[新手] [愛情] 每朝早在巴士站相遇的我和她

第十四章
我哋去到九龍灣站再搭小巴, 終於都到咗目的地

「向左就係草地 向右就係平台花園 你想去咗邊個先呀」

「平台花園有咩睇㗎」

「咁...我哋去咗平台花園先啦 唔行都唔知有咩睇呀」

「導遊姐姐 你唔係嚟過咩」

「係啊 我嚟過喇」

「咁做咩唔同我講有咩呀」

「劇透嘅話會令到人冇咁surprise㗎喎」

一上到個平台, 就見到個海景

「嘩 呢個咪維港」

「係啊 係咪好靚呢」

「嗯 如果可以嘅話 我想返去以前嘅香港 試吓啟德機場」

「可惜而家個機場喺赤鱲角嗰度」

「係喎 講講吓講到去機場歷史𠻹 呢度有個啟德跑道公園 個公園係起喺機場跑道上面㗎」

「都幾得意喎 啲飛機上面有機場嘅
歷史」

行吓行吓 我哋去咗草地嗰度坐低咗

「唔知點解 一坐低就想唱歌」

「唱囉」

「但係我唱得好難聽喎」

「怕乜啊 又唔係去表演同埋我都聽過你唱歌啦」

「咁我唱㗎喇」

「嚟啦」

「別再管誰咒你 曾經荒謬闖蕩異地
亦未枉相戀超出煩惱的禁忌
視世上人不理
想早晚能見你 曾經反叛也是我運氣
天與地 年老了不再飛 無那份勇氣
」

「離家出走」

「係啊 有感而發先唱」

「其實你唱得幾好啊 又冇走音 同上次差好遠」

其實上次唱歌走哂音係特登 為咗令到佢笑 走哂音咁又點話

「都話有名我叫荃灣歌王」

「但係點解你話有感而發嘅 你係咪有啲唔開心啊」

「我冇嘢啊 不過我就快要返屋企 6點都嚟緊 之後我諗住唔理 再晏啲先返屋企」

「吓咁點得㗎 我哋要見可以下次再約㗎嘛」
「咁好啦我哋返屋企lu」

「行啦」

好快就去到佢屋企樓下

「喂 我返屋企喇 下次再約啦」

「好啊 係咁先啦」

「byebye」

返到屋企好著部電腦 峰哥佢哋就即刻discord call我

「喂 去咗邊呀 成日都唔見你嘅 去咗同女女拍拖呀」

「係啊 不過唔係拍拖囉 佢都未係我女朋友」

「咁你想唔想佢做你女朋友」

「梗係想啦」

「咁就去馬啦 機會唔等人㗎」

「啱呀 希大佬 你要把握機會 唔好好似我咁 到冇咗先嚟後悔」

「Jeff你好似有啲故仔講喎」

第十五章
「大概就係 有個女仔同我曖昧緊
我嗰陣又驚表完白連朋友都冇得做所以我一直都喺度拖時間冇表白到最後佢要去外國讀書 真係完了吧 如無意外」

「雖然呢我就唔似你哋咁 咁有經驗啦但係我想講都廿一乜仲有人咁老土表白㗎咩 行路時隻手咪會自然擺下擺下咁 一開始借d意唔小心掂下佢隻手先 觀察下佢有咩反應 係唔抗拒嘅一嘢拖落去」

