[講故台][我全都要？] 為咗報仇，我開始玩tinder 2

吊高你媽過海！quote 文撚

係咪嫌自己老母菊花太窄

文呀

crystal臨上樓嘅時候捉起咗我隻手一下，然之後hold住喺空中兩三秒，同我講：

「今晚多謝你，俾啲時間我…」

我唔完全知道佢講咩，亦唔太知道佢係咪叫我俾啲時間佢，所以我剩係嗯咗一聲就走咗。

返到屋企之後，我決定過J鋒到屌佢一獲金，vebally。

「知喇知喇…知你想講咩啦…係我衰囉…我而家都知衰啦…」J鋒講。

「咁你真係抵屌呀嘛，咁多個唔嗌係要嗌crystal？」

「我嗰刻剩係諗起佢…同埋…」

「同埋咩？你講吖！」

「同埋…佢靚囉…」

「你真係無其他任何一個ex靚過佢咩？」我再三追問。

「咁…差唔多都有嘅…不過…」

「又不過啲咩？」

「我諗只要我嗌…有好多都會即刻扑出嚟…但如果我嗌其他嘅話…一定會纏住我纏好耐…」

「你個人渣…」我為crystal感到深深不忿…

「你咁著緊佢…真係鍾意咗人呀？」J鋒問返我。

「屌，話晒一場朋友…」

「真係朋友咁簡單…？」

「係。」

「crystal幾好架…不如你試下放低阿欣，諗下佢？」J鋒講。

「夠喇，咪撚再講。我返過去喇。」

「我都想佢幸福…真心…」J鋒最後講完呢句我就走咗。

正正係因為佢呢句，先令我更加無名火起。

你明明真心想crystal幸福，點解唔可以由你去帶幸福俾佢？

點解要假手於人？

我好嬲，唔知點解好嬲，自從開始玩tinder之後成個人生亂晒，明明做個毒撚安份守己孤獨一世咁咪幾好，乜叉都唔使煩…

不過慶幸嘅係，識咗肥婆…

都係搵佢傾下偈，肥婆一定搵到方法開解我。

「下？咁過份都有？」肥婆聽完之後同我同仇敵愾遣責J鋒。
「咪係囉，我見佢嘅神情語氣，佢真心係想crystal幸福，但偏偏要做出一啲傷害佢嘅事…」
「唔…其實有時候，正正係因為唔愛先可以真心祝人幸福，唔係咩？」肥婆講。
「點解咁講？」
「我問返你吖，你會唔會祝你表白衰咗嗰個女仔幸福？」
「…就算講出口都係大話…」我講，因為我實在無辦法接受阿欣同第二個人一齊，而我仲要祝福佢。
「咪係囉，咁即係證明你仲未放得低囉。如果鍾意一個人，就梗係想佔有架啦。」肥婆講。
「你都係？」我問。
「我都係。」肥婆答。
「咁…如果佔有唔到，你會點…？」我問。
「如果佔有唔到，咪放手囉…但你老死個case又唔同，佢可以佔有但唔去佔有，反而係祝福，咁唯一一個解釋，就只係已經唔愛。」肥婆講。
「但我想佢兩個都幸福…」
「唔通…你口中所講俾你老死叫出去嗰個，就係上次你同我出街嗌埋嗰個女仔…？」
「…你講crystal？係呀就係佢…」我講。
「哦…咁…你早啲抖啦，而家都夜…」
「嗯…咁夜都仲搵你傾咗咁耐，唔好意思…」
「ok la haha…」
「咁你都早啲抖。」
「88～」

結束同肥婆嘅對話之後，我收到一個陌生電話嘅whatsapp…

「喂phillip，聽晚出嚟飲杯嘢？」
「你係？」
「kelly呀。」
「做咩無啦啦搵我？」
「搵人要理由嘅咩？咁你出唔出吖？剩係我同你。」kelly講。

我實在唔知道呢個kelly咩葫蘆賣咩藥，不過要利用crystal先挫到佢地銳氣，我始終個心有條刺，所以都係決定赴會。

「好，時間地點？」
「夜晚八點，銅鑼灣。」

琴晚kelly鬧得我好啱

literally!

肥婆應該放下心頭大石
Crystal 繼續收兵，飛少成個李克勤個C3PO

佢似呻醋，即刻話夜唔傾

飛婆都話中意一個人就會想佔有佢
所以上次三個出街咪

肥婆

飛少做緊將Crystal打碎咗嘅心痴返嘅角色
但係同時肥婆又想擁有咗飛少
diu 要前世做咗幾多好事先可以咁

肥婆一定係嬲左啦
飛少個人永遠啲思想都係咁on99

見到飛少話但我想佢地兩個都幸福呢句
好似將 crystal 同 阿欣 已經放左係同一類既人，就係個心鐘意但係覺得唔會一齊既人
肥婆見到呢句知道飛少心入面有太多人所以sad左，阿欣佢一向知，但估唔到仲有個crystal，仲要原來係佢心入面係有一定地位

新讀者lm早咗入嚟

現實主角應該已經沉左crystal船

屌早左入嚟

差唔多完故喇喎都叫早咗

大概仲有兩個星期....掛

咁快完？！
會唔會有外傳呀