其實香港都可以好靚

都係價錢同需要啫
係價錢平先做到普及化
而家又長開冷氣，窗花都唔使
舊式鐵窗又易生鏽
用鋁框大玻璃好過

其實點解有啲嘢係經典，係因為佢本身唔係一個冇意思嘅嘢。好似騎樓咁，本來就係為咗散熱先至有，唔係話好靚咁就起，佢係基於實用之上再整靚佢。但係而家好似你話齋，科技太先進，一樣科技已經取代晒全部其他嘢，冇咁多細節位俾我哋發揮。

呢種靚係內至外散發出嚟嘅，又有人叫佢氣質。時裝界先至係最明顯。依家啲MK衫鬼五馬六咁款，無啦啦又整條安全吊帶，完全冇意思，純粹為咗嘩眾取寵。相反Classic Menswear細至一粒鈕、一條線，一個摺，大至cutting、padding，dart等等等等全部都係有原因先至存在。無論係一件衫定一棟樓，呢啲細節位先至係最見到心機，係有經過思考先出到嚟嘅產品，所以先會靚。

呢個氣質嘅原則我諗可以apply落所有嘢度都得。

留名

保育角度嚟講係重要，手工隱藏設計嘅心思
科技令好多嘢規範化，少咗人性嘅味道
但唔係個個都識欣賞氣質，再想保留都要屈服喺價錢同應用上
舊時代嘅用料/設計缺陷、科技發展有新物料取代，都會令舊物加速被淘汰
只係想講唔係「老土」可以解釋晒拆鐵窗嘅原因

futurism真係好正 以嗰個年代去諗未來嘅嘢 最後同現實個種反差先係最迷人

人哋Crittall都唔係永遠做死一隻嘅，之後都有整Double glazed嘅玻璃，科技嘅嘢進步得咁快，睇吓你肯唔肯嫁啫。但係你都識講，係屈服係價錢之下，政府又唔肯出錢保留呢啲傳統工藝，又冇需求咁咪收皮囉。當然品味轉變亦係另一個因素，正正就係我講嘅老土。

好似叮叮以前都用藤櫈，其實個人覺得相比今日膠櫈同木櫈，藤櫈先係最適合香港嘅環境同溫度，同樣係因為價錢問題，逐張逐張人手織你估好平咩，依家就得返架120有得坐。

最正係當年嘅前衛，而家變咗懷舊。
唔止建築物，七八十年代Sci-fi戲都好正。

私人冇管制，鍾意點整都得
應該帶頭嘅市建局就做啲最差劣嘅保育建築出嚟

本地「相對」成功嘅只有藍屋，做到留屋留人

點睇80年代landmark?
https://youtu.be/YRYH7PbcMOY

個中庭真係有氣派又唔俗

Push

香港中庭商塲先驅喎，梗係勁。
個人覺得香港摩登商業建築唔同鼻祖係康樂大廈（高度）、MO同太子行（豪華版International）、萬宜同德成大廈（International）、滙豐（Bare Structure/Expressionism）、中銀（Glass plane Expressionism所謂玻璃摩天大廈）。

Btw呢樣嘢仲有段得意故
建築師守則好似係唔比隨便公開comment 同行啲嘢
當時咁樣屌棟嘢係好少見，亦都係難得嘅公眾建築/美學討論
何弢亦都係設計（救亡）當年區旗設計嗰位，上年過咗身lu

於1997年市政局中央圖書館事件，何弢批評當時建築署提出的「希臘外型」設計方案為「娘氣」、庸俗（vulgar）、羞恥（shame）。此言一出卻令何弢備受責難。何弢亦是當時的建築師學會會長。由於建築師學會有一條專業守則，禁止會員在沒有知會其他會員之前批評其設計，何弢因此受到抨擊，有56位會員聯署不滿何弢對於建築署方案的批評，指他違反了這條專業守則。
汁：https://www.thestandnews.com/culture/%E6%82%BC%E8%97%9D%E8%A1%93%E4%B8%AD%E5%BF%83%E5%BB%BA%E7%AF%89%E5%B8%AB%E4%BD%95%E5%BC%A2-tao-ho-%E5%BE%9E%E5%B7%A5%E5%B1%95%E6%9C%83%E5%88%B0%E4%B8%AD%E5%A4%AE%E5%9C%96%E6%9B%B8%E9%A4%A8%E4%BA%8B%E4%BB%B6/

同意，香港島特別靚

Neon加Palm tree
好vaporwave

咁一定係太空船