[校園][純愛]《幸運星下的預言》(Ⅵ)

今朝連登死死哋，我第一個反應係睇唔到筱瑜點算…

你覺得呢

睇落去就知
傑仔一開始嗰陣同我講想跟返現實

其實真係可以好快

你覺得呢

我諗每個人都想有個好結局

捱過咗就唔好諗返轉頭

維持著既定嘅距離

多謝你咁上心

我就覺得唔會，因為如果係唔鐘意佢就唔會送D幸運星比佢亦唔會叫佢9年後先再睇（我硬係覺得一定唔會淨係生日乘埋咁簡單）我覺得可能係一D外在因素例如樓上個話關阿媽事或者筱瑜要出國等等因素（利申個人見解可能錯曬

又係將啲message收喺幸運星嘅橋段

第一百一十九章
第二朝醒返，

唔知係咪因為過咗一晚嘅關係

好似冇尋日咁悲觀

依家諗返邊有情侶唔嗌交先得

況且我同佢即日好返都唔算好嚴重啦

尋日dead air可能只係偶一為之呢

於是起身即刻搵佢

佢又唔係好遲覆我

不過唔係秒覆囉

你當個幾兩個字啦

之前就梗係唔係

sms定係msn都好似隨時online咁樣

一搵佢就喺度，

係喎可能佢依家溫緊書呢

我唔溫oral啫，

佢呢啲高材生會丫嘛

嗰陣嘅我好樂觀咁去諗

回想返轉頭

或者當時只係自欺欺人

冇計，

人的而且確好脆弱，

特別當時我只係一個經歷緊初戀嘅毒撚

對愛情呢個遊戲可以稱得上一竅不通

因為經驗實在係少

暗地裏梗係知咩事啦，

只不過唔想去接受啫

既然係咁咪諗得樂觀啲，

之前都有講過，

反正開唔開心都要過日子

咁冇理由要選擇一個負面嘅情緒丫

唔係過分樂觀，

只係不斷會俾藉口

跟住嗰幾日，

我地都好少傾計

平時一日都幾版啦

依家可能一日得兩三句，

呀澤條八卦友有問個情況係點

咁我梗係如實作答

事實上都冇必要呃佢

呀澤:「我估其實你自己都知咩事

我作為局外人都知，

你親身感受唔會唔知掛」

我:「真係唔知點

我又唔想無啦啦去搵佢喎

第一唔知講乜好

第二，

佢不嬲都好重視自己時間

唔係好鍾意人打擾佢，

啱啱識嗰陣已經咁講

所以我一直都唔上去搵佢就係咁解」

呀澤:「其實一個人變心唔係好難嘅事，

男同女都係

當然唔可以一概而論，

只係唔需要覺得點解咁快嘅又或者點解咁慢嘅」

我:「你知我毒撚

第一次拍拖乜撚都唔識」

呀澤:「放心啦

好快就會識，

唔到你話唔識呀

走唔甩」

我:「係嘅你都有道理」

呀澤:「我聽過好多人講，

變心之前乜都冇跡象喎

其實我呢條契弟想講好耐，

變心就係可以快到你睇唔到跡象

有時唔係話邊個錯，

真係單純唔鍾意

好似今次個case咁樣，

講得俗啲咪就係突然間冇feel囉

鬧自己都冇用因為可能根本就唔關你事

純粹係人地突然間唔鍾意

當然啦如果諗得衰啲，

可能有個原因嘅」

我:「講嚟聽下」

呀澤:「會唔會有咗第二個呀」

我:「我係點你就知啦

至於佢係點，

喺學校咁耐我未見過佢有一個好親密嘅男性朋友」

呀澤:「諗深啲真係冇

移情別戀真係好常見

都係最容易去解釋點解唔鍾意原本嗰個人」

我:「佢講過有個青梅竹馬

男仔嚟

顧名思義就梗係識咗好耐，

不過嗰陣我借啲咦問佢

佢話冇野喎

重話佢個青梅竹馬有女朋友」

呀澤:「你問佢嗰陣係幾耐嘅事呀」

我:「未拍拖嗰陣囉」

呀澤:「即係好耐啦」

我:「但係我又咁樣諗

如果有野應該一早有啦

十幾年喎

要等到今時今日」

呀澤:「可能最近佢兩個發生咗啲事

令佢兩個重新將對方定位呢

點解一直撻唔著

或者就係因為十幾年入面都冇一個好嘅時機呢

可能你會問唔係呀話十幾年都冇

有時就係唔可以用時間去衡量，

講明先呀可能咋

我真係唔肯定，

你有冇覺得佢最近有啲蛛絲馬跡先」

我:「咁又冇喎」

依家打返出嚟其實覺得係有嘅，

只係當時唔知啫

我:「佢不嬲都係好小心同埋謹慎嘅人

我真係唔覺得有咩蠱惑」

呀澤:「咁可能係我自己心多啦。」

我:「都好嘅起碼有條友陪我去諗下究竟係咩事

有多一個角度。」

繼續講落去都冇乜特別衝擊

咁就繼續沉醉於遊戲世界入面喇

呢個問題都困擾咗一段日子，

直到有一日一個電話，

將我所有疑慮一次過釋除。

我估兩個禮拜左右

睇落去就知

唔知呢

又呢啲位停

發夢前喺呢個位停