[家庭遊] 2019.6 九州HEA遊遊記

我覺得3日2夜都夠唔夠玩啊

DAY3 續
跟住開始BIO PARK


影下個門口


門口右邊有兩隻鸚鵡


左邊就有隻草泥馬


水豚公仔表示



感覺佢自己一個係到好LONELY


入場費盛惠2000円~呢個價錢係包埋PAW館嘅300円


PAW館由PET,ANIMAL同WORLD三隻字組成，即係入嚟呢到係玩寵物呢到唔係園區入面，所以係另外收費(即係300円)


PAW館入面有兔仔睇






佢地係任摸唔嬲同埋可以買食物餵佢地食


另外仲有天笠鼠，不過佢地會咬人所以就唔摸得


貓頭鷹同鸚鵡


另外個館中間有棵樹，啲鸚鵡同貓頭鷹都會企係樹上面


貓頭鷹眨單眼電我



另外呢隻鸚鵡係可以上手，同埋好鍾意企係人地背脊到行上行落
同埋佢仲要識開人地個袋好危險


狗同貓可能避免打交，所以係分開咗兩間房，要注意嘅係好似每兩個鐘就會有半粒鐘休息時間(唔記得有冇記錯)


呢隻老狗好鍾意係戶外個AREA到行，可能係嫌室內啲小朋友太嘈


另外有隻曬太陽嘅臘腸

貓個邊就冇去到因為我唔鍾意貓

總括嚟講呢300円係幾抵玩因為啲小動物都幾得意同埋有得任摸

待續

有一日可以全日係伊王島hea已經好滿足
不過唔知宜家有冇多嘢玩咗 可能住長啲都唔會太悶嘅

哂狗

好彩呢度冇隻畸形鴨

唔畸形囉咁得意

拜年拜到冇時間更
DAY3 續

BIO PARK真正嘅入口



跟指引行就會入去轉左上斜
係斜路隔離又見到草泥馬ssss



仲有駱駝


跟住就會去到呢個區域，可以開閘入去，入到去可以摸佢地同埋餵佢地食嘢而我唔知佢地係咩嚟


熱到頂唔順攤咗係到


伸懶腰



呢到又係自助模式，入100円就攞到糧定草去餵佢地，一見到有嘢食係手佢地就會跑過嚟



經過一條好多馬騮係頭頂嘅路之後(好核突)，就會再行N級樓梯上山
上山條路會見到水獺得佢一隻係到好LONELY


快到影唔到啊



係水獺隔嚟就有鶴


上到頂就到餵羊嘅地方



羊sssss




進擊的羊
一見到有糧就即刻伸個頭出嚟，餵羊都幾好玩，由其係感受到佢舌頭嘅觸感


跟住就到BIO PARK嘅重點水豚


浸係水到嘅水豚


係地面嘅水豚




啱啱上水嘅濕身家燕媽媽水豚



鴛鴦戲水嘅水豚
欺負單身狗


繼續浸水嘅水豚


匿埋一邊嘅水豚


熟睡嘅水豚



鍾意水豚嘅嚟呢到應該幾開心，多水豚之餘個AREA又大，唔使逼住晒係到睇
另外呢到都有得餵水豚食樹葉

待續

又有企鵝好得意
企鵝館好似幾正

去大分水族館都有企鵝睇
企鵝館抵去啊 510円入場費抵到癲

幾抵去
最想試下餵食

DAY3 續

繼續行上去會見到有間屋，打開門就會見到呢隻狐狸


話說開門入去個下嚇親佢超唔好意思


馬來獏


又係草泥馬，另外草泥馬隔離又係羊
可能因為下面都見過所以呢到少啲人餵佢地，見到有好多嘢食擺係到冇人餵


浣熊
成班好似癲咗咁企晒係到，係因為呢到都有得餵浣熊食嘢個到塊玻璃係有啲罅隙俾你放嘢食落去，所以佢地一見到你擺隻手係個邊就自動自覺走過嚟然後係到搶食正面睇嘅場面猶如屍殺列車咁


Um.....豬



Um.....同埋箭豬


斑馬


影多張斑馬先....咦點解隔離有隻奇怪嘢行過


點解斑馬同鴕鳥會擺埋一齊


近距離睇鴕鳥，話說鴕鳥肉都幾好食


對唔住啊講笑咋 唔好兇我



背光影得好辛苦啊仲要生得咁高


話說本人冇咩抽獎運，就算打機抽嘢都係非洲人
餵浣熊個到係俾100円扭蛋去買糧嘅，跟住竟然俾我抽中咗張飲品換領劵(當然都有糧係入面嘅)開頭仲以為係個個都有，但去到餵完個刻先發現原來好稀有


繼續睇動物，又係羊，今次唔同嘅係睇羊AV
冇嘢我都係走先，唔想俾羊燒春袋


跟住係袋鼠，又係有得入去同袋鼠玩，但係個陣大家心入面都覺得開門入去個下會俾袋鼠衝過嚟踢死，所以最後隔住個欄影張相就走
(但明明我去神戶動物王國又唔驚)



