其實香港都可以好靚

本地西洋建築被歐洲比下去
同樣本地唐樓都被華南、東南亞比下去

台山海口開平嘅騎樓立面比本地嘅精緻
廣州嘅竹筒屋同騎樓設計又比本地嘅多元化

香港獨有嘅只諗到公家騎樓底
同極速重建下會有單支騎樓腳留低

不過建築物嘅價值唔應該只係孤立咁睇

民間出手結果就乜柒都變左cafe

結果原本果度既人頂唔順外來人搬走埋

無人話香港唔靚

係d人肉肉酸酸姐

本地唐樓有佢獨特嘅歷史
但往往都係負面
一劏幾十戶，擠逼，環境惡劣，品流複雜
普遍人對佢莫講話有感情，好感都冇
只會想拆咗佢起新樓

所以我先覺得真真正屬於香港嘅style係現代主義。

唔好介意我咁講，香港二戰之前根本就係二流城市，真正有能力有錢嘅都唔會喺香港，去上海去廣州去德里，香港比較似一個retreat。不過二戰之後香港真正發圍，建築物設計先開始認真起嚟。

六十年代開始正式上軌道嗰陣時，唔同嘢撞埋一齊係非常特別，古典主義同現代主義、華人文化同鬼佬文化、舊世界同新世界、甚至國民黨同共產黨，六七暴動之後亦係「香港」呢個identity正式出現嘅時間。另外英廷對殖民地政策轉型亦都係一個好重要嘅因素，講大會堂嗰陣時就會講吓大會堂嘅設計點樣反映到呢樣嘢，你會見到佢係象徵成個殖民主義嘅變化。

「香港真係好靚」 (黃台仰，<<地厚天高>>)

其實香港香港發展商一直以嚟都係賺盡為先
可以起騎樓「騎」喺公家行人路係政府容許「發水」改善樓宇採光通風
八文樓都係建築條例有街影法限制先要起斜頂
藍屋門面牆身用料最靚，後樓梯用料最差
門面起得靚都係為咗賣樓可以賣貴啲

真正中西合壁嘅騎樓要喺二十世紀初華僑喺新界起嘅大屋先睇到

唔係共產黨統治既香港，係真係幾靚！曾經係！

日本啲金魚係咪出名啲
成日見啲日本錦鯉賣好貴

可以帶佢地去下黃店感受下
如果到時仲未被打壓晒

劉明

真，夜晚上去首爾塔個公園望落去
心諗
好彩冇比錢上頂

（City Hall 大會堂 1962- ）

終於寫到嚟樓主好鍾意嘅大會堂。大家對大會堂嘅印象，可能係一個睇表演嘅地方、一個聽音樂嘅地方、一個結婚嘅地方、一個睇書嘅地方、或者去到近期啲，一個集會嘅地方。香港嘅City Hall，相比其他國家類似嘅建築有一樣好特別之處，就係佢冇市政功能，反而隔離之後起咗棟市政局大樓（已重建為展城館）。

香港嘅大會堂係一個好純粹嘅文娛中心，有着當年先進嘅音樂廳，連Frank Sinatra都喺嗰度表演過，至今仍然舉辦唔同嘅音樂節目，培養唔少香港人嘅音樂細胞。香港公共圖書館發展係由舊嗰個大會堂開始，而今日呢個正正方方嘅大會堂就係香港第一個現代公共圖書館位處嘅地方。起銅鑼灣中央圖書館落成之前，佢曾經係香港嘅中央圖書館。

大會堂嘅頂樓亦曾經係香港美術館（藝術館前身）嘅館址，當年嘅大會堂都算香港最高嘅建築物之一，前面就係海傍同九龍，當年去到呢個博物館都唔知睇畫定睇風景好！

大會堂採用黑白色做主色，當年喺香港係非常之破格！無論係高座定低座，都可以見到建築差唔多係零裝飾。高座建築物比較搶眼，係好多人對大會堂嘅印象，成幢大廈都採用重複嘅Pattern嚟設計，正正就International 國際主義嘅特色。樓梯同窗口嘅幾何設計亦好有五六十年代味道。

