[高質文] 實戰籃球鞋，你問我答

海外: Adidas AU/Ebay/StockX/GOAT
國內: 淘寶/閑魚

試左why not zer0.3,感覺唔錯
前掌夠闊,有足夠足弓support,係後掌唔夠實在,後踭位舊枕頭仔提升左對鞋嘅包圍感,而家仲有少少特價

呢對我都有興趣
奈何香港好小舖會入
之前見過連卡佛個官網有但無碼
之後都無見過

ADIDAS好似都無興趣推呢對鞋咁
唔知做乜9

幫到你就好了

其實HK Adidas 先係咁，外國和大陸Adidas 一早上年已經開始推出了。疫症前，我見澳洲Adidas 已經減價減到半價了，大陸淘寶都有減價

所以唔關Adidas 推唔推對鞋事，係Adidas 成日都放棄香港市場咁, 一係就好遲先出/一係出都好少貨 e.g.上年BYW X1 和n3xt l3v3l 1 已經係咁操作了。

香港adi完全唔知佢哋想點
－harden 由第一代次次都入幾十隻色變減價貨
－好多時下一代 e.g. vol 4都出咗，但又同期出多對上一代vol 3嘅款，仲要原價 (但其他色已經去咗outlet)，消費者來講好難理解
－成堆harden變奏款根本無人吼，但性能有特點嘅 e.g. BYW X, BYW 2.0, N3XT L3V3L 就冷處理／唔入

原來大家咁講究，我係邊隻靚仔嘅做緊特價就買邊隻

腳得一對對佢好啲啦，籃球要長打長有先好玩

我年紀都唔細(30+), 街場室內都著過實戰, 其實冇講得咁差, 但當然現今已經好多籃球鞋技術可以取代AJ1, 著來打下又未致於出事, 不過點都好過依家D麒麟怪怪實驗性籃球鞋
其實籃球鞋技術一早已經去到好成熟, 去到KOBE4,5,6咁上下時段更加係技術高峰, 依家整乜我都覺得係整色整水, 家陣我買D球星簽名款都係愛來[玩下], 真係實戰我都係著返hyperdunk2017, jumpman diamond個D

不過師兄用理據分析, 學到野之餘覺得佩服, 覺得啱聽再深度探討

所言甚是 所言甚是...我籃球生涯短暫既高峰, 就係著爛左對zoom flight 2k3...再翻出真係shut up and take my money, 不過呢D唔係signature款應該冇乜可能

後生著皮鞋一樣咁打

我自己都係半價個時入手

Agree. 腳得一對，對佢好D

我相信呢到好多師兄都30+，包括我自己，亦都知大家一定有高峰過。
但要面對嘅現實係年紀唔細，身體機能下降，冇長期訓練，肌肉力量冇當年咁強，復原力冇當年咁快，體重都比當年重好多。

適合嘅裝備同改變打法係必需，大家都愛呢項運動先打到咁耐。

而前著aj1打足一日都冇事同而家著來行鞋都腳就知自己有幾大分別

完全理解, 我N3XT開始買adidas籃球鞋就覺得好奇怪, 都唔明佢地班友個腦係咪裝屎, 唔怪得業績差啦

都係大陸鞋評, 比起佢我反而唔鍾意睇極客個老細

D鞋評好多都over左
極客果條肥叔好多時都亂黎 下下都咁扭對鞋 扭得郁既直接話係垃圾鞋 唔知佢想點
著鞋好睇腳型 佢典型肥厚橫腳 咁佢好心就試返闊腳鞋款 試kd長扁型黎俾佢屌？
呢d都係睇下算
佢地一味推對鞋既性能 無可否認對鞋好重要 但好似忽略左自身既訓練 與其揀對好強既鞋 不如練下小腿肌肉 平體感覺 起碼著唔同鞋去運動果陣都有反d保護

Boost我覺得麻麻地 太重了 著過harden 1 2 都好覺好重
Nike 貴鞋麻麻地 反而幾百蚊平果堆會有驚喜 球星支線仲好鞋

weartester 幾好睇，條友年紀同我差唔多，所以佢講嘅舊鞋我都識，而又真係會操下對鞋，球技又okay，同埋佢同老婆啲互動好好笑

sole brother我都唔知佢地做乜撚, 已click[不再顯示此專頁]
Wear tester 已訂閱俾like! 球技唔錯有功架

紅黑色個對AJ34 PF, 死等爛等等佢減價, 今日落左架...

weartester 唔錯，係比分鬆手左D，好多鞋都有5個人仔，係真係垃圾先6th man / Bench 佢好多鞋款都有，新舊都有，仲有D新款都test得好快