[校園][純愛]《幸運星下的預言》(Ⅵ)

咁驚

你咁維護佢?

你都好支持筱瑜

呢個推論

可能冇呢

純粹拎佢地生日相乘

多謝你支持

是
一樣就唔會打出嚟

如果變G結局 我會衝擊丁仔前列腺

哇！你咁樣會令我驚架（光頭.jpg）

巴打咁勇武

咁咪即係sad end?

其實點都係sad

第一百一十六章
當聽到監場人員講

「考試時間完結請停止作答」

嗰刻真係成個人鬆晒

考試原來咁就完咗

未考嗰陣諗到天花龍鳳

其實都只係一瞬間嘅事

當然啦呢一瞬間嘅背後，

用嘅時間真係數之不盡

我唔講咁遠喇，

我淨係講最近幾個月

真係歷來最努力嘅時期

得定唔得，

你依家問我梗係打死都話得啦

唔通話唔得呀

今次都係等肥佬咁樣呀

起碼每條都有寫野上去

自己都覺得嗰啲內容係攞到分嘅

當然啦客觀嚟講，

有寫唔代表啱

你覺得有分係冇用

最緊要係marker覺得有分

如果有內容就有分數嘅話

學位貶值嘅問題就更加嚴重啦

阿豬阿狗寫野上去就拎到分

咁有邊個會肥佬啫

繼續諗我都覺得只係嘥時間

反正全部卷都交晒，

你再花時間落去又有咩意義呢

作答完先至學人扮勤力喺度諗

我就唔會拎呢啲光環

有咩用啫啱唔啱先

等多陣監場人員就話可以離開

嗰一刻我淨係知道，

以後行條咩路就睇今次嘅成績

我呢條友，

從來都唔係孝順

不過點衰都好，

我好希望可以做返一次好野俾我雙親睇

好想見到佢地因為我履行到承諾而開懷大笑

話俾佢地知作為仔嘅我，

唔係得把口講

一次咁多就已經好夠，

雖然佢地從來冇講過啲乜，

不過我之前都講過啦

為人父母見到自己仔女學業有成

有邊個會唔開心丫

係呀我好膚淺架咋

入到u我就當係學業有成

各位俾啲面我丫

我都知入u其實只係小事

你係first hon先算啦

已經未講master

不過對於我呢個咁屎嘅人

將標準放低啲啲都唔係好過分掛

呃到老豆老母就得啦，

跟住就打比筱瑜

講少少無聊野就算數，

不過我覺得佢今日啲反應同平時有啲唔同

收線後自己喺度諗

莫非重未處理好尋晚嘅情緒

唔係丫尋日已經笑返

定係因為考得唔好

痴線佢重叻過我亦都冷靜過我

我失準都未到佢失準啦

於是我選擇等陣再打過去

佢依家應該返緊屋企，

等我返到去再打俾佢同佢傾下先，

當時嘅我又點會知，

呢個電話會令到我同佢展開第一場嘅鬧戰呢。

返到去就打俾佢

我:「點呀係咪唔開心呀」

筱瑜:「做咩咁講呀」

我:「冇呀頭先聽你冇乜野講嘅

你嗰度咁嘈嘅喺邊度呀」

筱瑜:「冇呀

咪同副主席佢食緊野囉」

我:「你同佢一齊考咩」

筱瑜:「係呀」

嗰刻我有啲奇怪，

因為筱瑜每次考完試都會返屋企食飯

佢講過屋企係佢最放鬆嘅地方

所以為咗迎合考完試嗰種輕鬆心情，

佢一定係返屋企先

之後出街再算數

不過可能推唔到副主席呢

嗰陣我係咁諗

我:「考完試喇喎

出街拍拖丫」

筱瑜:「都未考完」

我:「得返英文oral咋喎」

筱瑜:「咁都係考試丫」

我:「起碼要等到五月喎

咁就死啦

咁咪幾個禮拜冇得出街」

筱瑜:「之前都係咁架啦

係咪先」

我:「梗係唔同啦

之前嗰啲真係筆試

咁就梗係死刨爛刨

依家唔係喎

一科oral咋嘛」

筱瑜:「如果衰咗oral就已經可以拖低成科英文

英文唔合格嘅話，

入唔入到u心照啦」

我:「咁都可以一齊出嚟溫啫」

筱瑜:「上幾個禮拜咪日日同你溫嘅」

我:「係丫」

筱瑜:「真係唔好介意喎

我發覺呢對我嚟講好似自己一個溫得好啲」

其實呢句野聽完之後，

好難會唔介意

講得白啲，

即係話你拖累佢

表面唔係咁講不過我聽完之後得出呢個意思

當然啦呢一刻我都重忍到，

可能只係我敏感啫

講嗰個未必有意呢，

我:「咁我都明嘅

出嚟食飯都唔得」

筱瑜:「出嚟食飯到時傾耐咗又送我返屋企

唔好話我自己，

你自己時間都少咗啦」

我:「不嬲對你都係咁架啦

同埋都係你啫唔緊要喎」

筱瑜:「可唔可以成熟啲啲呀

我又唔係話唔出嚟拍拖，

我都係擔心大家時間唔夠啫

你又唔係唔知我好緊張A-Level

等到五月咋嘛，

定其實你都係講下架咋」

佢講邊句我都唔會嬲

唯獨就係最尾嗰句，

我唔知有冇喺度講過

簡單而言，

我最憎就係聽到嗰啲話我唔勤力唔努力玩玩下嘅言論

你話我差唔緊要

你睇死我都唔會介意，

甚至話我唔成熟我都未必會否認

但係一聽到唔勤力就無名火起

由細到大都係咁，

唔係滴晒汗先叫努力

有邊個比自己更加有資格判斷努唔努力

我:「我得個講字

同你溫書溫咗幾耐呀，

依家都只係差一個口試

所以先想約出嚟拍拖見下面啫

之前考緊其他科嗰陣我有冇特登約你呀，

因為一次你就話我得個講字玩玩下

ok咁咪唔出嚟囉冇所謂

加油啦」

我已經盡量抑壓情緒

如果頭先對住其他人我已經係咆哮咁樣

就係因為佢所以我選擇忍埋佢

保持平和語氣，

點解今次咁嬲

除咗頭先講個原因之外，

我係有同佢講過我好唔鍾意呢啲言論

佢依家咁樣講即係當日冇聽過我講啲乜

同埋我真係唔覺得呢個要求有咩咁過分

當然啦頭先我都留咗一線

我唔知佢點諗呀，

淨係知自己嗰刻冇乜心情，

原來同女朋友鬧交係咁嘅滋味

向好啲諗咪叫試過拎咗經驗囉，

凡事都有第一次架啦。

Lm

咁多嘢都唔鬧，擺明搵交嗌...

突然咁講嘢
希望唔係心嗰句
係有難言之隱

唉 等到五月就唔係到喇

唉

突然間晦氣左好多

come on james

睇嚟筱瑜係想傑仔憎佢
跟住就去外國讀書
唔知呢？睇埋落去啦