討厭新詩

小弟唔係好識，可唔可以解釋下呢首垃圾喺邊

不過講真 意識流 有咩咁不可解？
真心唔覺係不可解 係我地未必知點解啫

我個人偏向新批評學派，人人解讀方法不一，係作者已死既狀態下，你點解，甚至你係作者本人，都只可能無限接近文本已不知真相，而新詩更暗晦既文字下，眾人既解釋都可以接近真相，咁就者係無真相

Thanks巴打 睇下先

古詩詞外，意識流不妨去欣賞下元曲，其實好夠味道

平生不會相思，才會相思，便害相思。

身似浮雲，心如飛絮，氣若遊絲。

空一縷余香在此，盼千金遊子何之。

證侯來時，正是何時？

燈半昏時，月半明時

冇咩關係
所謂可解 只不過明首野玩乜 唔係解作者嘅意思
用乜乜電影感解 都係講佢嘅意象點構造
你會講到 邊啲詩有意識流成份
咁就係讀者可以鑑賞嘅野

不可解 係呢個意思下 係你點都用唔到乜手法 理解去 make sense of 點解佢咁寫

Btw 影評仁唔係樓豬

影評仁唔係樓豬
樓豬無話舊詩點好點好

開呢個post就係想拋磚睇大家討論

咁樣只係分析手法，解構既唔係內容wor，呢種可解咩文體都做到，但內容可解度上，新詩因其特質，往往會產出比其他文本更多既答案，因而不可解。

我估我地個解字係講緊唔同野

唔好咁著重我話唔可解，有人寫幾十個"兵丘"字都寫成一首新詩架，讀出黎完全唔可解但佢就係新詩，真係可以解唔到的。
(陳黎〈戰爭交響曲〉)

意唔意識流都好，我覺得新詩唔好咁習慣用"解唔解"得到黎睇，只會令到你覺得新詩等於文字謎題，解得通就係詩意所在之類的錯誤觀感。你想研究文學，同欣賞文學，完全可以係兩回事來的(不過現代好多作家評論家鐘意拉埋一齊講)。

。。。意識流同意象應該係2回事來既。。。

戰爭交響曲，有乜解唔到？
你知佢係玩圖象詩 咪解到
我講嘅解到 係咁嘅意思
根本唔係咩迷題

解唔到 我指係根本你唔知佢講乜 玩乜

推演落去可以無窮無盡 啱feel 個味道啱就夠啦

冇架喎 好似現代藝術
咁有啲作品係純粹俾你 feel 下咩 feel
有咩睇咪睇乜 有乜聽咪聽乜

好似有首"歌"
係一粒音都冇
成個樂團坐幾分鐘咁

咁解唔解到佢做乜？
某意思下 你可以話解唔到 亦唔使解作者意圖
呢一點係好多玩當代藝術嘅人強調

但唔需要聽到"解"就太敏感
"解"可以指，係你知點玩呢個遊戲
你知你要去睇，去聽，去感受
講啲乜乜意象，電影感只係幫你去玩呢種語言遊戲
呢啲概念唔係純粹做研究先用
咁你用熟自然唔需要去用呢啲工具咁解

知佢係圖象詩先解到，即係文字本身意義同文句的層面係冇義意的，叫你讀出黎你只會好似hang左機咁"兵兵兵兵"。你要先將字同字義既有關係拆開然後再用排版同字形去理解。讀出黎兵兵兵兵，真係係字義上解得到？(正確黎講，應該係解到，但"讀"唔到)

其實好多人都誤解左咩叫作者已死、乜野叫文本、乜野叫合理詮釋（讀法）、乜野叫根本睇唔明又要懶醒
某程度上大學講師同文科生自己都要負責任，一個講到半桶水，一個就睇到 d term就覺得好勁、亂咁黎用

好多時連文本本身都讀唔入，讀乜野進一步自由詮釋丫

啲字有意義架喎
兵字點解冇意義？

佢只係唔合正常文法
但整體你知佢咩意思

(用維根斯坦嘅例子 你畫個 emoji 都有意義
讀唔讀到 其實同意義冇關）

呢個現象老實講,如果詩詞沒落我相信新詩基本上已經淪落到頻危級別
就好比熊貓一度好少 但至少生我可愛D有政府扶持養住
而新詩就好似果D唔出名既得返D科學家24小時吊命咁,分分鐘一野就消失唔見

係呀 作者已死 其實都唔係解做任你解讀
其實只不過係解做唔需要考慮作者意圖

其實理唔理作者意圖 呢樣野係哲學問題
https://opinion.udn.com/opinion/story/6685/1062555
兩邊睇法都有一定嘅理據
除非深入思考過呢個問題
否則諗定作者死與不死 都係武斷

[img][img]依度牽涉到另一樣野：每一種文體、體裁、甚至主題都有各自既讀法

例如就算係舊詩，詩同詞既讀法都好唔同，龔自珍係己亥雜詩就提過個女好中意馮延巳，而自己不甚了了：

「吾女阿辛，書馮延巳詞三闋，日日誦之。自言能識此詞之恉，我竟不知也。」

[/img][/img]

你講緊乜？
冇啦啦講乜詩詞沒落？

字面上既意思囉
當一件作品越少人接觸就會越少人討論