[校園][純愛]《幸運星下的預言》(Ⅵ)

十個他不如你一個

可能唔係你諗咁呢

唔知呢

唔通係20年嗰個325

我要慢慢學習 沒有期望就沒有失望

見到筱瑜話
無論到時係咩關係
都要搵佢
就硬係覺得好sad想喊

無論到時係咩關係
唉

第一百一十五章
考試個過程

老實講，

我都唔知點樣描述出嚟先好

淨係記得所有野都好快

根本冇喘息嘅空間

今日考完

拿拿臨就準備之後嗰一科

如果真係夾硬要去搵休息時間，

可能就係考完之後返屋企嗰段路

一係就聽下歌，

再唔係就同筱瑜傾電話

跟住返到屋企

就將之後考嗰科啲材料

擺落書包入面

跟住就再起程

因為要同筱瑜溫書

講明先呢個要求唔係我決定嘅

拍拖係好重要，

不過嗰陣我都驚出出入入會耽誤到佢溫書嘅時間

可能你地會覺得好誇張

出入會阻到溫書嘅時間咩

不過我始終覺得時間一定係越多越好

我都知好近

不過一出一入真係會佔時間，

呢點係不能否認

阻到自己唔緊要，

最驚就係影響到佢

點知佢話唔驚

一齊溫重好

話想見多啲

我唔理真定假啦，

總之佢話唔驚咁我驚咩呢

同埋出到嚟有佢第一身教導

對自己吸收方面絕對係有利冇害

在情在理下

出嚟一齊溫書絕對係明智之選

講開又講

A-Level過程入面有冇壓力

話冇就梗係呃你

我相信每個人每一日都會遇到唔同嘅壓力

返工嘅返學嘅唔使講啦，

甚至放緊假又或者生活好得閒嗰啲

亦都唔會例外

點樣釋放真係因人而異，

自問自己呢方面控制得唔錯

雖然當時感覺到壓迫性好強

不過未去到爆發情緒嘅階段

唔需要搵啲特別途徑去宣洩，

我諗住筱瑜同我都一樣啦

起碼由第一日識佢嘅時候，

已經覺得佢非常冷靜

到後來熟咗，

知道佢都有難處

係要自己去面對，

佢依然處理得相當妥當，

起碼唔容易察覺到佢情緒嘅起落

甚至係今次A-Level，

由未考去到開考嗰陣一直都好淡定

唔會徬徨做乜都有晒方向

準備又充足，

望落去情緒管理做得相當好

係直至到最後一日，

火山終於爆發。

大家都知我同佢係理科人

我地最後一科係考physics，

冇記錯早兩日先考完chemistry

跟住抖一日就考physics

原本以為休息嗰日同平時冇分別

都係出嚟溫書跟住返屋企瞓覺

偏偏就唔係，

嗰日溫完書順便食埋飯先返屋企

正當諗住送佢返屋企嗰陣，

點知佢突然開聲話

筱瑜:「唔好返去住丫

去公園坐好唔好」

我:「好呀」

我冇問咁多，

嗰刻直覺佢有啲野發生咗

因為平時絕對唔會咁樣

食完就送佢返屋企，

以我印象

嗰日應該係佢第一次主動話想去公園坐唔返屋企住

一坐低，

佢就攬住我

跟住我feel到我個膊頭濕濕地

我就知佢喺度喊

佢唔係嚎哭嗰種，

而係眼淚不停流而唔嘈嗰種

我唔敢講任何野

冇問佢咩事，

因為我認為嗰陣我最需要做嘅

就係任由佢喊同埋攬

唔好干預佢

都唔知過咗幾耐之後，

我先出聲問佢

我:「做咩呀

好返啲未呀

想講就講唔想講就唔好講，

總之你要喊嗰陣我一定喺你隔離」

筱瑜:「唔好走住好唔好呀」

我:「得

使唔使買啲野飲。」

筱瑜:「唔使，

你喺度就得喇」

我:「知你呢排壓力大

慢慢抒發情緒啦，

你唔叫我走我絕對唔會走」

筱瑜:「嗯」

我:「你好叻呀，

去到最後一日先忍唔住

放心唔使咁驚」

一直以嚟佢都好堅持佢女強人嘅形象

但其實佢都只係一個19歲嘅女仔，

壓力爆煲絕對係好正常嘅事

無論平時外表點樣堅強都好，

當過咗臨界點，

講乜都係廢話

平心而論開頭係有啲擔心

因為未見過佢咁樣

佢喊緊嘅同時我都諗緊，

係喎其實咁樣都好正常

我最驚就係佢收埋自己一個面對啫

佢依家喺我面前釋放，

換個角度睇

起碼叫做願意同我一齊分享佢最真實嘅感受

我都唔記得坐幾耐

淨係聽到佢話就快十二點要返屋企喇，

跟住先走，

我:「你睇下你對眼紅晒

唔使咁驚考埋聽日就完」

跟住佢喺度笑

我:「咪好囉笑返」

筱瑜:「多謝你呀，

頭先已經抒發完

呢一程要開開心心」

我:「咪係囉，

咁先係嘛」

去到佢屋企門口，

佢望咗個錶一下

跟住一野錫埋嚟

goodbye kiss好正常丫係咪先，

不過今次個kiss錫得比平時耐

平時都係幾秒就搞掂，

今次就唔係，

我都冇數到究竟錫咗幾耐

直至佢個錶響

踏入零時零分，

先至分開，

筱瑜:「好喇我走喇

今次真係拜拜

重有，

聽日要加油」

我:「好，

跟住一齊大把時間玩」

筱瑜:「拜拜」

跟住就各自歸家，

準備最後一科筆試

依家再慢慢諗返起，

有句說話真係我想問

究竟係邊個講，

暴風雨嘅前夕總係平靜，

至少，

我唔覺得係啦。

咁就唔知

或者

佢保守啫

穩陣啲啫都係

今次真係拜拜

希望係今年 已經見返 一齊返

再見了
又係另外一個曉兒G

今次真係拜拜

屌
又粒聲唔出走左

真係G既話
我寄刀片

次撚次都係咁

筱瑜:「好喇我走喇

今次真係拜拜

應該考完就即走吧 唉 我都想知點解 睇落去吧

應該又係屋企人既決定

幻覺嚟嘅啫，嚇我唔到嘅

應該就走硬
係咪真係可以9年都唔變心

究竟筱瑜會唔會變曉G呢？
唔知呢？睇埋落去啦