早排又有個 '做左半年連登仔' 既post，想叫春。
望返轉頭，發覺原來真係花得太多時間上連登。
真係好想戒連登，戒埋其他壞習慣。多D時間陪屋企人。
但有時，唔夠狠心，或者無特別理由，係唔會做得到。
我就諗，有乜方法可以戒連登，又可以好玩，又可以有趣，又有意義呢？
最終我諗左呢個捐錢遊戲。但無啦啦唔會有人同我玩。
所以有一日就特登開post撩米已成炊鬥捐錢。結果係點，大家睇到。
最終敗在米已成炊手上，我心服口服。
其實起挑戰米已成炊前，想挑戰多其他幾個人，增加捐款。
但計錯數，預計如果我捐5000，米已成炊唔會跟，而以後呢個遊戲唔會再有人受。
我認輸。以後唔上連登。
佩服米已成炊熱心捐款。但相信你既處事手法其他巴打都有微言。我亦唔認同你對樓市既睇法。
高登仔們，我講野係乞人憎，但事實係真心話。忠言逆耳。後悔點解當日唔讀好d書，已經太遲。
人生流流長，最重要既，係家人。努力去付出換來回報，令你家人過舒適生活。
世界真係好現實，有能力既男人，先會得人尊敬。連登仔，請努力活出自己既價值。
我由三十幾歲連登仔，日日上連登上到變左今日連登佬，好似失去左好多，但又好似得到左什麼...過去花起連登既時間值得嗎？我答唔出，但將來，我唔會再花時間起連登。
屈機男愛你地連登仔們。祝大家活得有價值，你家人因為你而驕傲。
我從此退出連登。
二零一七年四月二十六日
屈機男永遠唔再存在
幫你改定先
