我講少少,其他巴打之後可以集思廣益再加,整理好之後其實第時都可以擺埋喺頭Post等新人了解下,如果下面有咩寫錯,各位巴打麻煩指正同唔好介意
Bricklink首先都係睇評價,中評同負評講咩,好似我近排有間外國嘅,佢好多評價同好評,但有幾個評價都係話大煙味,我自己嗰盒一開都係
,但好彩啲件就唔覺有味,買咗幾年伏就未算中過,一般都係可能寄錯寄漏件,最煩都係嗰啲漏件/無貨退錢,佢唔退錢係退佢間Coupon俾你咁囉
入到啲舖去睇有無寫運費,無寫你可以問咗先,或者睇有無得同佢Quote價,最近有單佢自己寫話嗌人問佢運費先,但問完話其實你可以直接Quote價,我真係吹脹
,我自己好多時就懶得問無寫就第間算,不過留意唔好以為同一個地方就一定相同運費,同埋有好多唔想接細單所以只寄包裹咁,同埋諗你需唔需要掛號保險,如果買得小件我最近都係鍾意荷蘭買平郵算,運費Eur$2,大約一星期多少少到
另外手續費、包裝費、PayPal費,例如有無最低消費,無低消但唔夠某個價錢要唔要俾額外費用,最緊要有啲舖有件數限制、平均件數價錢嗰啲,有啲舖有Set BL幫你計埋,但有啲無Set就要自己留意返,如果你買散件買得好散又多,搞平均件數價錢嗰度會好麻煩,同埋有啲有寫最低消費但又有靜靜雞寫唔夠某個價錢有額外費用
同埋好多都會寫有無養寵物或者有無食煙俾你知。
Cart俾錢嗰度,而家好多已經Set咗直接Show埋運費同手續費幾多俾你,留意返運送方式/運費係咪你想嗰種,如果無問題一般你按完就會直接轉去收錢嗰度,如果佢本身寫運費係幾多,你買買下發現點解運費手續費突然貴咗咁多,可能係你過咗重量,亦可能係佢暗Set咗件數限制,所以手續費貴咗,可以試下減件睇有無平返
如果佢無Set就要等佢SD Invoice俾你先好俾錢,如果佢有得俾你Quote價你可以問咗先,但留意如果Quote價期間你Cart入面嘅嘢俾人買咗,系統係會取消你個Quote價又唔通知你
暫時諗到咁多,完