其實香港都可以好靚

有個網站叫做gwulo.com，應該係鬼佬開嘅但係資料好齊吓，你當一個專業小小嘅blog。

書就冇乜點睇香港嘅嘢，圖集反而有，有本叫《四環九約》市政局出嘅，全部都係十九世紀二十世紀頭香港島，不過好似得三中商有。歷史博物館間書局都有，不過好似執咗。

街名又係正爆呀，不過香港早期街名其實唔係好英國，純粹係啲英國人名咁解，英國冇咁常見。之後嗰啲譬如梳士巴利道、諾士佛台、碧仙桃里、擺花街先至似英國街名。

其實有啲本土啲嘅名仲似英國，譬如七姊妹，倫敦都有Seven Sisters （熱刺球場附近），而兩者係完全冇關係，兩個都係好本地嘅名咁啱撞到。

個人覺得其實留唐樓先至係最有價值，真正中西合璧。你比西洋建築一定唔夠人哋嗰啲靚，人哋求其一個小鎮求其一幢樓已經靚過你多多聲，現代建築先叫有得比吓。

反而唐樓對好多外國人來講都好正，某程度上係一種東方主義，浪漫化嘅嘅睇法。人喺香港係好少會識欣賞呢啲嘢，唯有人去到外國先會見到香港典型東方靚嘅一面，人喺香港對眼就一定係去咗欣賞西洋建築。冇辦法，人係犯賤嘅，越冇嘅嘢你越想要。

鹹片要請教下朋友先喎，我就好健康嘅

lm

而家起樓根本冇顧及周圍環境
有位就起
起幾多層 咩顏色 咩形狀 咩風格 都係各自為政
高低不一 兩棟平排既樓中間又可以插一棟打斜既
好撚核突

不過又咁講，混亂美某程度上係香港特色，要睇規劃使鬼嚟香港咩，好似啲招牌亂咁掛啲外國人先最鍾意，你睇吓九龍城寨人哋幾鍾意（九龍城寨係我唯一一個支持拆嘅地方，始終風險太多）。一排唐樓對住啲西洋建築先至喺香港呀。

有冇人覺得九龍城大和堂變左cafe好似殺左間老舖咁

我知
新舊交錯 招牌林立
依D舊區我都覺得有特色

但新區D樓真係起到好混亂
好似南昌-奧運站果堆咁
每日搭車經過就覺得 為左起樓而起樓 有位就起

其實唐樓呢樣嘢本身已經係溝出嚟，窗花最出名係法國，就算你話呢啲方形幼鐵窗框都好大機會係受外國影響，有間好出名嘅窗框廠叫Crittall ，二十世紀初期賣鐵窗框起家，而家已經好出名。

騎樓走廊呢啲已經係溝咗西式，招牌就係人都掛得㗎啦，地板你係咪講嗰啲花磚地板？定係紙皮石，紙皮石就肯定係西方嘢。

冇錯呀利物浦海底隧道其中一個通風口同大樓就係呢個設計，英國Art Deco同主流Art Deco叫做好容易分得出吓。上海就主要係法國嗰隻，即係正宗嗰隻。

上年poly定city先搞咗個Art Deco展講法國同上海。

嘉道理山都好多摩登豪宅，另外清水灣影城入邊都有六叔間豪宅。

有個傳聞唔知真定假，據聞石澳巴士站樓上係中巴顏老闆私人單位

其實個巴士站都幾靚

其實我過兩日會過去，到時影吓相俾大家睇。

係咪成間油咗黃色嗰度？

聽人講利物浦個感覺好似香港，又有個港口又有海底隧道，對面岸Birkenhead個電車博物館重有兩架香港電車。而家準備過去住兩個月，到時應該得閒就去坐吓叮叮。

任何嘢好多時都係劣幣驅除良幣，風骨係唔可以當飯食，但我相信總有一日會有人識欣賞。