我知大家都因為想香港有更好嘅未來 而寧願選擇捐錢比星火等。但係而家澳洲嘅環境其實都極度嚴重 一場大火令到接近5億隻動物死亡實會有人話「香港而家人都未救到 仲去理啲動物」呢句說話其實完全冇錯 香港而家有咁多手足被濫用暴力 仲有咁多「冇可疑」案件 的確係令人憤怒 而大家都會想損錢幫咗自己人先 呢個想法亦都十分正常同正確。但係我希望我哋幫自己人嘅同時亦都可以幫下同埋關注下係澳洲嘅人同動物 。佢哋家園被毁 咩都冇晒 甚至連生存嘅權利都比呢場大火剝奪 我見到留言成日將香港而家嘅情況 同埋澳洲發生緊嘅情況混埋一齊討論 而最後得出嘅結論就係幫左自己人先。我想帶出嘅係 呢兩件事其實都係一件冇得比較話邊個慘啲嘅悲劇 一邊係為咗人權 一邊為咗生存 兩樣都係極其重要嘅嘢。對於嗰啲話「大把其他國家嘅人同埋啲偽人捐錢畀佢哋咪夠」我想講資金永遠唔會嫌多 你嘅幫忙只會令救援同災後處理更好 如果用返嗰個邏輯去諗 咁我哋駛乜對其他咁多唔同國家做文宣 我哋有幾個大國支持咪得。我大致想講嘅就係咁多 我唔介意俾人話左膠大愛撚 只係希望想專注幫返香港嘅人都可以關注澳洲就而家發生嘅事
下面係少部份嘅圖片 如果引起不安 我想講聲唔好意思先
———————————————————————
如果想捐款可以透過以下網址：
www.cfa.vic.gov.au
www.givit.org.au
www.cfsfoundation.org.au
www.redcross.org.au
www.koalahospital.org.au
想留返啲錢捐比星火嗰啲亦都可以：
對外宣傳文宣嗰陣時 加多張澳洲大火嘅圖或字 引起更多人關注
感謝你地耐心睇晒成篇野
光復香港，
時代革命！