「都係嘅」

「其實係唔洗表白㗎 好自然就會一齊 如果你要搞咁多野 即係唔得」

「峰哥你好似好有學識咁喎」

「唉 不過都過咗去lu」

「講嚟聽吓」

「我嗰陣冇表白 拖落去嗰吓佢fing開咗我 之後就派好人卡 真係諗返起都覺得好撚sad」

「總知呢 就唔好表白啦」

「同埋啱timing好緊要」

「我覺得佢好似對我有啲feel」

「點解先」

「佢今日喂我食嘢 同埋遇返個小學同學嗰陣佢呷醋囉」

「機會嚟喇 飛雲」

「真係？」

「梗係啦 咁你想幾時去馬 有時有啲嘢一走就要走 機會冇咗就冇撚咗㗎喇 你都唔想到時候先嚟後悔啦」

「冇錯 唔好好似我咁 可能你會覺得自己唔得 但係你唔試又點知得唔得 0.01% 都係一個機會 所以 係囉 去馬啦」

「要用平常心去面對」

「咁我要去計劃吓」

「加油啦 睇好你」

「條友終於load到 冇ssd就乜鬼打機啦 阻住我哋上platinum」

打完幾鋪機之後就去咗瞓, 我同Tifanny whatsapp傾電話變咗日常

「希」

「咩呀」

「我聽日開始就要考試喇 要早啲瞓 早啲返去學校 冇得同你見喇」

「吓唔係掛」

「忍吓啦幾日啫」

「咁好啦 考試加油喇」

呢個禮拜冇咗佢真係好唔慣

不過都好嘅有時間比我諗諗嘅

“Wake me up when September ends” 起身望一望部電話, 話咁快就過咗一個禮拜 Tiffany考埋今日就考完試

同時間我亦都plan好咗

一放學我梗係即刻搵Tiffany啦

「喂 考成點啊」

「有信心科科都八成以上」

「咁有信心」

「正常水準嚟啫」

「你今個禮拜六得唔得閒」

「得閒啊 想約我出街？」

「係啊 去睇戲 恐怖片」

「好啊」

「咁我買定飛先喇」

「咁時間嗰啲呢」

「睇3點場啦」

「ok 聽日見啦」

lm
好睇

多謝支持

睇恐怖片驚到深潛？

準備加速入最後直路

等睇炒車

係咪撞咗埋牆

笑咗

炒咗車

要再過多一排先有文 唔好意思

等你

第十六章
話咁快就到咗星期五晚

當然啦, 比老母睇實嘅我出街點都要同佢講啦

「我聽日去睇戲」

「吓 又出」

「係呀 班會活動 老師請睇戲」

「得啦得啦 早啲返啊」

之後老母就比咗兩舊水我

我發覺自己真係幾醒㗎喎 咁都呃到老母

同Tiffany講返邊度等先

「喂」

「做咩啊」

「冇啊 聽日都好似上次咁啦 2點半喺小巴站等」

「你會唔會又好似上一次咁喺我屋企樓下等我㗎」

「唔知呢 你估吓」

「會」

「你聽日咪知囉」

「睇吓點～ 係喎聽日睇咩戲呀」

「我哋聽日睇詭修女 你到時會唔會嚇到飛起㗎」

「我會嘅話點先」

「唔知啊 你覺得呢」

「成日懶神秘咁 收收埋埋」

「諗住比驚喜你嘛」

「咁好啦 有啲期待係咩嚟」

「都係嗰句啦 到聽日你咪知囉」

「好想快啲到聽日啊」

「吓 點解啊」

「因為...因為 唔知喎」

「有得唔知㗎咩」

「你都有得收埋啦 點解我唔得」

「得得得 對唔住大佬」

佢笑咗吓之後話

「傻仔 唔使咁嘅 喂 我瞓先喇 聽日見啦」

「好啦 早抖」

「早抖」

既然Tiffany瞓, 等我刷個牙之後都跟住佢一齊瞓先

一個熟悉嘅旋律響起之後 我睇一睇部電話, shit! 原來已經一點半㗎喇 我瞓到好似昏迷咁

我嗱嗱臨刷牙洗面換衫, 再食個麵包 執一執個袋就出門口

當然今次都一樣會去接佢, 但係喺我一出lift嗰陣 突然間見到Tiffany

「Tiffany?」

「希 乜咁啱嘅」

「你過嚟做咩呀」

「接你囉 唔鐘意咩」

「係你就鐘意㗎啦」

我講完呢句之後佢塊面即刻紅哂

「行啦」

「嗯」

第十七章
「你食咗早餐未」

「食咗少少咋 你呢」

「未啊 一齊食？」

「你陣間諗唔諗住食爆谷先」

「我可以啊」

「而家食咗陣間咪食唔落囉 一係去食個雞蛋仔頂住先？」

「得嘅」

