[新手] [愛情] 每朝早在巴士站相遇的我和她

序章

大家好,我叫haizx，由於好多人都唔識讀我個名，所以啲人叫我做呀hi/呀希，今年十四歲。其實我對人生已經失去哂希望，點解? 因為我讀男校囉，有人講過中學冇拍過拖係人生遺憾。雖然我好認同，但係讀緊男校，又做到啲咩? 唔通真係要喺街到搭訕咩? 我外貌又唔出眾但係又唔樣衰得哂喎，叫做正常樣囉，作為一個167cm嘅男仔又瘦，重要係瘦到成條柴咁。自己又唔鐘意打波, 最叻係咩? 仲洗講, 梗係打機啦, 基本上都係打FPS, LOL嗰類不了。其實講白啲係一個毒撚, 只不過係一個唔睇動漫嘅毒撚囉, 如果有得揀邊個想做毒撚, 可惜個天偏偏揀中咗我, 點解呀???!?!?!?!?!!??! 乜我前世有殺人放火, 強姦, 搶劫咩? 唉, IG bio啲人話命運在我手裏, 我睇完真係想過去屌鳩佢, 因為根本就九唔答八。

就係咁我又過咗一個自己做自己呻嘅夜晚。

"Wake me up when september ends.. Ring out the bells again..." 唉 令人憎恨既 星期一又到喇 我㩒停咗電話個内置鬧鐘之後。

「仔 夠鐘起身 返學喇 」

睡眼惺忪嘅我行出客廳, 飲杯暖水之後再飲豆漿再食一啖阿媽整嘅早餐, 成個人即刻醒神哂。 再刷埋個靚牙, 着埋套校服準備出門口。

「 希望今日班車唔會遲開 」我喺心入面講

我之所以咁講係因為34號巴士嘅司機好撚仆街, 加上我屋企樓下就係巴士總站, 間車遲開真係要硬食遲到, 除非我嘥40幾蚊撘的士或者撘小巴啦, 不過撘小巴嘅話行去學校至少要10分鐘。 對於我啲懶人嚟講, 真係寧願遲到都唔行10幾分鐘。​

"Did you try to live on your own.. When you burned down the house and home..." 戴上耳機, 唔經唔覺已經聽咗3首歌。正當我係到自high嗰陣, 佢終於都出現喇。

呀希加油！

你係啊希？

呀希你好

你好呀希

盲兄文呢？

haizx???
btw 留名

樓主盲㗎？

留名

第一章
佢, 就係本故事嘅女主角。 其實我已經留意咗佢好耐, 原因? 我都唔知啊, 佢就好似一舊磁石咁, 不斷吸引住我。 正當我望向後見到佢行緊過嚟巴士站嗰陣, 佢嘅目光突然間望咗過嚟我到。我就係咁中咗佢招電, 心跳突然瘋狂加速。 怕羞嘅我即刻望返前面扮冇嘢, 好彩嗰陣等緊巴士嘅淨係得我一個, 如果唔係嘅話啲人肯定會覺得我係痴線佬。因為而個舉動真係好奇怪。

「 早晨啊 」突然之間有一把好温柔嘅聲線

我望返去後面, 我個心比啱啱過電嗰陣仲跳得快, 真係好難形容到我嘅心情, 我都唔知應該係驚好定係開心。

「err...早晨啊」 我吞吞吐吐咁回應返佢

「你跌咗個銀包啊」佢指住我個銀包

「係喎, 唔該哂」 我成個心跳咗出嚟, 因為我喺佢面前柒咗 (我都唔知算唔算柒事)

「我叫Tiffany啊, 你叫咩名啊?」 佢揮手示意"hi"

我真係估唔到佢想進一步功佔我個心

「我叫haizx啊, 不過好多人都唔識讀所以佢哋叫我做呀希」

「哦~...咁早晨啊呀希」

我哋自我介紹完之後dead air咗十幾秒, 我開始feel到佢想我接落去, 可惜我唔善於社交所以完全唔知到點樣對答落去, 但係我知道唔可以錯失一個咁好嘅機會所以我就問咗佢。

「係呢...你又係搭34號返學㗎?」我亂咁搵個話題傾, 明知係但係都要揾啲野講。

「嗯..係呀只不過同你唔同,我搭到去西鐵站再撘西鐵返學」佢笑住回答我

我哋身旁嘅34號著左燈, 意味住如果相見又要等聽日

「仆街, 又諗唔到話題」我喺心入面講, 不過就算諗到話題又點啊? 時間嘅迫切都會拎到講講下斷咗。

佢注意到架34之後講「喂, 有車喇」

「嗯」我回應道

「咁...下次再傾啦byebye」佢邊揮手邊同我講

「好啦...byebye」我又向佢揮返手

其實我咁大個仔都係第一次畀女仔聊我傾計, 我當然冇坐佢隔嚟啦, 會有少少尷尬㗎嗎。

㗎車停咗喺西鐵站之後我望出窗, 佢一落到車個下咩返好個書包再整一整頭髮, 令我睇到好入神, 成個痴漢咁。

就係咁, 我哋各自各走上返學嘅煎熬。

喺紙言搬一搬過嚟連登先, 我未有時間出新一章

希哥鍾唔鍾意影相？

影咩相

笑左

加油

咩影相

閃卡

咩閃卡 白卡就話有啫

發覺都好多錯字

Send嚟俾我執執

你睇唔到咩