳其中一面嘅牆壁上，都係數之不盡嘅刀割痕，通常呢啲一刀代表過咗一日，但我咁樣一睇都已經知，係密集到數唔到嘅數字。

「明仔，宜家咩年份？」

「2020年。」

「咁我應該喺到住咗十六年。」

老老豆豆，點都值得幫推

推 好好睇

墨巴？