《住咗間有入無出嘅酒店》

瞓唔著了

推

抄《1408》？

第一次聽

純粹一開始啲劇情有啲似

留名

越多正評 寫得越快！

有啲似有心無默嘅絕望走廊支持

杜明入住嘅係2408號房，你話呢

你唔講都唔發現

btw真係無睇過

咁突然嘅

「我唔想留喺到......就算方法微乎其微都好，有冇得出到去？」我真摰咁問。

陳哥同王姨對望一眼，就講：「就算你諗住出去，你都要先知道點樣喺到生存先。」

「係......你哋講得啱。」於是乎，我又問咗另一條問題：「啱先樓梯口嗰隻怪物......係咩嚟......」

「遇到蛭子？」王姨一聽見，就問佢老公。

「係。」陳哥開始教我：「杜明，你啱先到嗰隻，又或者其他樓層遇到嘅生物，我哋都叫做「蛭子」。」

「有......特別嘅意思......？」

「因為佢哋習慣喺昏暗潮濕嘅地方活動，一般好少話會上嚟其他樓層，只有10樓以下，先長期潮濕。」陳哥繼續講。

「但我遇過一隻喺24樓，佢塊臉係好蒼白、拎住把刀，好似想殺咗我咁......」

「喔......你遇到嗰隻......」陳哥若有所思，說：「係比較聰明嘅。」

「咁呢啲蛭子點嚟？有冇弱點之類？」我快速問哂所有資料。

「點嚟？佢哋好似係原居民，我同我老婆十六年前入嚟嗰陣，佢哋已經喺到生活，弱點嘅話......就係火同光吧，兩樣會刺激到佢哋，亦都會令佢哋避忌。」

「食咗嘢未？」王姨拎咗個蕃茄俾我食。

餓咗好耐嘅我，諗都無諗就一啖咬落口。

雖然唔係話好鮮甜，但有嘢食就夠。

「係呢，你哋個陣入嚟嘅情況，都同我一樣？朗豪坊好似2005年先開幕......但你哋2004年就入咗嚟......？」我即時對眼前嘅佢哋，感到一絲疑惑。

「我哋無話過自己係由咩咩朗豪坊入嚟，我哋係由第二個地方入嚟。」王姨答。

「吓？」

「情況同你一樣嘅，就係搭完升降機之後嚟到咗呢個世界，唔一樣嘅就係我哋係主動入嚟......」王姨講講下，暗暗嘆咗口氣：「諗返起真係蠢......」

「咩意思？」

「我哋係主動入嚟呢個世界，因為貪玩。」陳哥講到宜到，自己都笑唔出：「嗰陣同我哋入嚟嘅，仲有另外兩個人。我哋四個人都係「探奇會」嘅成員，即係專門探索靈異事物嗰啲嘢，結果就玩到入咗呢個世界，就無再返到去現實世界，一困就困喺到......十六年？」

「咁你哋喺到係點生存？」十六年無水無電無食物，我真係唔知點生存。

「呢橦酒店好奇怪，我俾你睇啲嘢。」王姨帶我去某個地方。

而阿陳哥，就同自己個仔玩。

王姨帶咗我落去41樓，即係下一層。

嗰到有間嘢叫「川」水療中心，然後行入去少少，就見到啲嘢亂咁擺、亂咁放，同其他酒店房間嘅情況一樣。

行到入去，先見到入面嘅空間被人改造成種植農作物嘅地方，而再入少少嘅游泳池，就變成養殖住魚類嘅地方。

「呢啲係......」我睇到有啲呆呆出神。

因為我唔太相信，酒店會有呢啲俾人自給自足嘅配套。

「一開始，我同你個表情都一樣，心諗點解有啲咁嘅嘢。」王姨攤一攤手，說：「我都唔知，或者係某個人留低？呢到本身就係一個迷團。」

「咁另外同你哋入嚟嗰兩個人？」

「一個好似死咗、一個好似失蹤咗。」王姨又搖頭。

「探奇會......我好似喺某間房搵到過你哋幅相。」

「房......？嗰幅相......都好耐......你唔講都唔記得......個陣係我哋入嚟呢個世界嘅第一晚，仲未知自己即將面臨啲咩，好開心影相嘅時候。」

「咁之後，你哋面臨咗啲咩......」我印象中幅相嘅衣櫃到，係有嗰隻「蛭子」偷偷哋匿喺入面對住鏡頭微笑。

自投羅網

又live左

唔明哩類型故仔點解主角總係要安排會遇到一d「前輩」然後獲得一系列資訊，而唔係主角就係果個第一人去探索未知嘅世界

上緊堂就已經有故睇
睇嚟唔使隔日追了

而我入到嚟嗰陣，呢間酒店已經係呢個樣。

可能我係做創作，思想就比較跳脫，於是乎又諗到個可能性。

「王姨，你哋有冇確認過呢個世界嘅時間？」

「你意思係......」

「即係日曆又好、鐘又好，知唔知道呢個世界嘅時間？因為呢到時間，有機會同現實世界係唔一樣。」我推斷出。

「杜明，你唔聲唔聲......諗多嘢嘅......」王姨又再細諗，說：「無，我哋無搵過可以確認到時間嘅嘢，所有鐘啊、錶啊、日曆呢啲，都好似俾人刻意抹除咗咁，我哋都已經無哂時間感。」

「......」我有啲啞口無言，就好似失去咗可以追尋嘅線索咁。

雖然，呢家只係拼湊緊呢個世界係點樣，唔關逃唔逃出到事。

但我相信要了解呢個世界、呢間酒店嘅運作，先有機會離開到。

「你可唔可以俾我睇下，呢家係咩時份？」王姨又問。

於是，我拎咗部手機俾佢睇：「嗱。」

王姨一見到Iphone，好似接觸新事物咁，望得好入神：「呢個係宜家嘅電話......」

個流程好多時都係男女主角係未知世界/困境相遇-》遇到前輩同其他同伴-〉調查/失散/互相幫助解危或俾其中一個出賣-》最後主角逃出生天配角死晒或主角為救女主角而犧牲
睇下哩個故有無例外驚喜

之後，王姨又問：「邊到撳數字？」

我就打開撳數字嘅畫面俾佢：「宜到無訊號，我試過好多次。」

「原來係咁......」

「杜明，你抖下先啦，過咗咁耐。」

「你都啱......」奔波完一日，我係有少少攰。

「係呢，你有冇帶其他行李過嚟？」

「有啊......我原本住緊間房......仲有枝香檳同蛋糕，原本係諗住用嚟慶祝女朋友嘅生日。」

「邊間房？」王姨再問。

「240......1號房。」我無如實咁講出。

因為我突然間，諗起啲嘢......

Elisa當初間房，有個人留咗張紙條。

叫下一位住客唔好相信任何人。