[校園][純愛]《幸運星下的預言》(Ⅵ)

今時今日都重記得佢
特別係我老母平時記性都唔係好。

「呀傑仔你走寶啦
我會唔會冇孫抱㗎」

等我追返先

好耐之前啦喎
姐姐都冇上水好耐

會啊 傑仔佢走寶啊

唔緊要啦睇返都好反正返工睇連登到放工

完全睇唔出有咩理由會sad end
究竟係有幾花式啦

已經sad左？

睇埋落去

唔知呢

你兩個睇到啦

咁就唔知住

咁肯定

你好彩

唔知

可能係你地估錯根本就唔會sad

寫埋落去

以前就冇追故追到LIVE，E加每日就等你出文等到成隻餓狗咁

唔敢去想像 因為最近睇完心如個故事之後暫時平伏唔到

第一百一十三章
臨近三月

筱瑜同我講

佢搵到個原因出嚟食飯

我心諗唔係呀話

我地兩個咁都要搵個原因出嚟食飯

於是佢就咁講

筱瑜:「呢排溫到個人好緊呀

你唔覺咩」

我:「又係

日溫夜溫成個腦都係嗰啲內容」

筱瑜:「係囉

所以要出嚟食飯」

我:「呢個就係原因呀

筱瑜呀筱瑜

你幾時變到咁無賴

呢個都叫原因

想見你男朋友我咪講囉」

筱瑜:「我都未講完

叻唔切

搞錯呀由你把口話我無賴

一定唔服」

我:「咁個原因係咩呀」

筱瑜:「就係拎利是錢出嚟食飯」

我:「下」

筱瑜:「咩呀唔得咩」

我:「得得得

你繼續你繼續」

筱瑜:「冇喇喎咪就係咁囉」

我:「你依家先拆利是」

筱瑜:「係呀

嗰日出嚟食飯

一於就咁話

請埋你又點」

我:「你越嚟越盞鬼呀

以前都唔知你有咁多無聊野」

筱瑜:「一日咁多啦

我未請過你食飯呀

好想喺考試之前請一次」

我:「我又真係唔明點解咁心急喺考試之前」

筱瑜:「幫大家打氣囉

呢個原因夠唔夠充分」

我:「你講出口一定夠啦

你講到咁冇理由唔出嚟」

筱瑜:「好呀好呀

好似過幾月冇出嚟拍過拖」

我:「平時溫書呢」

筱瑜:「唔計」

我:「我計喎」

筱瑜:「咁呀，

好耐冇出嚟一齊食飯囉

我咁樣講咁啱唔啱先」

我:「一定啱啦」

出去個過程就唔點樣詳細講

都係同之前差唔多

淨係記得嗰日去咗食燒肉

一路食一路講將來讀咩呀呢樣嗰樣

我唔呃你

我個排序真係抄佢就算

讀乜都冇所謂

你可以話我嗰陣唔成熟嘅

依家嘅我都唔會否認

嗰陣諗野好簡單咋

同佢一齊就得

我唔係擔心佢會背住我出軌所以同佢一齊讀

而係傾向大家繼續做同學

好似依家咁盡量唔好變

我睇佢就完全冇異議

跟住佢就講咗樣幾特別嘅野

筱瑜:「係喎

映彤都想同我地同一間u」

我地嗰陣有一間想入嘅

名就唔開啦費事自爆

總之交通都幾方便

咁你知道有咩選擇啦

我:「下

竟然係咁」

筱瑜:「佢嗰陣同我講架

咁我話梗係好啦

大家咁friend一齊讀keep contact都易啲」

我:「我冇所謂呀

係囉有個照應都好啲嘅

佢又係讀乜都冇所謂」

筱瑜:「唔係喎佢話想讀social science」

我:「一於就唔好揀social science

到時佢肯定踢爆我中學啲衰野」

筱瑜:「又喺度醜化人」

我:「佢肯定會哈哈」

筱瑜:「你有咩衰野俾人踢爆呀」

我:「有個靚靚女朋友

一定俾人打死啦

收皮啦你條撚樣邊度配得起嗰個女仔

一定俾人咁講」

筱瑜:「痴線邊有咁誇張呀」

我:「你唔知咁多喇唉」

筱瑜:「總之有人話你我一定喺你隔離幫你出頭

咁樣得未先

就唔驚俾人踢爆啦」

我:「好撚感動

係喎你唔係話要寫故仔咩」

筱瑜:「劇本嚟寫緊呀

哎大鑊講咗出嚟添」

我:「痴線咩大鑊

我唔知得嘅咩」

筱瑜:「唔係唔知得不過唔係咁早啫

總之係咁啦假以時日你就會知」

我:「都唔知你噏乜撚」

筱瑜:「依家最好就唔知啦……」

最後嗰句佢講得特別細聲

佢講到咁咪唔理佢住

反正都講到遲啲會知

我就繼續食燒肉喇哈哈。

筱瑜寫佢同傑仔嘅劇本