[正視聽] 大家可唔可以正視夾公仔機單野 唔好淨係食花生

而家黃到金嘅大J比人攻擊
點會有人可以視若無睹
保護自己人都叫無聊
係唔係想冇曬同路人敢企出嚟

可能之前係柒過
但今次大J為我哋發聲
先會咁一呼百應

唔好盲反大J因人廢言

啱
一個場有一百部機啲人會玩得曬咩
梗係越少越好
當得一部機 啲客自自然會排隊玩(只係誇張例子 明就得)
你開間食肆 唔通又會想搵一大堆競爭對手
開係一堆其他食肆之間咩

食左沙律未
佢阿哥間藍店又幫襯左未

食沙律嘅信就信
唔信就唔信
而且我都話
一件事還一件事
大J作為黃YouTuber有事我地就要攬
何況佢今次有道理

你想講沙律我就同你講
so far未見有份夾沙律嘅家長有出嚟話唔信要攞返啲錢
唔通食完沙律仲要寫個賽後報告？ 咁之後啲人點食？

血統論就仲on9
用屋企人嚟鬥黃
唔知你係全屋黃咁好定係冇屋企人
點可以以一個人嘅家人去否定佢
https://youtu.be/aOrfK3jrKUc
唔通你又會話中大狗仔義士(原諒我咁形容)又係藍
應該不獲得信任

唔好盲反大J

狠人岩岩先買完玩具車
喱種討論冇意思

P牌推唔郁喎ching

in 大j we trust
一世都要支持大j

大J有pt
夾公仔9成8都係投資騙局 中伏只怪自己on9
成個玩法都係場主沾台主便宜
d台主就喺極唔有利既環境同場主簽租
租費又離晒譜咁貴 咁都落疊真心低能

呢個真
覺得太多人因為自己對大J 個人感受而變左對人唔對事
如果真係有問題 無論邊個點出黎都應該好好研究下
而唔係單人笑9大J而唔講成件事

而家大家都係想呢個不義嘅行業收皮/改善
我理得係大J講先定係林鄭講先
完全唔關咩撐大J反史萊姆事

見到個post即刻有人嚟spin
睇嚟夾公仔機單嘢真係牽連到好多人

係連登仲會因為覺得大J黃
而去理下件事

但出到去嘅所謂持平youtube到一睇
基本上成班都係同一個圈子圍屌大J
而受眾都好少理大J係咪黃
反而會話佢私怨搵野嘈
甚至黃圈內鬥多

但大丁話自己無講過夾公仔=層壓式推銷
睇返youtube佢條片有個留言

我都睇唔過眼班夾公仔機，係咁昆d水魚比錢佢地

上當嘅台主固之然低能啦
但係唔通眼白白睇住更多人上當咩
而家係有班場主試圖將成件事包裝到好似開善堂咁
場主手法可能冇問題
但係隱瞞箇中風險又係咪合理呢？
而家啲借貸廣告都要加句借錢梗要還啦
我覺得大家應該發大件事嚟向公眾宣揚下夾公仔機嘅黑暗內幕
就算佢哋冇犯法都銖

好老實講，唔計屎萊姆
我信公仔圈一定有真黃嘅
所以個問題唔係黃藍之爭

而家啲黃台主（如有）嘅情況先係最大獲
一係就扑盡咁搵少少錢，但俾場主食夾棍
一係就每月蝕幾千
再唔係就唔覺意犯左法

要撐台主唔係更加應該關注件事咩
所以根本有心抹黑/唔認嘅
都係啲仆街身有屎唔想俾人斷米路

push

有
明顯佢係想講但又戴晒頭盔
可能搵唔到證據啦

但打完稻草人後成班台主就出晒來自爆
根本場主就食水極深
台主介紹朋友亦都係有收中介費

而家已經唔係講緊撐大J
而係一個社會議題
只係個社會議題同好多youtuber有關

有真黃做夾公仔機唔出奇
始終呢啲財技嘢唔係個個都明白發生緊咩事
咪當係一個機會去審視下自己做嘅嘢係啱定錯
而唔係學叻狗咁我唔知喎我睇唔到

君子有所為有所不為
唔通你係黃嘅我就要包容你去胡作非為咩
但如果你肯迷途知返去改善呢一個行業
大家不知幾開心啊

唔太熟行情，想請教下點樣分層壓式同分租？

Push