[校園][純愛]《幸運星下的預言》(Ⅵ)

咁就真係睇落去

唔知呢

死火 我宜家睇緊個故 比我知左結局點算 明明都幾甜下

仲有家欣

Hey boy

我仲特登查一查罄竹難書點解

G

梗係

睇完個 難怪你地會咁講

睇完個結局*

直覺話我知 一定係sad end

依家有冇渠道了解佢嘅近況

新讀者你好

可能真係嬲

性格不同

作家你好

憑直覺咁大膽

其實我一直都有追你d故

我真係嬲㗎

第一百一十七章
晏晝我冇打俾佢，

因為今次真係唔覺得係我自己問題

你知啦後生仔一時火遮眼

咁我都唔會特登去惡化呢段關係

依家咁樣咪當係一個磨練

去到夜晚，

手機無啦啦響

原來係佢

諗咗陣，

唉算數啦

對住佢邊嬲得耐

你話我冇志氣都係咁架喇

當然啦循例上都要扮下嬲

唔係重成世界嘅

我:「做咩呀

你唔使溫書咩」

筱瑜:「唔好意思呀

晏晝好似……講錯咗野」

我:「唔緊要係我衰

明明都未考完試，

點解約你出嚟見呢

你都係想我咁講啫」

筱瑜:「唔好嬲啦

我下次唔會咁講野喇」

我:「咁樣即係道歉」

筱瑜:「對唔住我講錯野」

我:「就咁講一句邊有誠意」

筱瑜:「聽日出街

咁樣有冇誠意呀」

我:「你唔使溫書咩聽日」

筱瑜:「係喇我真係唔好意思喇

以後唔會再咁樣講野」

我:「算數啦都過咗去

咁樣聽日好似平時咁喎」

筱瑜:「好呀聽日見啦」

所謂嘅冷戰，

其實都只係得幾個鐘

可能好多人都話，

搞錯呀咁快當冇野

你問我就算啦

佢都道咗歉

識咗佢年幾兩年

都係第一次有拗撬啫

況且都道咗歉

唔通真係講成世咩

既然佢都話聽日出嚟

起碼證明佢都有誠意

呢個係我當時嘅諗法

係咪好天真

各位自己判斷啦哈哈，

不過呢幾日真係峰迴路轉，

好似拍戲咁樣

完全估唔到情節發展

我諗都冇諗過聽日個見面

換返嚟，

竟然唔係平時擁有嘅滿足。

第二日出嚟我地當冇事發生過

不過唔知點解，

傾計嗰陣硬係冇咗之前個氣氛

特別有時行緊嗰陣

真係出現dead air

搞到有幾下我都係為講而講

你當係以下咁啦

我:「依家去邊呀」

筱瑜:「你想呢」

我:「不嬲你諗架喎，

你話事啦我冇所謂」

筱瑜:「咁呀

唔知呀行住先」

我:「哦」

筱瑜:「嗯」

絕對唔係以往嗰種氣氛

之前係你一句我一句有傾有講，

邊需要特登諗話題

佢行邊我就行邊架啦

點會問到出口，

識佢咁耐第一次有呢種感覺

咁都未算，

令我最愕然嘅係返到佢屋企嗰陣

氣氛點樣尷尬都好啦

不嬲我都會送佢返屋企，

今日都唔例外

我:「仲有野未做喎」

筱瑜:「咩呀」

我:「goodbye kiss」

我特登扮冇野

好似平時咁樣，

就係唔想營造一個同平時唔同嘅感覺出嚟

我自己咁諗另一回事丫，

跟住筱瑜就錫咗落嚟

不過今次唔係嘴唇

而係右邊面

筱瑜:「走喇拜拜」

我一路望住佢背影，

佢只係一直向住屋企方向嗰邊走

冇回望轉頭

可能你地覺得我特別敏感

佢起碼有錫丫

但係作為當局者嘅我，

我覺得我地依家嘅關係真係出現咗變化

以往goodbye kiss每一次都係嘴唇

係每一次

有咩原因今次會唔係

我只係諗到一個原因，

就係有啲野變咗

我唔否認情侶對於呢方面特別敏感

有時可能只係自己諗多咗，

不過我嗰一刻正正就係咁

望住佢背影就出現咗好多諗法

會唔會我地嗰段關係實在係太脆弱，

好似玻璃樽咁樣，

尋日跌爛咗，

縱使當晚即刻黐返好，

黐完之後發現都係有裂縫

手勢點樣好誠意點樣夠，

佢都唔會再變返未跌爛之前咁樣，

裂咗就係裂咗，

冇得再呃自己

我唔係話每對情侶都係咁，

只係話我地個情況係咁樣啫，

或者，

我一直高估咗呢段關係

打從心底我真係好鍾意佢，

不過拍拖你知唔係一個人嘅事，

我點樣鍾意佢都冇用

可能我同佢根本就未打好根基，

少少風浪就已經不堪一擊。

多謝

唔好

「為左另一半」唔係藉口
冇人可以為自己做決定

次次都係有啲嘢冇同對方講 跟住就分手