今日終於有時間係油麻地間百老匯睇完, 都幾坐滿晒人咁濟
套動畫我覺得幾好睇,無咩悶場, 由一開始輕鬆帶少少搞笑既盲婚啞嫁開始, 去到中期開始俾美軍攻打, 跟住炸死埋晴美同埋炸斷咗鈴隻右手, 都幾緊湊, 愛情親情都表達得好好,徑子一開始以為佢係D惡毒8婆, 但係去到後面都洗白左, 又幫啊鈴手, 但又要強忍喪女之痛, 都有少少sad, 可能因為我幾鍾意二戰既歷史,所以我覺得呢套幾好睇, 另外每次俾美軍襲擊, 炸爛晒D建築物, 家人分離, 就算入左防空洞都要驚被炸死既個種害怕, 令我愈睇愈覺得打仗係對平民百姓既懲罰