之後我哋就去咗南豐嗰邊 買咗個雞蛋仔食

「喇 喂你食啊」

佢食嘢個樣真係好得意 好想去滅吓佢塊面

「做咩係咁望住我呀」

「冇啊 你靚先望咋」

「識講啊你 口花花咁」

今次我第一次喂女仔食嘢 個感覺真係好特別

「你又食啲啦」

佢又喂返我食咁

無啦啦有條友拎住部即影即有嘅相機行咗過嚟同我哋講

「你哋有冇興趣影張即影即有嘅相呢 10蚊兩張」

「好啊」

之後我就求其擺咗個勁mk嘅pose

「喂靚仔 不如你攬住女朋友影啦」

咁條友講到都無理由唔做啦 所以我就攬住咗Tiffany

佢塊面紅哂但係又好配合我, 佢攬到實一實咁

我dee dee突然間扯到行一行, 佢塊面更加紅

「3 2 1」

Chick chak

「收你10蚊 多謝哂」

「啱啱 你唔會介意㗎嘛？」

「唔會啊 冇問題」

之後我就將張相擺咗去銀包度, Tiffany又跟住我咁做

「都就嚟3點 我哋而家去戲院啦」

「係喎 你買咗飛未㗎」

「一早買咗啦 等你咩」

「點知你喎」

「買咗喇 唔洗驚啦」

「你知你啦 咁大頭蝦 唔知邊個呢連銀包都可以唔記得拎」

「你咁都記得嘅」

「梗係啦 你嘅嘢點會唔記得啊 攞嚟bin你屍㗎嘛」

「唔知邊個揀嘢飲揀咗好耐呢」

「打和囉」

我哋就行到去賣爆谷嗰度

「到你發揮喇」

「吓 我咩」

「嚟啦」

「衰人特登玩我 我哋夾份比啦」

「好啊」

「你想要邊隻味嘅爆谷呀」

「無所謂啦」

「咁...邊個好呢」

睇嚟計劃成功, 我偷笑咗陣

「唔該 要個爆谷二人套餐 焦糖味爆谷同埋原味熱狗」

Tiffany望咗過嚟向住我單眼伸脷

「有選擇困難症嗰個邊個嚟㗎」

「好囉 你贏」

個計劃睇落好成功咁 點知臨尾香𠻹

希望冇錯字 打得好趕

有熱狗

幾時表白
然後比dee dee佢食

睇落去咪知

第十八章
「我哋行咯」

「好啊 點解你今次唔洗諗咁耐嘅」

「因為...你中咗計囉」

「吓咩計呀」

「咁鈍㗎你 咁都唔明」

「啫係點啊 我唔明喎」

「shhh 套戲開始喇」

究竟個計係乜？

睇緊戲嘅途中諗住拎啲爆谷嚟食, 點知時不時就掂到Tiffany隻手

佢隻手好似冰震檸檬茶咁, 睇嚟佢都幾凍吓

「乜你好凍咩」

「少少啦」

「仲懶係勁咁 扮明就勁凍啦你 唔好冷親啊」

之後我就喺背囊度拎咗件褸比佢著

點解我唔除咗自己嗰件比佢？ 因為我都凍到hi hi囉

「你特登拎多件衫㗎？ 唔該哂喎」

「冇啊 睇戲凍諗住著多件衫咋」

唔通個計劃諗足一晚又同你講咩

套戲睇到啲好恐怖嘅位嗰陣, Tiffany就扯住我件褸

點知遇扯遇大力, 睇得出佢真係好驚

「喂小姐 洗唔洗咁大力啊」

「咁人哋驚啊嘛」

我諗都係時候喇

「吓 有我喺度洗乜驚啊」

之後就一嘢拖住佢, 我眯埋眼大概10秒左右

我真係好驚會衰咗

我一擘大眼望一望隻手, Tiffany又冇拎開隻手喎

我見到嘅係十指緊扣嘅手

之後又有少少扯旗嘅feel

啫係我成功咗喇？

我望一望去佢嗰度, 佢又望返我
之後我哋兩個喺度笑, 笑乜呢？ 我都唔知喎

我呢一刻好想套戲快啲完, 因為要細細聲講嘢真係好辛苦

我哋就係咁拖住手睇咗成套戲

套戲終於都完撚咗, 我行到出去先發覺仲係拖緊佢隻手

我望咗望之後問佢

「啫係點呀？」

「你想呢？」

「我都唔知自己想點喎」

「咪就係咁囉」

個意思係我得米喇？ 我諗都應該係㗎喇, 佢都冇fing開我

Yeessss媽咪 我得咗喇

「我哋返屋企咯」

「但係我仲想陪多你一陣喎」

「你等陣先 我去一去廁所」

「好啊 等你」

dee dee一路扯住扯住咁真係好尷尬, 仲要都唔知會唔會比Tiffany睇到之後當我變態佬

我入到廁所洗一洗塊面, 確認自己唔係發緊夢

種感覺好真實, 根本就唔似發緊夢

我行咗出廁所

講都唔講就拖住Tiffany

仆街 打錯字

十次