（基督徒入）分享一下奇蹟

小妹依家處於人生低谷，係絕望入面，生不如死，係呢一刻除左信仰，已經無野可以令自己舒服啲，好想聽下你地嘅分享，令我仲有啲希望。

係你覺得多份野依靠到姐

信仰真係令你諗嘢會正面 因為你有盼望 你有個寄託
即使你求嘅嘢 唔係即刻有 即刻實現 但係你要學會等待 期盼 總會有轉機

呢個真, 只係令你更有耐心咁等
不過有時睇番轉頭
如果果陣冇信仰我都係咁等個結果

因為做人真係絕亡，好想有野依靠

無信仰，好難捱....

推！ 人生好苦！

呢個世界冇咁多奇蹟，不過我信天無絕人之路
不如講下你有乜嘢事覺得咁灰

被分手...其實好on9...但我真係接受唔到。

試下 慢慢接觸個信仰 叫朋友帶你返下教會先 唔係話即刻要信

我有信仰呀，我信神，只不過當人係最灰心絕望時，而神又好似無工作，就會開始亂諗，所以想有同行分享下見證，令自己有希望

其實我都有同樣經歷嘅 但係自己要有信心有期盼
或者可能你想要個樣嘢得唔到 你要認真諗呢個係唔係神嘅安排同佢覺得呢個係對你最好嘅安排 你要咁去諗 因為有陣時你想要嘅嘢 未必係神覺得對你最好嘅
[

同埋去唔岩就試多幾間教會
畢竟好既教會係好難搵
我依家一番到香港既話都唔知去邊間好

我有信心同盼望，但現實環境同所祈求嘅好大出入，所以會有動搖。我想係呢件事上有祈嘅應許，我想佢成就呢件事。 我想要嘅未必係神覺得最好，但如果我堅定去祈求，神係咪會令呢件事有轉變，變成合適我？

呢刻接受唔到，痛下迷下之後慢慢就會好返
不過要時間

前兩日聽左個黑人牧師既講道精華片
佢話任何時候你向神求助
神就將你需要/能夠幫到你既野 pack 好箱寄出去
你可能即刻就會話下無 wor 無收到 wor
係，因為呢個箱你唔會知幾時送到
你亦都唔 exactly 知個箱入面有咩野
但係神已經預備左個箱、個箱已經 ship 緊黎、會黎、個箱入面既野會幫到你
呢個就係信仰

有可能係相反, 令你改變同成熟, 明白到有D野其實唔係真係適合你自己.

呢層我真係冇辦法答到你 因為我唔知上帝諗咩 如果你有期盼 你可以試下等待 或者可能都係時機未到

我信神係有預備，但等待令好痛苦... 特別係我所祈求嘅同依家所發生係相反...

等待緊.......所以想收集下大家嘅見證，令自己有多啲盼望

好痛！真係好痛！我仲信係有神嘅應許....

你可以睇下施洗約翰，神並沒有救約翰出監獄，也沒有阻止他的人頭被人因為玩樂而砍下，但亦推翻唔到神以前對佢嘅祝福，係佢身上所行嘅奇蹟。

其實最主要真係有一班同行者

繼續行就有路，係好廢話但時間係能沖淡，未必一定放低到，但一定會無咁痛苦