[極限挑戰]用10日獨遊半個日本

架車chok chok下又黑
部廢機影唔到
火車啲相你放大黎睇都係鬆郁濛

夜巴係平不過不了

上左車之後4粒鐘流流長有乜做呢
答案就係食餐喇
三文魚飯團，正常味道


係頭先東京站嗰間駅弁屋祭可以買到全國JR大部分既火車便當
呢個係ひっぱりだこ飯，西明石站章魚飯便當
好多blogger都話呢個必食所以就買黎試
首先個樽外型好得意食完專登洗乾淨拎番香港
入面就係章魚腳同啲野菜鋪係醋飯上面
平時食章魚燒啲章魚基本上係咬唔開
呢隻腳係咬得開兼且係好Q彈
味道甜甜地，配埋醋飯食好開胃
同埋飯面都幾多菇同菜
呢幾日冇乜點食過菜，呢餐補番





到達仙台，落左一半人


食第二餐
因為呢幾日運動量充足，點食都唔會肥
牛肉どまん中 + うなぎどまん中
駅選便當排名三甲
左邊嗰個係米澤牛便當
個汁煮到啲牛肉同肉碎甜甜地又好香
加埋飯食一流，凍食都好食
右邊鰻魚飯，正常味道冇驚喜
有鰻魚汁可以自己加




食完冇野做周圍睇



穿過青函隧道，到達北海道
日本本土四島到達成就達成



落車，轉はこだてライナー去函館




預告
快閃函館18小時

咁搭法唔用pass要幾錢

東京去函館 ¥23760

仲貴過搭飛機
不過其實幾好搭

咁點解仲要搵地方住
喺車嘅時間分分鐘仲多過酒店

JR加價都係因為我

張pass依家係咪仲係三萬嘅yen
都唔知係因為搭得多先買依張pass定係買咗全國pass先特登去遠啲

葡萄但加$10800都係訓3人房如果係我我會唔加

我點解咁樣玩其實有少少關酒店事
長駐東京一個人酒店都幾唔抵
始終大城市係貴啲
我有張外掛卡可以周圍去
去啲遠少少既地方又唔駛補錢
一黎酒店平
二黎駛費唔貴
三黎又少啲遊客
玩都玩得開心啲

加左價，而家33610yen, 貴左港紙百幾蚊姐
我係後者
咁貴唔搭遠啲就蝕
仲要下下特急新幹線節省時間

其實都有10幾分鐘俾你轉車
慢慢行都得


單門


道南Area路線圖



15分鐘就到函館
對呢個地方第一個感覺係：好撚凍
天氣晴朗但係啲風係凍到入骨
要拎番件blocktech出黎著



站前面就係市電站
去五稜郭公園前落車
點解我唔行路？
第一，成3.4公里，google教都要行40分鐘
第二，沿途人太少，好驚中間俾人打劫



講起搭車IC card又係一個學問
日本每一個地方都有唔同既IC card
JR西日本為首有ICOCA
JR東日本為首有SUICA
關東私鐵為首有PASMO
........
但係每種IC card以前只可以係自己地頭用
係佢地加人左個交通IC card聯盟度之後先開始跨區互通
到呢一刻為止，日本都仲有唔少IC card係未加入聯盟

函館市電係用九州西日本鉄道為首既nimoca
已經加入左聯盟
所以你用番常用既ICOCA/SUICA/PASMO上車落車拍卡俾錢就得



一落車就有標示教你點行去


3層樓無印佢夠唔夠生意架


行左10分鐘就會見到五稜郭塔
可以高空望到五稜郭



隔離就係我陣間食飯既地方


買飛先，900yen都唔平
有姐姐揸lift搭上去觀景台
個姐姐都幾靚女，不過冇圖



以下多圖少字







有個位望穿地板


黎到北海道梗係屌番杯雪糕啦
嘩你又話陣間食飯...
杯野都幾香濃，但係冇乜驚喜
食過CREMIA好難返轉頭


hea完落番去，有餐廳同coffee shop
下面有手信舖同大量空位

行去隔離食飯（本日第4餐）
あじさい 本店 [Tabelog評分: 3.69]
唔駛驚口叫餐，因為禁機仔，有得轉中文




買完飛店員會帶你入座
好多辣調味料，正


招牌菜 - 味彩塩拉麺 (750 yen)
鹽味拉麵並唔係指鹽加水既湯底咁簡單
而係用豬骨/雞/牛骨/菜熬煮湯底上加上調味
加鹽就係鹽味拉麵，加醬油就係醬油拉麵
之前係神戶食既鹽味拉麵係用牛骨做做底
但呢碗鹽味拉麵個湯底有啲複雜
湯底第一啖飲落去好似鹽水咁
但係吞落去之後喉嚨好舒服
有一陣淡淡既雞清湯味
但係好似仲啲野係度令到個味留係個口好耐都唔散
肉同荀就正常，面頭有舊麵筋俾你吸湯
麵質好彈牙爽口，配埋個湯底好夾
蛋就熟蛋，少少溜心會更好




之後行番去市電站搭車返酒店checkin
函館市電其實有2條線
個分叉點係十字街，其他地方共用路軌
末広町離酒店近啲，但個站係分叉點後面
所以見到架車唔係嗰條線都就上
係十字街落，橫掂都係早1個站



一落車就見到坂本san

東京-函館要4個半鐘仲耐過香港飛東京，本人真係頂唔順
我係東京-函館嗰次先在仙台住一晚，再上函館

樓主係度計自己搭左幾多錢車 慳左幾多錢 有點無謂
同埋遊記最重要係靚相 樓主似鳩影又無執相
整體感覺鳩行多 深度野好少

BTW 樓主加油

行去酒中間望上去就係函館山，陣間會去


前面就係今晚住既地方
THE SE HOTELS HakoBA Hakodate
住下格床，200蚊晚
因為呢間酒店太遲訂，個價貴左
獨立房已經冇哂單人







床尾有個密碼鎖


之行左上酒店天台，包哂成層睇海景


酒店隔離就係金森紅磚倉庫，冇乜人
雖然都幾多舖頭行





泡芙


小丑漢堡，函館名物之一
今晚食佢，因為佢好夜先收舖


得函館地區先有既便利店
ハセガワストア
出產另一個函館名物 - 串燒便當
佢招牌大大個俾你睇到


有張紙俾你mark低要乜野餐，要乜野汁
可以有飯底可以就咁食串燒
交俾個店員就得，之後俾錢等拎



佢係即燒既，所以特別香



之後都係行番去酒店天台開餐


泡芙，因為都買左一段時間
啲cream既texture啱啱好
望住個海景特別好食



便當開箱，豬肉串便當
用辣醬汁調味，豬肉好有肉味
烤得好香口，可以一試



天台都有廚房，可以自己DIY

食完hea左陣就去函館山睇夜景
會經過函館最出名既斜坡
係上面影番落去會好似延伸出去海邊咁
好多人影相，想搵個時間影張人既都難





去函館山直接既方法就係纜車
今次我用纜車上，巴士落
所以買單程飛






而家近黃昏，開始多上去
但其實只係夏天時間既5點半


之後就慢慢咁上山











上到函館山，開始日落




睇定巴士幾點開先



之後行入展望台買左支奶
霸定個靚位睇夜景

我去嗰年東京-函館仲未通車 要搭3個半鐘去青森 再搭成兩個鐘先到函館

係外國坐慣8-10粒鐘車程去玩 所以還好

冇去五稜郭？