知情人士係想我哋幫個死者啊
今朝早上嘅時候睇到呢篇文章已經覺得係有訊息係入面
晏晝我讀左一啲細節，我嘗試從理性非靈異角度去睇呢個文章，推斷post主文章背後嘅邏輯同含意
我最後嘅結論係警察殺咗人。
首先我認為知情人士好有可能係警察，而呢一位警察係曾經接觸過死者。出於某種原因，所以佢透過呢一篇嘅文章去透露一啲訊息。文章當中嘅巧合程度已經唔係報夢咁單純。
（我盡可能不會作過度嘅解讀）
1. 個名係中咗，死者中文名陳彥霖
你哋可以自己諗下個機會率係幾咁低，基本上係完全冇可能
2. 講左個名之後就要講年齡，中間有講到夢境入面死者係着住中學校服
即係讀緊中學嘅年齡，有可能係佢接觸死者時冇辦法問到佢個年齡，或者唔方便咁樣直接透露年齡，所以用咗中學呢個詞語去表達佢見到事主嘅外貌年齡。
3&4 我覺得呢度未必係死者被捕嘅地方，因為發生嘅時間點並不吻合，但係呢個知情者係想話俾我哋聽，831車站入面係死咗人，下面我會繼續解釋。
5. 佢係寫咗警察（軍方），其實正常人寫文章係唔會用到咁樣嘅詞語組合，因為兩樣係完全唔同嘅嘢，咁樣寫係話俾我哋聽警察入面的確係混入咗軍方（有可能係武警，解放軍），而且佢承接上面係地鐵站，即係831，如果真係咁，矛頭就會係指向大陸軍方，所以先至會出現咁嘅情況。
之後發生唔合理嘅地方相信已經唔使我多講.......封站兩日，轉去其他地鐵站再送去醫院，同埋之後有影片錄到有人做法師
最後結論831 係死咗人.....
6. 831定新屋嶺，我係相信知情人士係曾經接觸過死者，呢個係二揀一嘅選擇題，同時都暗示緊兩邊都曾經出過事，所以先至會咁樣問死者。
A. 關於呢一度我想知道死者係咪真係戴眼鏡.....？（亦都有可能係佢掩眼法），希望可以得到證實，如果死者真係戴眼鏡嘅話，即係話佢哋兩個曾經接觸過。
以上係我對呢篇文章嘅解讀
分隔線
呢度開始我就會講個成個案情不合理嘅地方
1. 死者係19號夜晚失蹤，而呢一篇文章係21號出，死者係22號被發現
即係話呢篇文章出嘅時候，知情人士並唔知道警察會點樣處理屍體，所以最後結局係用咗消失。
2. 死者係游水健將，更加係跳水運動員，識游水嘅人係唔會選擇跳海自殺.......一個正常人嘅邏輯，如果我識游水我邊有可能跳海自殺呀...！
3. 開Post個 AC今日已經因為某D原因封咗，相信係蘋果已經證實報道，咁樣做係保護緊自己。
4. 屍體已經火化，警察亦都表示冇可疑
第一死者係全裸被發現，第二死者係識游水，點解會變咗做浮屍?
我相信會越來越多資料會慢慢浮上水面
呢度只係我第一浸嘅推理，希望下面可以提出一啲唔同嘅觀點
睇完嘅話幫我推，可以嘅話提出一啲觀點，我求下你地.....
我哋會幫你爭取公義，安息吧香港女兒
RIP
