[講故台][我全都要？] 為咗報仇，我開始玩tinder 2

男豬 on9

On99

diu 飛少係咪傻嫁

真係忍唔住留言飛少點解咁蠢 唔抵幫
肥婆睇得出冇單獨同飛少出街咁熱情
唔好恰肥婆啦佢讓位比crystal同飛少一齊坐就知佢覺得自己係多餘嗰個

文呀～

在線上。。。。幾點有得睇呢？

我實在係無諗過事情會發生到咁，理想與現實嘅落差竟然會咁大。

我仲以為以肥婆咁開朗嘅性格，以crystal咁就得人嘅特質，佢地相遇一定會好夾。

點知真係夾，不過係夾咗我喺中間嗰隻夾。

睇完戲之後，crystal就一路都無出聲，肥婆亦都好似悶悶不樂咁，我完全唔知自己做錯乜撚要受呢種折磨。

明明當初J鋒介紹佢啲fd俾我識嗰陣我地都好快混熟，同樣地當我介紹肥西俾J鋒認識嗰陣佢地亦都好快混熟…

媽呀，點解結果唔係我諗咁樣？

「我地一陣去邊…？」我望一望手機時間，猶豫緊好唔好三個人食埋晚飯先散場。

但啱啱先睇完場戲，而家先四點零…要等幾耐先到今晚…？

如果就咁解散各自返屋企，又會唔會搞到好似不歡而散咁…？

我諗嚟諗去都諗唔到一個好方法去處理呢個困境…

到底有咩活動係適合三個人做又可以炒熱氣氛？我完全諗唔撚到…

「不如去cafe坐低飲杯嘢？」肥婆提議。

「好呀！你覺得呢？」我問crystal。

「嗯…」佢答。

唉…到底呢種氣氛可唔可以緩和少少…呢個時候如果鳩噏之鬼肥西喺度就好…

不過最怕撞到佢嘅同時又撞到阿欣，我仲未做好心理準備…

我地三人行穿過銅鑼灣嘅大街小巷，不得不說，肥婆同crystal都係屬於有人䀹嗰種女仔，crystal眉清目秀，成個人散發出一種清新氣息，而肥婆雖然無crystal咁靚，但減肥之後身上嘅肉適度分佈，胸前偉大，亦引嚟唔少途人目光。

當然三個人入面最注目嘅一定係我，因為以我呢種毒撚嘅質素嚟講身邊有兩個咁嘅女仔簡直係匪夷所思，我諗有唔少人迎面行嚟嘅時候一定會諗我到底前世做咗咩好事可以一拖二…

但實質上，我感覺自己只係處於一個修羅場…

我地行到英光大廈嘅時候，crystal無啦啦講：

「不如上去打機啦…？」

「下？呃…呀…咁…lily你有冇打開機…？」我問。

「無呀…不過我無所謂架，睇你地打都得架。」肥婆講。

屌…又拋返個波俾我…

揀打機，定揀去cafe…

揀肥婆，定揀crystal…

正當我苦無對策嘅時候，竟然喺垃圾筒側邊見到一個熟悉嘅身影…！

凌亂嘅頭髮，唏噓嘅鬚根…

無錯，就係令我墮入傳銷陷阱嘅的士佬…！

估唔到會喺的士以外嘅地方撞返佢…我竟然有一瞬間希望的士佬可以幫我逃離眼前嘅窘境…不過我諗佢應該唔認得我…

見到的士佬，不其然就諗返起嗰陣佢車我去搵crystal嘅時候講嘅嗰番說話…

「買定離手呀！咁撚多條女，你會後悔架！」

明明crystal同肥婆都只係我朋友，但唔知點解，我覺得佢講中咗…

的士佬一路煲煙一路望嚟望去，唔知係咪又想搵人買花…

唉…都係嗱嗱臨上網吧避開佢…廢鬼事煩…

「咁…打機啦不如…時間好似過得快啲…」

「好呀～」crystal笑返。

肥婆微笑不語。

無事嘅無事嘅…

就喺行入大廈嘅一瞬間，有人拍咗拍我膊頭。

擰轉身一望，係的士佬。

肥婆

肥婆唔好輸比crystal

直覺兩個女仔暗自同對方比較緊

.....樓主玩野

肥婆我撐你

的士佬一定爆男豬之前買花 問佢送咗俾邊個
男豬無啦無啦

的士佬一齊打機

Molamola 肥婆要變condom啦

媾的士佬算啦

微笑不語

咁短架 想繼續睇

的士佬會點好想知

好想知的士佬今次sell乜

我覺得的士佬會話男豬一紮花溝到兩條女咁犀利
然後尷尬氣氛又創歷史高位

的士佬無處不在

的士佬好波
你地上去先