[極限挑戰]用10日獨遊半個日本

未打字就出哂圖

電巴捐山窿


落車
可以俾你揀行落60級去壩頂
或者上220級去觀景台
梗撚係跑上去啦



跑跑下有啲頭痛
唔記得左都有番咁上下高度唔夠氧



係上面望番去個壩度都幾靚
如果天氣好會更靚
山上面啲霧都仲係好濛




側邊有樓梯沿住檔土牆邊落番去個壩度
但係好跣，揸扶手隻手結冰咁滯




行到落黎，又要行幾百米搭車




啲霧開始散，水庫啲水越黎越清


又要走去等車



行去個站度，要將JR張飛show俾office睇
佢會釘張單程飛落去
之後啲車站人員剩係會係呢張野cup印



排隊要分個人隊同團體隊
有個台灣團打尖搞到要等20分鐘後嗰班
同埋條隊已經排到出門口
唔敢想像遲過9點班人要排幾耐



衝呀，第三種交通工具 - 黑部登山纜車





一落車，行去前面等第四種交通工具 - 立山架空索道


越上越大霧，好驚會唔會頭先電咁樣樣




望番後面，水庫啲水藍好似假既咁



第五種交通工具 - 立山隧道無軌電車
搭完就會上到立山雪壁 - 室堂站

LM 先

6點係松本出發
中間keep住冇乜點miss啲車
上到室堂都已經10點
去上高地好似都唔駛咁耐

呢間立山そば上網睇評價麻麻


係雪呀


沿住條路行就得





佢話呢度3度
但其實我著住件heattech+blocktech就夠暖



有啲人相反方向係富山過黎
2個幾鐘就到
係松本過黎要4個鐘，長野過黎5個鐘


行到最盡就係呢個位，下面剩係俾車行



行番番去lu










本身想行上去みくりが池
但係發覺向上行全程好似雪山遇難咁
可能尋日落大雨變左落大雪
潛意識叫我唔好再行上去
所以早少少落金澤食飯
但其實都要3個鐘








12點幾上車，係第六種交通工具
因為啲人而家先上到黎
所以冇乜人走
目的地係美女平 (美女平)




好撚多人





















去到半路一個髮夾彎前
個司機會突然間叫你望出去
話遠處有條瀑布叫称名滝
仲專登係呢個位好慢咁轉彎等大家影相
但因為太遠+有霧既關係
其實都唔係好睇到

美女平站落車
轉乘第七種交通工具 - 立山登山纜車






立山黑部路線最後交通工具 - 富山地方鐡道番富山
拎番立山黑部加購票出黎
入站同落車show俾個駅員睇就得
得3分鐘俾我轉車






JR富山站，搭到落黎都2點
轉北陸新幹線去金澤




9個鐘冇食飯，落左車即刻狗衝去食lunch
麺屋大河 - Tabelog 3.71
2點幾到都要排15分鐘隊
叫完拉麵佢會俾杯好似係野菜生活既野你飲
好似係幫助消化

個赤味噌らーめん我會俾8/10
2年後我都仲記得個味
以為佢會好咸好辣
但呢個湯係濃而不咸，仲好香，辣就唔係好覺
個麵亦都好彈牙，叉燒都好嫩
如果我再去金澤我實encore




食飽行去近江町市場間酒店checkin
金沢カプセルホテル武蔵町
冇電視膠囊，180蚊
個膠囊同松本一模一樣既
評價同松本嗰間差唔多
但係個reception英文麻麻地



個翻譯


擺低野就行左ひがし茶屋街


金澤作為幕府時代既加賀藩
當年領地俸祿有百萬石（總之好撚有錢）
而叫得金澤，「金」就代表住呢個地方
所以食野都有金做裝飾

我揀左街頭金澤烏雞庵金箔雪糕
除左雪糕落左金箔粉之外仲落左烏骨雞蛋
所以唔係純白色，好香蛋味
代價係700yen一杯


另外仲有一間叫箔一，係街尾
佢成塊貼落個雪糕度
當然價錢又再貴啲
但有個唔好處係我見啲人買完諗住食既時候
就會有陣怪風吹走左半塊金箔
成杯野價值即刻減值一半
啲人呆左望住塊金箔吹走個樣

