我用張可森做例子，佢係今場本土派入面，公關戰做得比較出色一位。
首先睇下facebook人數，18000 vs 7600，呢個like數已經相差1倍以上，你每一個post share曝光度已經差好遠，張可森係2019區議會素人之一，同呂智恆幾年前已經投身社運好唔同，講緊政績一樣比呂智恆少，但張可森識得打social media戰，所以得到好成功曝光度。
第1，形象貼地，夠親民
大家對張可森形象就係見森飲水，有d on9 。玩膠玩親民一直都係social media不二法門，娛樂食花生係網民最中意，就好似一種毒癮咁，會令人想follow你。100毛、喱騷、瓊姐等等就係一個好好例子。
而呂智恆就係一個苦行者形象，默默做實事而無人知，媒體討論度自然比人少。唔係講呢個做法有錯，苦行做實事好多政客做都係咁，但佢地會有一個爆點去吸引大家，令大家開始關注呢個人。許勇做私人控告、楊db講omdb等等，就係一正一反例子。
第2，出post要量要多，簡而精為上品
就咁睇好似呂智恆出post量比較多？再入埋睇，張可森出post有精明風格，藍白為主調，題目內文主次分明，雖然係行貨，但social media大量資訊下，一個簡潔有助讀者快速閱讀。
玩開social media都知，大家係熟左雞精圖，睇完題目就當睇完新聞。張可森個設計師都明顯識呢個玩法，所以呂智恆明顯係無設計師朋友幫手，純粹幫自己咁出post，自然吸唔到曝光度同擴張支持者。
第3，your face your fate
張可森唔算係型，同呂智恆係不相上下。但一個出色攝影師係可以幫你吸納更多支持者。
係張可森fb，隨手都cap都可以合格的相片，不論係post或者相片，形象都好統一同有活力，明顯係攝影師助陣。反而呂智恆唔知係未比較少攝影師朋友，個人形象係比較路人向，即係無特色！d相出到黎唔係實事派形象，反而比人感覺係宅同頹廢...
純講形象公關戰，張可森唔算係最出色，立場姐姐先係公關戰表現最好一個，但佢有眾志資源＋助攻無得比啦。但張可森絕對係一個可參考例子，希望呂智恆都可以做多d宣傳。
最後一句：做人無公關，食屎架喇
長文，有無咁快睇哂
記得飲多d水
