我諗唔少人都係覺得打唔贏(裝備差距、真勇武唔夠多),你地上網見到啲振奮或者「好靚」既畫面我地係真正冒住冇咗條命既危險換番黎。
真勇武人數問題,始終仲係太多和理非,大家勇武以前都試過做和理非,但依半年時間仲未由和理非轉勇武既話,我諗都冇乜可能再會有大量和理非轉職勇武。(元旦我行紅海同其他人反應都係:下,咁依班拍手掌既人就唔會去前邊?)
冇咗陣地戰、主張打地下裝修,少咗好多加入勇武既機會,同埋啲冇隊既勇武冇出場機會。再加上勇武唔少受傷、被捕、甚至有啲失蹤咗,勇武慢慢減少緊,但冇途徑增加。
另外風氣問題,之前捉鬼有唔少隊退場唔係全部都假,仲有而家話影藍店食客大頭,唔少勇武都表示:叫你上前線打狗就CC縮縮,而家影人相就爭住做,根本冇對准個敵人,令唔少勇武都有啲灰心同心諗做乜鳩。
成日話全民勇武,但最後都係將希望放喺少數既勇武身上,而唔係諗點樣自己都上到前線,我諗缺少依個覺悟係而家最大既問題。唔該記住,勇武都有自己既美好前途、家庭同愛既人,唔好咁自私當我地真係冇嘢輸,我識好多人已經冇咗前途、冇咗份工。
依個回覆咁後我都唔預好多人睇到,但係真係唔少勇武既諗法