河馬

BIO PARK係幾抵玩嘅一個地方，地方大之餘又多唔同動物種類睇，同埋多餵同摸動物嘅機會，係成個動物園要行上行落會有啲攰不過唔方便始終係一大問題，唔係自駕遊嘅話好似要BOOK SHUTTLE BUS坐
不過呢個動物園都係排TOP3，第一係神戶動物王國，第二係BIO PARK，第三我會排係東京嘅多摩動物公園

待續

飲starbucks 吊你

我咪講咗個時仲飲得囉
我6月頭去㗎 睇下字啦
伍淑清放棄年輕人係幾時嘅事啊

DAY3 續
去完BIO PARK就揸車直奔蟹御殿

等搞入住手續個陣會有嘢食


LOBBY個層望出去嘅景


我呢次就住係最底個層(都係地面)，呢層嘅房特別之處就係有私人風呂不過始終前一日伊王島太新淨，搞到覺得呢到好殘好舊



望出去嘅VIEW不過夜晚浸個陣成日凝住有嘢望住我


因為已經遲咗啲到，所以拿拿聲上餐廳食晚餐






Um前菜掛應該係


蟹御殿當然要食蟹(?)
不過我本人麻麻地食蟹嫌麻煩


燒肉





甜品


話說係甜品前係有個釜飯食嘅不過前面食好多嘢飽飽地所以有剩，然後啲姨姨好好咁會幫你整做飯糰俾你帶走食於是呢個就做咗我宵夜

夜晚係房到浸多陣溫泉就訓
不過話說可能間嘢始終有咁上下歷史，所以啲插頭位係唔係幾夠對於一家人嚟講係有啲麻煩(個晚最後啲電話尿袋擺晒係唔同角落到差電)

DAY3完

樓主都住得好豪下

跟屋企就豪啲
自己一個去住平酒店

日本d野食真好精緻 好吸引

DAY4

第二朝起身就去食早餐
淨係記得條魚好多骨


另外仲有蒸蛋


發現原來後面張枱個VIEW好正(我個張枱係牆嚟)


跟住就上咗LOBBY個層戶外個AREA到坐



落去浸番ROUND風呂就閃



臨走先影下間酒店


第一個景點就係去大魚神社海中鳥居



不過潮退



但好處係可以行出去(?)


天氣好就係求其影張相都靚


之後就去祐德稻荷神社



首先行過條橋


神社隔離條商店街
淨係記得有鯉魚食


呢個殿好似要俾錢入


神社入口






再行多條橋就到神社正門
另外正門有得買魚糧餵橋下面啲鯉魚嚟呢到我淨係覺得餵魚好好玩


正門


呢到影相係幾靚



神社入面


啱啱轉年號所以周圍都會有令和呢兩隻字


有一PART係要行樓梯上去，因為我啊媽唔行得樓梯，所以本身見有𨋢就諗住搭上去



點知行過去睇發現要300円一次雖然用嚟做保養維修都差唔多價，但既然要錢就唔上去了

待續

Lm

推

你岩
依家唔飲就得

DAY4 續

行完神社就揸車直奔佐賀


是日午餐：餃子會館
我唔係好記得本身係諗住食呢間，定係因為見到間西松屋先揀呢間食


入到去見到佢舖頭個MENU好多嘢揀仲好苦惱，但點知個店員行埋嚟俾MENU先發現原來得幾樣嘢揀
嚟餃子會館緊係要食嘅餃子，係好食嘅，熱辣辣係唔錯



除咗餃子就係得拉麵，得叉燒同豬排兩款揀，都係餃子好食啲不過淨食餃子又唔夠飽
另外啲豬排浸到淋晒


跟住就去武雄神社


行上去神社條斜路到有個迷你鳥居，用嚟擋住唔俾車入(冇錯隻八哥公仔係我嘅)


神社





咁熱衷去神社純粹係因為屋企人鍾意簽朱印我本人係冇興趣


跟住係神社後面就有條神秘小徑


一路向上行


就係要嚟影呢棵樹


同個牌影個合照



3000年樹齡





行返去先發現到嘅繡球花



係神社到9影下風景，其實呢到已經睇到武雄圖書館



雖然肉眼都睇到，但都係揸車過去
對於一個唔識日文又唔係日本住嘅人嚟講，嚟呢到真係冇咩嘢做，不過呢間圖書館個設計好特別同埋好靚個種用色同燈光都好適合俾你慢慢睇書，唔似香港個啲用白光

跟住就去圖書館隔離嘅YOUME TOWN買今晚晚餐要食嘅嘢，然後直奔去糸島

待續

DAY4 續
糸島就住AIRBNB，揀咗間好入好入，係鹽廠隔離
糸島のとき
3749 Shimakeya, Itoshima, Fukuoka 819-1335日本
https://maps.app.goo.gl/1TZ9bngeUbuPzBEc7



出面有大大個AREA俾你BBQ


另外仲可以望住個靚景沖涼


不過除咗個廁所之外其他地方都唔係好新淨咁但勝在佢個位置夠靜同埋間嘢夠大



當初揀呢間就係因為個景




越夜個景越靚


住BNB嘅好處就係可以買返去整嚟食
首先有刺身



然後有BBQ爐當然係到BBQ
買咗幾PACK肉不停燒
燒肉燒海鮮


最後食生果

係呢到住真係幾歎係到住番幾晚真係好似避世咁

DAY4完

睇住依D景hea下真係好舒服