其實香港都可以好靚

新po gogogo

尤其是係巴士，香港喺七八十年代開始可以話係帶領呢個車種嘅發展，新嘢都係英國同香港一齊發明，之後香港玩先，當然而家又去返外國度，不過嗰個黃金年代真係乜都好勁。

好正 想睇多啲

和你「提」清MPF
爭取BNO平權
https://news.mingpao.com/pns/%E7%B6%93%E6%BF%9F/article/20200612/s00004/1591901008841/

又關tbb事？
香港係佢架？
咁又唔知wor，長知識了。

Chinese please？

（Gloucester Hotel/Building 告羅士打酒店/行 1932-1977）

個人覺得告羅士打酒店比半島更加靚，當然地位就不及，如果半島係九龍嘅Ritz，咁告羅士打酒店就可以話係香港嘅The Savoy。採用英式Art Deco風格，後來彌敦道都出現過類似嘅建築物，不過實在太少人識亦都搵唔到圖片，只有喺影彌敦道嘅相側邊出現過。

告羅士打酒店位於德輔道中同畢打街交界，郵政總局斜對面，原址係香港大酒店，二十年代於大火中燒燬，及後重建。酒店頂嘅鐘樓取代咗因為皇后大道中擴建而拆卸嘅畢打街大鐘樓。後來酒店因為生意唔掂而喺六十年代逐漸轉型做商業大廈，因此又叫告羅士打行。

七十年代，置地決定將酒店重建做商業大廈同置地商塲，呢個街口係兩年之內冇咗GPO同告羅士打酒店，可惜可惜。不過置地廣塲嘅中庭設計，亦對香港商業建築設計有莫大嘅影響， 去到摩登年代嗰part會再講。

講漏咗，酒店嘅設計係特登將第六同七層推入去入面，以維持返以前香港大酒店嘅高度（五層高）。

如果唔拆
實申請到入世界文化遺産

（Victoria Coach Station 域多利巴士總站 1932- ）


（Broadcasting House BBC總部大樓 1931- ）

又俾啲英國Art Deco大家望吓

真係核突到爆炸

完咗Art Deco年代，世界就進入咗Streamline Moderne 流線型現代主義嘅時期。由於二戰同經濟大蕭條令到好多人冇錢，所以極之奢華嘅Art Deco開始沒落，由三十年代開始由比較便宜嘅Streamline Moderne取代，有唔少人會將佢歸類埋做Art Deco嘅分支。 Art Deco好多元素仍然存在於Streamline Moderne之中，譬如平衡對稱、幾何形狀、色彩繽紛，Streamline Moderne最着重係航海元素、橫向線條同圓滑嘅邊角，係會少啲見到起角出現，風格嘅靈感來自Ocean Liner 遠洋郵輪（鐵達尼號就係其中一架），因此有大量航海元素，例如Porthole （船上面圓形嗰啲窗）、旗杆、欄杆扶手等等。同樣地係喺美國最受歡迎，最出名就係Miami South Beach嘅Art Deco建築保育區。Streamline Moderne已經可以歸類為Modernism 現代主義之內，而Art Deco同Art Nouveau 新藝術風格（主要喺歐洲同法國見到）就站立起古典主義同現代主義之間，係非常特別嘅存在。

由於英國唔係特別流行，Streamline Moderne亦冇Art Deco咁盛行，所以無論係香港定英國都唔係好多。同Art Deco一樣，雖然建築物唔多，但係元素就融入咗好多其他建築入邊。


（Edinburgh Place Pier 愛丁堡廣塲碼頭 1957-2006）
香港人一定認識嘅兩個天星碼頭，尖沙咀碼頭同舊中環碼頭正正就係Streamline Moderne風格。兩個天星碼頭都係由香港人陳洪業設計，中環個鐘樓就係鄥勵德嘅作品。其實兩個碼頭都唔算好有Streamline Moderne特色，航海元素都唔係好多，得兩支旗杆，真係流線型嘅都係得向海嗰邊，正面甚至比較似International 國際主義多啲，但係唔好忘記佢本身就係個碼頭，Streamline Moderne都幾符合呢個用途。好多人都唔係覺得佢特別靚，甚至話佢只係一嚿石屎（呢個亦係現代主義建築面臨最大嘅問題），但係咁多年嚟，加埋零六零七年保留天星皇后一役之後已經成為咗香港人嘅集體回憶。

成個愛丁堡廣塲一帶可以話係現代主義嘅集中地，去到講大會堂嘅時候會再講仔細啲。


（Tong Lau at Prince Edward Road 太子道唐樓)
一幢摩登味好濃烈嘅唐樓，比天星碼頭更加多圓角，亦見到橫向線條發展，加埋（唔知係咪Crittall ）幼框鐵窗，講真，我都想住呢度。

以前個西史阿Sir用過嚟出題