排球少年！集中討論「7」

影山啱啱先又再一次皇袍加身, 咁都邊緣化
你係咪睇漏左幾集?

我反而鍾意咁樣
可能因為我一開始鍾意排球嘅原因就係因為佢對主角以外嘅角色都塑造得好好
雖然有雙主角但比到群像劇嘅feel

儲氣啫
過多幾集就威返啦

雙主角，但正主角都係日向
好似火影咁，雙主角
講到尾咪又係鳴門主角

影山之前唔托球拎分型撚到

我覺得依家咁樣幾好
如果畢業之後，兩個都仲係痴住一齊打波先唔正常
同埋佢都有講影山童年回憶，咁都叫邊緣化

我都唔覺影山比邊緣化

其實古舘一齊都有舖排影山 係排球方面係非常自律
修甲 寫筆記 等等
加埋之後講佢童年

其實都表達到佢既成長
應該咁講 從佢本身排球能力 自自然然會一直進步
加上高中講佢心態上不斷轉變 加上技術上影山已經無得再太誇張落去 影山其實已經慢慢不斷lv90 lv91 咁升上去


反觀日向起點唔同
要去到另一地方付岀更大努力 去令自己可以到達佢地水平

所以偏向日向多d 真係好合理

日向係巴西望住電視上面嘅影山個格
好想知道佢係咩表情

仲以為真係minus temple還擊添

咁樣睇
懷疑係伏筆 遲d會畫返

成日覺得高中第3年拎全國第3完全係影山carry
由佢skip大學直接打職業同埋代表日本就知佢真係超哂班, 而且短短幾年時間已經係pro league 既明星選手, 有睇nba就知大約係Lbj kobe odem級數, 真係好撚勁

咁排球一個人又打唔晒既 , 一傳接唔到波 , 任你二傳點勁都係要死

影山真係由細到大盡哂人事咁去打排球
可以學既技巧幾乎全部都去練
人地高二高三先練左一陣發球 影山已經練左唔知幾多年 係全隊最強殺人發球

影山真係可以話係努力既天才
排球有句歌詞好撚正
喜歡以上 得意未滿 任何夢想都在此開始
影山到底係本身就天才定一步一步累積返黎已經好難分得清
肯努力既天才係最恐怖

唔同意
第一年可能都算係影山carry
但第二年日向接球應該比第一年更進步
你見第一年後期日向都開始識睇球路，間中都有靚一傳

另外再講下小月，第一年打完比賽就立即想睇錄影做檢討
我覺得第二，三年大家都有進步
只係影山本身已經超晒班，但唔等於其他人係被carry

正如日向所講：一個人係贏不了

agger 黑尾係合宿篇都講話 就算隊伍有全國三大ace都唔代表會贏 如果真係一個人carry全隊嘅話牛島都係19歲就入國家代表 但咪又係輸比烏野
六個人都強先係真正嘅強

當然佢兩個都一定會係高二高三有進步, 都係隊伍既核心成員

但事實係月島依加仲係d-2打 證明咗全國嚟講佢係非一線球員, 日向個情況就唔清楚, 但咁刻苦畢業就遠赴巴西打沙排, 好明顯都清楚自己高中畢業既實力不足以係職業賽場度競爭先要遠走他鄉惡補番全面性既技術. 所以高三個年基本上就係影山一個准職業球員帶住烏野走（充其量月島同日向當時都有接近d2-3既水平

咁排球一定係團隊型運動既, 但只要係競技類團體項目, 隊員們既水平就一定會各不相同, 影山高三個年既實力明顯就高出其他隊友最少一至兩個檔次, 自然佢都係carry點。（再簡單啲就排位鑽石 master已經係好優秀既玩家，但同top 100既菁英相比就自然有差別）所以高一個年影山係carry, 去到高三個年佢都一定仲係carry, 因為佢就係天才+努力+時間既球員。

月島唔打d1唔代表佢冇d1實力
人哋唔想打全職唔得咩
通常打得d1嘅應該都係全職
但係佢可能想搵份正職做唔想當排球係職業又唔想放棄排球咪打d2囉

我個人諗法係當你愛上一樣興趣同時有能力將佢轉化成自己職業,對大部份人黎講都係會走去職業依條路既. 你睇下依場波月島望到佢地MAKE PLAY個樣就知佢仲係愛住排球,愛住依樣競技運動, 問心如果有能力佢真係會甘心係D-2打波, 唔同依班頂尖選手較量咩?

不過讀書既可能性都係有既, 而且根據月島人設機會係唔低, 我自己都係鳩估下, 古館老師既諗法我地永遠唔會知

今朝冇啦啦諗起雙主角仲有我英

如果有劇場版就好

如果劇場版可以講返第二，三年就正喇
(不過前題要動畫做到去畢業先）

希望古館老師係正篇完左之後會出番外，甚至續集
如困果用烏野新人睇番日向佢地，甚至烏野係最強對手都正

日向終於有發球得分