留名

本身諗住今日hea下
聽日先去後樂園同金澤城
點知俾我發現原來呢幾日係金澤百萬石祭
聽日會封哂啲交通同景點去搞巡遊
仆街了，唔怪得今日好似咁多外國遊客啦
我走嗰陣撞正啲人走咪仆街
所以我又改左個行程

Day 2 立山黑部 -> 金澤 (近江町市場，茶屋街)
Day 3 金澤 (金澤城，兼六園，21世紀美術館) -> 名古屋 (犬山城)
Day 2 立山黑部 -> 金澤 (近江町市場，茶屋街，金澤城，兼六園)
Day 3 金澤 -> 彦根城(新加) -> 名古屋 (犬山城)

好，行去兼六園先



今日係百萬石祭前夕
所以免費開放，賺左


天氣好影乜都靚
但兼六園最靚應該係有雪既時候
















咦夜晚免費開放喎，咁難得梗係要去


行左去金澤城公園
已經set好聽日個場


行番去金澤站劃聽朝指定席
傳說中既鼓門



行左陣車站商場買手信就去食飯
カレーのチャンピオン 近江町店 [Tabelog 3.26]
金澤咖喱簞食落同日本啲咖喱冇乜分別
係用兜裝咁解，味道不過不失



食完行番出街，見到有靚靚miss帶一群細路巡遊緊


行到去河邊，播住啲日本古典音樂
啲細路去左點燈，周圍過百人圍觀


折返行去兼六園
好多人湧去河邊，所以好辛苦先行到去


相機太廢周圍太黑，得呢啲相出到街




之後返酒店訓

屌東京？係咁出出入住

睇完行程都唔想去

朝早7點，走左去酒店隔離もりもり寿し 近江町店 [Tabelog: 3.67]食早餐
一入到去其實都巳經坐左十幾個客


可以係迴轉拎壽司
都可以禁pad，可以轉中英文



松葉蟹味噌湯，必叫
好重蟹味好鮮甜




火灸三文魚腩，同元氣味道差唔多


拖羅，超鮮甜入口即溶，一啲都唔腥
海鰻壽司，正常味道
唔知乜魚三點盛，本身都好彈牙好鮮甜，但係有一舊食到骨扣左分


埋單禁pad就有人過黎計數


之後走番酒店checkout
開緊既近江町市場


晨早8點幾啲人已經霸定位睇下午3點




しらさぎ56号，去米原先




好快到新快速地頭



落車，有5分鐘俾我轉車去彦根

頭幾日完全痴撚線
點解day 8唔宿輕井澤，day9 又去多次

係米原搭1個站就到彦根
係locker放低野就輕鬆玩
落車行幾百米就到彦根城





張飛係迫你可以去埋佢隔離個玄宮園
但個園太綠，冇乜特別







之後又係登高既時候
松本城係平地
彦根城，犬山城係山上面
啲梯級斜到仆街
彦根城係斜到有免費盲公竹俾你撐上去
而我呢一日就同時打2個大佬





彦根貓


天守門口唔係天守下面，係右邊一個突出黎既屋仔


現存12天守，5個國寶天守到達成就達成


第二次撞到個頭




天守頂望到琵琶湖
啲風好涼爽好舒服



有local tour，聽左一陣個城既歷史



之後行左去隔離夢京橋搵野食



千成亭有外賣可樂餅
叫左1個普通可樂餅(100yen)同1個炸絞肉餅(300yen)坐左係附近食


普通可樂餅就係薯仔+少量肉
食落有啲牛油香味，幾好食


炸絞肉餅就成舊都係近江牛肉
個餡有啲洋蔥，加埋牛肉好林好香食落喉嚨好舒服
但係個皮太厚太硬，口感差左少少


食完snack就去隔離食正餐
近江牛料理我食唔起
去左比内地鶏 ほっこりや 夢京橋本店 [Tabelog: 3.60]
我1個人去都要等半個鐘先入到座
叫左比内地鶏の親子丼 + 濃厚ブリュ


1個人包張4人枱


比内地鶏の親子丼



日本飯好食不在講
蛋汁滲哂落啲飯度但仍然食得出蛋味同飯味
啲雞完全唔係香港食新鮮雞滑雞嗰種質感
雞有雞味好彈牙，但又唔肥
原本以為啲蛋汁會搞到啲飯水溜溜
但其實啱啱好，啲飯索到哂啲精華


