[劇透] KNIVES OUT 《神探白朗：福比利大宅謀殺案》劇情討論

我都係靠碌ig個陣先睇到預告仲要成幾個月前左右
都無留意佢幾時上
不過唔太重查案feel

有個位唔係幾明，朗森調轉咗兩樽藥，諗住女主會打錯藥殺咗爺爺，但係女主又咁啱調轉咗兩樽藥嚟打，所以即係冇打錯，去到呢到我仲理解到，但係貼label紙嗰到即係點？女主話其實佢分得出兩樽藥，因為嗰兩樽藥仔細睇其實係有少少分別，呢到又係咩意思？

好似兩樽藥顏色有些少分別.
女主角依照自己工作經驗去用藥,即係藥顏色分別.
所以無用錯藥.但佢一望標誌以為自己錯左!

呢個我明，問題係咁對劇情有咩影響？

1) 即係根本佢就不用自殺,去包庇女主角.
因為佢根本不會死.
所以個神探最後話成件事係一件誤會做成悲劇.
(故事真實既真相)

2)本身兇手,想將責任家禍給女主角, 全家分家產.
因為女主角係兇手. 遺囑就不能成立.
睇完報告,知道衰左.
所以要改變戰略維護女主角.(對故事影響)

可能係導演都睇唔撚通個集星戰劇本

要做到搞笑得嚟又keep到懸疑同有張力其實好難
呢套戲平衡得好好

咁白朗搣label紙嗰幕係咩意思？係咪朗森喺葬禮期間重返凶案現場貼上去嘅？如果係嘅，點解朗森要咁做？

頭段無耐就講左係邊個殺既一路諗緊套戲到底會點完同講啲乜（基於已經邊個做）
後黎開始都估到呢啲劇情實係幕後再有人加估到會係邊個
加太嫲（認錯人）個幕開頭會被誤導左 但好快就會估到咩事
不過我本身諗住係查案味重啲個種

不過大頭個陣影到佢啲肉都鬆鬆地了

好典型既一個對比 唔講搵唔搵佢黎做呢個角色
如果呢個角色由美國人做會好普通feel

即係你覺得人地美國演員絕大部分會好似香港咁 唔肯做啲得幾幕鏡頭戲份既電影？
咪玩啦人地專業好撚多架 ..

Blanc試下俾錯label俾女護分藥黎證明佢靠色唔靠label
Roson番兇案現場諗住擺番個antidote入番袋點知俾管家見到
有錯請指正

會唔會好難明？

咪就係令佢一路佢以為自己誤殺左阿伯
繼而當佢講出黎俾隊長知個陣令佢再諗計一路推女主度
你諗下隊長知道佢掉轉左黎射 即係知道佢根本無take到野 即係毒理測試唔會見到過量嗎啡
即係女主唔會因為金手而無左份遺產
所以順利成張叫佢唔好講 照攞份遺產之後俾返份佢
而佢就真係真心話之佢家族其他人

咁大個基斯伊雲斯係poster中間
成套戲睇演員表佢又排第二
你都唔會覺得佢係演路人啦係咪呀...

而且本身個Cast就會代表嗰角色嘅重要性
你睇神奇女俠見到路平教授 睇小丑見到羅拔迪尼路
你都知道個角色會有啲嘢發生啦..

「Blanc試下俾錯label俾女護分藥黎證明佢靠色唔靠label」我唔記得咗有呢幕，唔怪之後尾諗返劇情覺得睇唔明

唔該哂咁多位巴打熱心解答

因為兩支野真係掉轉左 咁係佢地知道女主無隊錯野個陣 應該為左唔好俾人發現到而貼過佢就算

我既意思係 你話佢一定好多戲份唔係佢都唔會肯演啦
我話人地唔係一定要多戲份有劇情先會肯演 好多就咁演普通行過下既角色都會有明星肯拍
唔係話佢前段無戲份但海報企中間所以一定有/無重要戲份

有兩個睇法

第一個係如果一個做開嘅男主角嘅人
無端端去走去做個路人角色係好少見
基本上得兩個可能
第一個可能係套戲其他卡士都比佢勁
第二 係導演係名導 (例如Wes Anderson啲戲)
如果唔係 真係好少見到見開主角嘅人會去做小配角
當然 客串係另計

第二其實一開始都冇話好肯定佢係反派
假如果一開始就喺間屋裏面嘅話
所有演員嘅戲份平均嘅話
其實個嫌疑係會同其他親戚一樣
但係好明顯佢係中途先加入
咁佢前面冇戲份 後邊一定會多番啲
突出咗佢嘅重要性
佢話容易估到佢係兇手

我都知道自己講得有啲亂
希望你明我講啲咩

反而被殺者set個咁多漏洞嘅局真係令人諗唔透
明明一驗屍就會知係咩事

幾好
扭橋都扭得好盡

我開頭都諗點解chris evans點解咁少戲份，但再諗下呢套戲Jamie Lee Curtis, Toni Collette, Daniel Craig, Michael Shannon, Don Johnson，可以話個個都大牌過Chris evans，係有錢都請唔到果種，所以先覺得佢少戲份都唔代表d咩。