[穿越/愛情]《我同鍾意咗十一年嘅人表白，佢竟然跳海死咗》(7)（外傳＋感謝文+俾我完啦好嗎）

多謝大家推po，估唔到大結局埋都要開個新po
如果你係新讀者，先話俾你知個故其實已經完咗，呢個只係外傳post，所以要追故歡迎去翻下面d link追

序

每個人或許都有一個曾經很愛過，但最後無疾而終的人。
剛巧，這個故事的主角也有一個。
阿軒，一個熱愛追逐夢想的人，偏偏在愛情路上，面對最喜歡的人阿晴，卻總是卻步不前。
所以足足十一年，他仍只是喜歡她，即使她跟別人戀愛了，結婚了，他仍沒有停止在心底的喜歡。
眼看他們的愛情故事就要以無疾而終來終結，誰知一切才剛剛開始。

故事，以阿軒的表白為結局，以阿晴的死亡為開始。
在死神的協助下，阿軒獲得了九次的穿越機會，也是一個救回阿晴的機會。
到底這九次穿越最終能成功換來阿晴的生命，還是他將再次令二人曾經錯過的歷史重演一次？

《我同鍾意咗十一年嘅人表白，佢竟然跳海死咗》
一個關於青春、成長、愛情和遺憾的故事。

先附上Post 6 link，方便新讀者追故，記得去留翻個正皮先好走啊

Post 6：https://lihkg.com/thread/2119869/page/1

而喺大家支持下，呢個故成為咗Penana嘅「特約作品」，所以樓主出文會先出Penana，再出連登，大家如果勁心急追文，歡迎去埋Penana like、留言同bookmark呢個故啊
Penana：
https://www.penana.com/story/63218

下面仲有紙言link，方便大家追故
但通常要到深夜先會一次過更新，所以會慢過連登少少
紙言：
https://www.shikoto.com/articles/210050.html

最後留低埋樓主IG，大家有興趣可以去嗰邊催迫樓主加更
IG : windblowssilently

希望仲有人嚟呢個post啦
大家嚟咗記得正皮+LM
為咗谷下新po, 久違嘅正皮加更又嚟啦
每到50正皮即刻加更

第一個喎

頭香

偷書賊俾返個1001我

蕭揚（四）：花樣年華(上)
在晨曦初現的時候，我總算入睡了。

我做了一個充滿回憶的夢。

在夢中，我看見父母。

母親認真地捉緊我的手，然後說：「阿揚，你要記住，世界最需要有理性嘅就係愛情。咩一見鍾情、情定三生、呢啲都係唔科學嘅講法，你信呢啲就等於你信世界上有死神同天使一樣。所以你要記得，爸爸媽媽都對你好放心，我哋都唔介意你拍拖，只不過真正嘅愛情係要經過考慮同認識嘅，所以記得唔好咁易俾情感衝昏頭腦，帶眼識人啊。」

父親也在旁不苟言笑地說：「若然你未決定好要拍拖，你可以同人講『你係單身主義』嘅，呢個理由又合理，又可以俾多啲時間你自己諗清楚。揀女仔咩都唔緊要，最重要就係揀個賢良淑德嘅，所以先要睇定啲。」

這段回憶在我腦海中浮現了足足五次，然後我就醒來了。

我如常地拿過床邊的手機一看。

意想不到地，竟然只有寥寥可數的Whatsapp信息。

而且當中，沒有一個是來自李琪的。

耳根清淨，本應是值得高興的事情。

可是不知為何，我感到自己心中有著忐忑。

在整個上午的旅程中，我感到自己有點反常。

首先，我不到片刻便會拿出手機察看，次數比關心Instagram讚好的Aiko還要多。

然後，在上午閒逛大阪城的過程中，我不知不覺地拍下了許多照片。

「之前又話風景當場睇就夠，影相呢件事係好唔make sense嘅？」阿軒語帶譏諷地在我身邊說。

換轉平日，我應該可以用一針見血的說話回贈他。

可是，這次我答不了他，因為我也說不出為什麼自己一直在拍照。

時間一直到了下午，當我跟九公和阿軒在出發往「大阪飛腳」球場的時候，我忍不住再次拿出了手機。

李琪過於沉默的Whatsapp對話框，反而讓我有點不自在。

主動說話？會否令她以後更得寸進尺呢？

簡單問句「你死咗啊」？若她真的出事又怎麼辦呢？

我知道自己現在的想法非常不理性。

可是，我控制不了。

當我在Whatsapp對話框前左右為難之際，我看到畫面上有了變動。

先變成「在線上」，然後再變成「輸入中」。

看到這三個字，我感到自己的心跟著嘴巴一同呼出了一口氣。

「你今晚八點至九點左右會喺邊？」

「HepFive。」這是剛才阿軒突然提出要改變的行程。

「好，到時見。」

「好。」

回覆過後，心中竟然莫名地有點踏實感。

可是，不知為何，我總是覺得今天的李琪有點不一樣。

感覺就是，比平日正常了一點，收歛了一點。

天空轉眼換上了漆黑的背景，而我們也從「大阪飛腳」的球場轉移到了HepFive摩天輪之下。

這段期間我一直沒有收到過李琪的信息，可是因為知道將會見到她，所以內心也沒有了早上那份坐立不安的感覺。

我看一看手錶，時間已經來到九點十分。

還是沒有李琪的信息。

「你今日成日睇手機喎，有事發生？」在我身邊的阿晴突然問，原來她也留意到了。

因為阿軒、Aiko、九公和新相識的June都坐上了摩天輪，所以我身邊只剩下阿晴一人。

「無啊。」我如常地冷靜一笑。

「唔通……你有對象啦？」阿晴一臉興奮的。

「傻啦，我單身主義㗎。」我同時偷瞄了一眼手機。

「係咩……」阿晴滿有疑懷地斜眼看我，然後說：「有對象嘅話記得帶佢嚟坐摩天輪啊，喺呢度表白，邊個都會應承啊！」

就在我要回答她時，我感到手中手機一震。

「我到啦，你就嚟3樓搵我啦。」

事實上，我至今仍在質疑自己，明明之前還一直在心中抱怨著李琪的纏身，怎麼現在就要自動獻身去找她呢？

好好留下跟朋友享受摩天輪的時間不好嗎？

世上凡事都有原因，都有解釋。

這一刻，我想到我今天會如此心不在焉的原因，也許是她昨晚所問到的問題。

「咁你知唔知你對我嘅意義係咩？」

我相信我所在意的不是李琪，而是這個未知的答案。

剛好，這時候阿軒陪著香姨從摩天輪中走了出來。

趁著阿軒跟阿晴對話的空檔，我的腦筋馬上急速轉動，想著一個脫身的藉口。

然後，我想到了。

好快手

墨辰巴

我見到
我都搶唔切

留名

恭喜上個po 1001得主

新po lm

明明我咁俾心機洗板

新po留名

btw你提得啱 真係Upload少咗
值得俾個1001你

又係呢d位完

歡迎連豬巴

希望未來你仲有機會再搶
(雖然我相信呢個Poo就應該唔會爆啦)

執葉律師巴

製造下吸引力嘛

仲喺度，lm

花生友巴

新post留名

趁住有人睇講多句
每50正皮就加一次更啦
一有50就加一次 大家夠勁可能一日可以谷哂剩低所有文出嚟

舞淺絲