大會堂高座同低座之間有一個紀念花園作點綴，紀念花園主要係為咗喺二戰期間為香港犧牲嘅人，直到而家，每年香港重光紀念日仍然會有退伍軍人協會去為呢班為咗香港而犧牲嘅人致敬，大家如果有時間今年八月都可以去參加，公眾開放。九三年未翻新之前嘅花園亦有好多幾何圖案同設計，非常之前衛，但係又帶着淡淡東方庭園嘅味道。

低座相比起高座，摩登味道冇咁濃烈，甚至乎有少少似當代建築，內櫳亦多一份典雅嘅感覺，大家可以睇吓翻新之前嘅大堂。

低座而家最吸引人嘅應該就係嗰條旋轉樓梯，其實後邊本來係幾個騎樓仔，係音樂廳酒吧範圍嘅設計，不過已經比市政局大樓遮咗。


我心目中唯一代表香港嘅徽號。大家今日去大會堂仍然會見到呢個徽章留低嘅痕跡。下面「大會堂」三隻字嘅字體係六十年代同粵語殘片好鍾意用嘅扁明體。

唔講大家又知唔知其實大會堂本身係諗住用一個古典啲嘅設計？係後來先至轉用而家嘅方案。大會堂摩登設計嘅背後，代表住英國同香港政治氣候嘅變化。戰前嘅建築物要做到咁莊嚴係因為要維持帝國形象，係有個氣場代表佢嘅身份，因此即使建築物係向大眾開放，隱形壓力仍然存在，好似著住T恤牛仔褲唔敢行入半島咁。改用以人為本嘅摩登設計就正正可以消除呢種壓力，大會堂先至真真正正成為香港人可以用嘅地方。


（North Kowloon Magistracy 北九龍裁判法院 1960- ）
原本嘅大會堂設計係諗住用呢一類Stripped Classicism/Art Deco風格，當然係比較有氣勢，但係又符唔符合佢大會堂呢個身份？設計除咗所謂嘅靚之外，最重要嘅都係appropriateness，歸根究底建築物最後都係俾人用嘅，呢個亦係Modernism同Classicism一個分野之處。一座為普羅大眾而設嘅建築物用咁有威嚴同震懾力嘅設計，好似又唔係幾合適，反觀法庭就十分啱用啦。

大家又有冇發覺香港比九龍新界少好多大型空間？除咗土地問題之外，政治考慮亦係一個好大嘅因素。戰前香港不設大型空地係為咗防止喺政府附近可以聚集到人，而戰後廿年內落成嘅維園、愛丁堡廣塲同九龍公園正正又係可以反映戰後政府施政方針改變嘅新設施。後來維園同愛丁堡廣塲都成為咗香港嘅政治地標，證明當年英國政府嘅諗法又錯唔晒，亦慶幸戰後香港政府成功吸取教訓，間接製造咗香港嘅黃金年代。


一塊非常靚嘅路牌，而家啲字已經重新寫過，冇咗「塲」字嘅痕跡。


（Star Ferry Multi-storey Car Park 天星碼頭多層停車塲 1957- ）
隨天星碼頭命名，卻活得比碼頭長命的停車塲。通花磚非常靚，通風解暑之外又不失優雅，可以話係摩登年代嘅Tropical Colonial元素。外露結構喺太陽照射之下亦好有線條美。綠白配色恍似提醒我哋對面那個曾經嘅碼頭同鐘樓...


（Connaught Road Central Subway 干諾道中行人隧道 1959- ）
呢個就係我覺得最最最最最俾人忽視嘅建築，係咪冇講錯呢？1959年開放嘅佢，係全香港最舊嘅行人隧道，亦係最摩登嘅行人隧道。地下嘅幾何圖案、三角形嘅造型燈、懷舊嘅路牌燈箱字型。時下香港反送中運動，最Modern嘅隧道配上最Modern嘅City Art，真係冇得輸。

停車塲同隧道按計劃都會隨郵政總局賣地一同重建，好可惜佢哋並唔係焦點，未必有望救得返，到時成個愛丁堡廣場現代建築群就只係淨返大會堂。都係嗰句，希望大家有力出力，咁樣先有機會救到佢哋。


嚟緊樓主要搬屋，過幾日先再寫，多謝各位繼續支持。

嘉道理山都好多呀

好多都係七十年代左右拆哂, 而當時都無乜反對聲音
主流希望發展經濟