[新手] [愛情] 每朝早在巴士站相遇的我和她

屌得了

第十九章
「乜咁猴禽㗎你」佢笑住咁講

「咩啊 你而家係我女朋友喇喎」

「我有應承你咩」聽到呢度我開始有少少頹

「都係我哋仲拖緊手喎」

「因為我鐘意你囉」

「ummm..我唔鐘意你喎 但係我...」

仆街喇, 我都未講哂Tiffany就fing開咗我隻手 個樣好似想喊咁

「但係咩啊」 佢就嚟喊喇

死喇死喇, 唔係開始咗一陣就完吓話

「但係我愛你囉」之後我就攬住佢

「衰人啊 玩我」佢講完之後攬住我喺度喊

望住佢係度喊緊個樣真係好想去保護佢

「對唔住囉 我啱啱都未講哂」

「乖啦 唔好喊啦 以後唔咁玩你喇」

「嗯 我都愛你」

我哋咁樣喺條路中間咁攬住
不如不覺咁到日落

而Tiffany亦都冇再喊

「我哋返屋企啦」

「好啊」

上到車, Tiffany就挨住我個膊頭

真係好甜

「陣間送你返屋企好唔好」

「但係你唔可以咁晏返喎」

「我驚有咸濕佬侵犯我個咁靚嘅女朋友啊嘛」 講完之後我就擺咗隻手去Tiffany個大脾度, 慢慢慢慢咁掃佢大脾

佢面紅紅咁

「喂哎 咁多人唔好啦」佢細細聲咁講

「玩吓你咋 晏咗返都係比媽咪鬧一兩句啫」我喺佢耳邊細細聲咁講

「不過如果你想嘅話 可以嘅」

wtf? 我有冇聽錯？ 啫係得？ 不過我又唔會衰11嘅

「傻妹 話哂我哋都係第一日拍拖咋 同埋唔好咁順灘知唔知啊」

「知喇」

「錫哂你」

唉都係時候落車 代表我同Tiffany冇得見

我送到佢去屋企樓下之後

「你返到屋企 記得打比我喎」

「好啊」

「我走喇」

「唔好走住」

「hmmm?」

「傻仔 我返屋企喇」

佢錫咗我面豬登一淡之後就上咗樓

我一時反應唔嚟呆咗喺度

唔通呢個就係愛嘅感覺？ 真係奇妙

我返到屋企之後沖咗個涼就灘喺張床度

突然間覺得眼皮好似好重咁, 我一合埋眼就瞓著咗

最終章
「仔啊 開飯喇」

各各各

「仔 食得喇」

屌, 邊撚個喺度嘈住哂啊

「等陣啦 啱啱先瞓醒咋」

「自己出去食喇喎 唔等你喇」

睇一睇部電話, oh shit有成10幾個Tiffany打嚟嘅未接來電顯示

打一打返比佢先

「喂 啱啱做咩唔聽電話啊」

但係佢個語氣好似平常咁, feel唔到嬲咗嘅感覺

「sorry啊 我一返到屋企沖咗個涼就瞓著咗」

「我仲以為你去咗溝女𠻹」

「吓邊會啊 我淨係得你一個咋」

「點會唔會啊你咁靚仔」

「我邊part靚 毒撚嚟」

「我話靚就靚 我鐘意咪得」

「我呢世淨係愛你一個」

「我都係」

「唔講住 要出去食飯先」

「係喎 我都要出去食飯喇」

「係咁先啦 love you」

「byebye muah」

可能你哋會覺得好肉麻, 但係拍拖係咁㗎啦

食完飯我就好似平時咁啦phone call吓佢, 同佢吹吓水

「喂 唔講住喇我打機先喇 love you」

「咁好啦 愛你」

之後我就搵咗Jeff, 峰哥佢哋打機
又會講吓同Tiffany啲嘢咁囉

「屌 好葡萄啊 我都想有拖拍啊」

「總有一日會遇到啱你嘅人嘅」

「希望啦」

總係覺得一日冇見如隔三秋咁, 真係好想快啲到星期一可以見佢

好快就到咗星期一, 雖然得幾個字見但係都好幸福

「bb 我要落車喇」

「小心啲啊」

「知喇」

之後就同佢goodbye kiss

聽人講每日出門口都有goodbye kiss嘅話心情會好啲

我諗都係掛, 我淨係知道同Tiffany喺埋一齊真係好開心

終於都有個假放吓, 雖然得兩日 不過都算係咁啦

「bb 我屋企冇人 不如你上嚟我屋企啦」

「好啊」

「我嚟接你啦」

真係有少少緊張, 話哂都第一次上女仔屋企

上到佢屋企, 其實都同我住嗰度差唔多大

「你會唔會喺度食埋嘢㗎」

「可以啊 話哂都係女朋友煮㗎喎」

「利申返先 我煮啲嘢唔好食㗎喎」

「未試又點知呢」

「咁你想食咩啊」

「簡簡單單一碗公仔麵就夠喇」

「好啊」

佢煮緊麵嗰陣我行咗入去廚房, 喺佢後面攬住佢

「做咩啊」

「掛住你囉」

「bb呀 我哋第時結婚好唔好 攞正牌做你老公」

「冇問題呀 老公仔」Tiffany甜笑

食完個麵佢叫我入佢房玩, 不過淨係睇youtube
睇咗幾條片我就覺得眼瞓

攬住Tiffany之後就瞓著咗lu

嗱 你哋可能以為我衰11啦 但係嗰日咩事都冇發生過囉

淨係攬住佢一齊瞓咋

「喂 起身喇 你夠鐘返屋企啦」

「吓 我仲想陪多你一陣喎」

之後我就將部電話較咗做靜音

「不如我 唔好走？」

「但係你媽咪...」

「唔驚啦 為咗陪你比佢鬧又點話喎」

「咁你鐘意啦」

「係喎 我未識你之前 你有冇留意我㗎」

「梗係有啦 成日見到個傻仔望住我囉」

「我覺得我哋真係好有緣份 喺巴士站跌咗個銀包就識到你」

「其實你嗰陣係特登定點㗎」

「算係特登掛」

「但係點解係我先？」

「因為 你靚囉」

「咁膚淺嘅你 你會唔會見到個靚過我嘅而唔要我㗎」

「唔會啦 你最靚」

「咁我問你呀 你鐘意我啲咩」

「Tiffany 我鐘意你嘅全部 我愛你一生一世」

「希 我真係好鐘意好鐘意你啊 我都愛你一生一世」

《每朝早在巴士站相遇的我和她》

完

好正，最後睇到打冷震

有冇第二季

呢篇文由暑假嗰陣打到而家，我諗都有成半年度啦。途中我都停過出文一段時間，好多謝大家嘅支持啦，小弟我中文差，喺篇度幾多錯字又冇乜點用標點。但係大家都繼續睇我寫嘅文，當中有唔少嘅讀者嚟pm我，打吓氣/叫我出文😂，其實都push到我去繼續寫埋落去。

我諗我會有一排時間見唔到大家㗎喇，除非我寫個新故啦。多謝哂大家嘅支持！

多謝晒一路以嚟嘅支持
我諗冇第二季喇 但係手痕想打文嘅話應該會開新故嘅

皮耳正