食完飯個pudding都未到
用啲爛日文問服務員waitress
佢話唔好意思要等多陣，好多人叫
咁我就知我叫啱了

等多左10分鐘
最後就係呢個濃厚pudding
係凍既，表面有層焦糖要敲開佢
但敲開佢之後已經聞到蛋味
另外，平時便利店買既pudding係滑捋捋震下震下咁
但呢個pudding係豆腐咁既質地，實實地好thick咁
食落口佢會慢慢舌心慢慢溶化，仲快溶過焦糖
而且食得出佢唔係落左好多糖，食得出佢個蛋味
因為個pudding，呢間野繼麵屋大河之外
成為我呢次旅程第二間會encore既餐廳



但為左呢個pudding delay左少少行程
要跑番去彦根站趕JR

work hard play hard姐
有乜野一次過試哂佢
留番第二次慢慢深度遊

一黎輕井澤1個人住都幾貴
二黎點解去兩日係因為第一日我好快咁去完
老母先叫我去睇下其他舖頭有冇野啱佢買
橫掂day9個行程諗住東京附近hea下
所以用盡張pass去2次

我係東京放低幾日行李去立山黑部同北陸
之後返東京換袋上北海道
最後3日留番係東京先group番埋一齊

唔睇行程都睇下食野
我自問揀得唔算差

上完立山仲有時間去金澤附近玩究竟係點做到？

近江牛唔食?

搭番1個站JR去米原
轉新幹線去名古屋






名古屋雖然好多locker
但係呢日係星期六，搵左幾個字先搵到空locker
之後走落名鐵ticket office買犬山城下町套票
包呢幾樣野
1,2 來回單程飛名鐵名古屋 <=> 犬山/犬山遊園站
3. 犬山城入場換票卷
4. 犬山城下町coupon (我離開犬山城下面已經收哂舖)
個駅員仲好有心機教我點樣行，幾時有特急


買完飛已經2點半，犬山城4點半最終入場
要上到14:52快特，去到犬山遊園站15:20
Google話行1.3km要18min，姐係15:40到
好彩仲有1個鐘行個城


作為一個既地區輸紐鐵路站
名鐵名古屋站都可算係痴撚線既代表之一
係東京/新宿站，雖然係多月台
但基本上睇線，總站同車種就會搵啱月台車上
係大阪站，内回大阪環狀線個月台雖然複雜
但係你睇總站同車種都會上啱車
但係名鐵名古屋站，你通通用唔到
因為佢上行下行只係各得1個月台
所有車種都會用同一個月台上客
啲車又開得密月台又有幾條隊排唔同目的地
所以要打醒12分精神睇清楚聽清楚先好上車
當日個站有delay 3-4分鐘，唔識日文分分鐘上錯車




好彩去到犬山遊園站只係delay左2分鐘
沿住河邊望住個城黎行有風好舒服



行到門口就要開始行上山




係售票處隊張換票卷轉番入場券



犬山城，日本現存天守最古老既一個
始建於15世紀




上到天守頂層，個view靚到不得了
張張都可以做wallpaper
白色流出啲水應該係附近流出既溫泉水






5個國寶城，今次去左3個




德川幕府時代領地俸祿
金澤真係過百萬石


繼續犬山城，但係搵唔到吉祥物



差唔多5點，周圍啲舖都準備收
變左死城，啲人都開始走




犬山站，搭番名古屋食飯

當年我砌左個list
確保1分鐘都唔會浪費係等車嗰度



同埋成個trip都係處於早去早回去避繁忙時間
食飯唔駛點等，景點都唔太多人
其實都ok既

睇錯用10個半獨遊日本

食左可樂餅
近江牛set太貴，起碼都要3000yen埋單仲要未必飽
呢個價位我俾左quota去食鰻魚飯，好滿足

好chur喎
我仲後悔當年無過夜

今年年頭我先試過喺名鉄名古屋諗住去犬山遊園，點知去錯月台上錯車，遲左一粒鐘先去到

[/quote]work hard play hard姐
有乜野一次過試哂佢
留番第二次慢慢深度遊
[/quote]

認同
btw我自己都幾enjoy計準時間趕車跑checkpoint嘅玩法好刺激

我覺得day2最撚chur