其實香港都可以好靚

Push

HKU本部側邊黃昏嘅時候開咗街燈都幾靚㗎

支國、支那波、澳門、馬來西亞都保留到唐樓街
香港一條都冇（好似得中英街仲有）

上海街嗰排淨係留facade都算咪有囉

唔好咁啦師兄
如果要走真係好唔捨得香港

好痴線
睇住佢封樓好大陣仗，以為係修復
點知係變大三巴

殺完個人留返個頭響度供奉咁

住喺英國真係日日提醒你香港係咩樣㗎

好懷念

係。騎樓街完整冇斷開，中間樓宇冇重建過嘅得返沙頭角新樓街。
市區騎樓街，太子道西近花墟、上海街中間都有樓重建過。

不過其實都只係戰後重建唐樓。個露台冇咗騎樓腳。加埋木窗/鐵窗、手寫招牌同霓虹招牌，整體觀感好有香港味。

市建局話就話還原返騎樓柱上嘅舊招牌，實際上就將其他香港味嘅細節位清除晒。

好認同，冇錯舊有嘅建築的確好nostalgic,亦有佢嘅味道、特色。但唔等於改變係差，只要變得黎有返香港果種中外合璧嘅話我覺得都係一個唔錯嘅approach

Push

icomos principles其中一條已經講移徐內部結構，只保留建築立面不符合保育標準。
618上海街十棟戰前騎樓得四棟完整保留，另外六棟只留立面，其餘拆晒。

香港古建築保育工藝方面係做得好仔細認真。但就算細部做得幾仔細都好，整體保留上有缺陷，對整個歷史建築都係破壞。

一棟棟騎樓喺一條街上組成長長嘅遊廊，形成一條完整嘅騎樓商業街，係東亞騎樓街嘅特色之一。
戰後初期嘅唐樓，雖然係冇柱腳嘅懸臂式露台，但佢同騎樓一樣，可以完全遮蓋行人路面；而且又係用混凝土建造，同附近騎樓用相似嘅物料，對騎樓街整體外觀冇太大破壞。形成香港獨有街景。

而家條街重建嘅新樓，唔可以騎出馬路之餘，仲用咗大量玻璃金屬，同原先騎樓嘅風格相違背，破壞晒成條騎樓街嘅完整觀感。

左邊最近拆左

認唔認得喺邊

留名